FireFox ئۇيغۇرچە تىل ھۆججىتىنىڭ تەرجىمىسىگە پىكىر بېرىڭ
تورداشلارنىڭ كۈچ چىقىرىپ ياردەملىشىشى بىلەن موزىللا شىركىتىنىڭ تور كۆرگۈسى Firefox نىڭ ئۇيغۇرچە تىل ھۆججىتى پۈتتى. بۇ تەرجىمە قۇرۇلۇشىنىڭ ئىلگىرىلەش ئەھۋالىنى
https://l10n.mozilla.org/narro/narro_project_list.php?l=ug تور بېتىدىن كۆرەلەيسىز.
ئىلگىرى ئۇيغۇرچە يەرلىكلەشتۈرۈلگەن يۇمشاق دېتاللاردىكى پېئىللار يەنى كومپيۇتېردىكى بۇيرۇقلار ئىسىمداشقا ئۆزگەرتىلىپ تەرجىمە قىلىنغان، مەسىلەن: copy كۆچۈرۈش، cut كېسىش، paste چاپلاش دېگەندەك، يېقىندا باشقا تىلدىكى تىل ھۆججەتلىرىنى سېلىشتۇرۇپ كۆرۈش ئارقىلىق بۇ خىل تەرجىمىنى بۇيرۇق شەكلىدە ئېلىپ مۇۋاپىق ئۆزگەرتىپ چىقتىم.
يەنى copy كۆچۈر، cut كەس، paste چاپلا دېگەندىن بۇيرۇق شەكلىدە ئېلىپ تىل ھۆججىتىنى پۈتتۈردۈم، ئۇنىڭدىن باشقا ھەر بىر تىزىملىك ۋە كۆزنەكلەردىكى تەڭشەكلەرگە تېز كۇنۇپكا ئەسلىدە ئىنگلىزچە كۇنۇپكىلاردا تىرناق ئىچىدە ئەسكەرتىلىپ ئېلىنغان ئىدى، ھازىر تېز كۇنۇپكىلارمۇ ئۇيغۇرچە ھەرپلەرگە ئورۇنلاشتۇرۇلدى، تېز كۇنۇپكىنى ئۇيغۇرچە ھەرپلەرگە ئورۇنلاشتۇرۇشتا مۇنداق پرىنسىپقا ئەمەل قىلىندى:
1- ئۇيغۇرچە تەرجىمە تېكستىدە ئەسلىدىكى ئىنگلىزچە تېز كۇنۇپكىغا ماس ئۇيغۇرچە ھەرپ بولسا شۇ پېتى ئېلىندى.
2- باشقا تېز كۇنۇپكىلار بىلەن توقۇنۇشۇپ قالمىغان ئەھۋالدا سۆزنىڭ بىرىنچى ھەرپى ئېلىندى )ئا ئە ئو دېگەندەك ھەمزىلىك ھەرپلەرنىڭ ھەمزىنىڭ ئارقىسىدىكى ھەرپ ئېلىندى(.
يۇقىرىقى تەرجىمە ۋە تېز كۇنۇپكىدا ئۇيغۇرچە ھەرپلەرنى ئىشلىتىش تېخى تۇنجى قېتىملىق سىناق بولغانلىقى ئۈچۈن كۆپچىلىكنىڭ تەكلىپ پىكىر بېرىشىنى ئۈمىد قىلىمەن.
ئېلىپبەلىك يېزىق ئىشلىتىدىغان مىللەتلەرنىڭ ھەممىسى ئۆز يېزىقىدىكى ھەرپلەرگە تېز كۇنۇپكا ئورۇنلاشتۇرغان شۇنداق بولغاچقا Firefox يۇمشاق دېتالىنىڭ تىل ھۆججىتىدە تېز كۇنۇپكىنى ئۇيغۇرچە ھەرپلەرگە ئورۇنلاشتۇرۇش ئىشىنى سىناق تەرىقىسىدە ئىشلەپ پۈتتۈردۈم، تەپسىلىي كۆزەتسەڭلار يەنە بەزى كۇنۇپكىلارنىڭ تېخىچە تىرناق ئىچىدە ئىنگلىزچە ھەرپلەر بىلەن تېز كۇنۇپكا ئىپادىلەنگەنلىكىنى بايقايسىلەر.
تۆۋەندىكىسى Firefox نىڭ ئۇيغۇرچە كۆرۈنۈش سۈرەتلىرى
| ياردەم
