Windows 98/2000/NT/XP/2003 لەردە ئۇيغۇرچە كىرگۈزۈش قورالى «ئويغان» ئۇيغۇرچە Unicode لۇق كىرگۈزگۈچ 3.0 توغرىسىدا ياردەم

«ئويغان» ئۇيغۇرچە Unicode لۇق كىرگۈزگۈچ 3.0 نى قانداق قاچىلاشنى بىلسىڭىز بۇ يەرنى بېسىپ چۈشۈرۈۋېلىڭ، بولمىسا تەپسىلاتىنى ئوقۇڭ

يېڭىلىقلار

قاچىلاش ئۇسۇلى

دىققەت قىلىشقا تېگىشلىك ئىشلار

يېڭىلىقلار

قاچىلىماقچى بولغىنىڭىز ئۇيغۇرچە كىرگۈزۈش ئىمكايىتى يوق Windows مۇھىتىدا ئىشلەيتىدىغان، «ئۇيغۇر كومپيۇتېر ئىلىمى جەمئىيتى» تارقاتقان مەتبەئە ۋە خەلقئارا ئۆلچەمگە چۈشىدىغان ئۇيغۇرچە Unicode فونتلارنى ئۆز ئىچىگە ئالغان، «ئويغان» ئۇيغۇرچە كىرگۈزگۈچىنىڭ 3.0 نۇسخىسى. بۇ نۇسخىسىدىكى ئاساسلىق يېڭىلىقلار تۆۋەندىكىچە:

1. ئۇيغۇرچە ھەرپلەرنى كىرگۈزۈشتە «ئۇيغۇر ئېلىدە ئومۇمىيلاشقان ئۇيغۇرچە كونۇپكا تاختىسى» ۋە بىرلىككە كەلگەن ئۇيغۇر لاتىن يېزىقى (ULY) غا ماسلاشقان «ئۇيغۇر خەلقئارا كونۇپكا تاختىسى» تەمىنلەندى.

1.رەسىم نورمال ھالەتتىكى ئۇيغۇر ئېلىدە ئومۇمىيلاشقان ئۇيغۇرچە كونۇپكا تاختىسى

2.رەسىم Shift كونۇپكىسى بېسىلغان ھالەتتىكى ئۇيغۇر ئېلىدە ئومۇمىيلاشقان ئۇيغۇرچە كونۇپكا تاختىسى


3. رەسىم نورمال ھالەتتىكى ئۇيغۇر خەلقئارا كونۇپكا تاختىسى

4. رەسىم Shift كونۇپكىسى بېسىلغان ھالەتتىكى ئۇيغۇر خەلقئارا كونۇپكا تاختىسى

ئۇيغۇر خەلقئارا كونۇپكا تاختىسىنىڭ ئورۇنلاشتۇرۇلىشى ULY غا ماسلاشتۇرۇلغان بولۇپ ھەر قانداق كىشى ئاسانلا ئۈگىنىۋالالايدۇ. كۆرىۋاتقىنىڭىزدەك، ئۇيغۇر ئەرەب يېزىقى(UEY) دىكى ھەرپلەرنىڭ ئورنى ئىنگلىزچە كونۇپكا تاختىسىدىكى ULY ھەرپلىرىنىڭ ئورنىغا ئىمكانىيەتنىڭ بارىچە يېقىنلاشقان. بۇنداق ئورۇنلاشتۇرۇش 1 ۋە 2 –رەسىمدىكىدەك ئورۇنلاشتۇرۇشقا كۆنەلمەيدىغان، UEY بويىچە ئۇيغۇرچە كىرگۈزۈشنى خالايدىغان يېڭى ئۈگەنگۈچىلەرگە قايتا–قايتا سىناق قىلىش ئارقىلىق قارار قىلىنغان. باشقا يۇمشاق دېتال لاھىيىلىگۈچىلەرنىڭ يۇقىرىدىكىدەك ئورۇنلاشتۇرۇشنىمۇ قوشۇپ قويىشىنى ۋە ئومۇمىيلاشتۇرۇشىنى ئۈمىد قىلىمىز. ئەگەر مۇۋاپىق دەپ قارالمىغان يەرلىرى بولسا، ئۆزىگە خاس ئۇسۇلۇب يولغا قويۇشتىن بۇرۇن UKIJ تور بېكىتىدە مۇۋاپىق پىكىرلىشىشنى ئۈمىد قىلىمىز.

2. قاچىلاش پروگراممىغا ئۆزگەرتىش كىرگۈزۈش ئارقىلىپ ئىككى خىل كونۇپكا ئورۇنلاشتۇرۇلىشىنى بىۋاستە قوشۇش ئىشقا ئاشۇرۇلدى. ئەگەر پروگرامما قاچىلىنىپ بولغاندىن كېينكى 30 سېكونت ئىچىدە دىكىدەك تاللاش ئاپتوماتىك قوشۇلمىسا «قاچىلاش ئۇسۇلى» دا كۆرسىتىلگەندەك ئۇسۇلدىن پايدىلىنىپ قوشۇشمۇ ساقلاپ قېلىندى.

3. ئۇيغۇر ئېلىپبەسىدىكى ھەرپلەرنىڭ باش، ئوتتۇرا ۋە ئاخىر شەكىللىرىنى(مەسىلەن: ڭـ ـڭـ ـڭ ڭ دەك) يېزىشقا پايدىلىق بولسۇن ئۈچۈن بۇرۇن ئىشلىتىلمىگەن T كونۇپكىسى (يەنى shift+t) غا بوغۇم سوزۇش ياكى ئۇلىنىش بەلگىسى(ـ، كودى0640 ) ئورۇنلاشتۇرۇلدى.

4. «ئۇيغۇر كومپيۇتېر ئىلىمى جەمئىيتى» قايتا–قايتا تېىنىكىلىق تەكشۈرۈشتىن ئۆتكۈزگەن، مەتبەئە ۋە خەلقئارا ئۆلچەمگە چۈشىدىغان، بىر قىسىم ھەقسىز ئۇيغۇرچە Unicode فونتلىرى قوشۇلدى.

قوشۇمچە: *5. قاچىلاش جەريانىدىكى كۆرسەتمىلەر ئەرەبچە، نىمىسچە، ئىنگلىزچە، فرانسۇزچە، تۈركچە، روسچە، خەنزۇچە(ئاددىي خەت)، خەنزۇچە مۇرەككەپ خەتلەر بىلەن كۆرىنىدىغان قىلىندۇ. بۇ ئىقتىدارلارنى قاچىلاش پروگراممىسى ياساش قورالى Inno Setup تەمىنلىگەن. ئۇ يۇمشاق دېتالدىكى تىل ھۆججىتىدە ئۇيغۇرچە تېخى بولمىغاچقا ئۇچۇرلار ئۇيغۇرچە كۆرۈنمەيدۇ. بۇ قورالنىڭ ئىقتىدارى خېلى كۈچلۈك بولۇپ، سىز ئىشلەتكەن مەشغۇلات سىستېمىسىغا قاراپ كۆرسەتمە ئۇچۇرلارنى ئاپتوماتىك تاللىيالايدۇ (يەنى: دەسلەپكى كۆرسەتمە ئۇچۇرلار ئىنگلىزچە Windows تا ئىنگلىزچە، خەنزۇچە Windows تا خەنزۇچە ... كۆرىنىدۇ).
كۆپچىلىكنىڭ بۇنى ئۇيغۇر تىلىغا ھۆرمەت قىلمىغانلىق دەپ چۈشەنمەسلىكىنى ئۈمىد قىلىمەن. ئەگەر ئۇ قورالغا ئۇيغۇرچە ئۇچۇر كۆرسىتىش ئىقتىدارىنى قوشۇشنى خالايدىغانلار بولسا، http://www.jrsoftware.org/files/istrans دىكى خالىغان تىل ھۆججىتىنى تەرجىمە قىلىشقا تۆھبە قوشسا بولىدۇ.

قاچىلاش ئۇسۇلى

1. «ئويغان» ئۇيغۇرچە Unicode كىرگۈزگۈچنىڭ 3.0 نۇسخسىنى كومپيۇتېرىڭىزغا چۈشۈرۈڭ .

2. چۈرۈرۈۋالغان ھۆججەتنىڭ ئۈستىگە ئىككىنى چېكىپ قاچىلاشنى باشلاڭ. قاچىلاش پروگراممىسى قاچىلاپ بىر يەرگە كەلگەندە ئەگەر سىزدىن توۋەندىكىدەك سوئال سورىسا تۆۋەندىكى كۆرسەتمىدىكىدەك تاللاپ كارىڭىز بولمىسۇن.

3. Windows تىن ئۆزىڭىز خالىغان كونۇپكا تاختىسى ئىشلىتىدىغان كىرگۈزۈش ئۇسۇلىنى(ياكى ھەر ئىككىسىنى) قوشۇڭ. ئەگەر Windows نىڭ ئوڭدىن سولغا يېزىلىدىغان يېزىقلارنى قوللاش ئىقتىدارىنى ئاللىبۇرۇن قاچىلاپ بولغان بولسىڭىز «تەييارلىق باسقۇچ» تىن ئاتلاپ ئۆتۈپ كېتىڭ (تۆۋەندىكى تەپسىلاتلار خەنزۇچە Windows تىكى كۆرۈنۈشلەردىن ئېلىندى).

تەييارلىق باسقۇچ

1– قەدەم

2– قەدەم

3– قەدەم

4– قەدەم

5– قەدەم

بۇ قەدەم Windows نى قاچىلىغان CDROM تەلەپ قىلىدۇ. كۆرسەتمە چىققاندا CDROM نى سېلىڭ ياكى (ئەگەر ئۇنى قاتتىق دىسكىڭىزغا ساقلىۋالغان بولسىڭىز) سورىغان ھۆججەتلەرنىڭ ئورنىنى كۆرسىتىپ بېرىپ قاچىلاڭ.

ئۇيغۇرچە كىرگۈزگۈچنى قوشۇش

6– قەدەم

7– قەدەم

8– قەدەم ئۇيغۇر ئېلىدە ئومۇمىيلاشقان ئۇيغۇرچە كونۇپكا تاختىسى بويىچە كىرگۈزگۈچنى قوشۇش

9– قەدەم ئۇيغۇر خەلقئارا كونۇپكا تاختىسى بويىچە كىرگۈزگۈچنى قوشۇش

        

10– قەدەم ئۇيغۇرچە كىرگۈزگۈچلەر قوشۇلۇپ بولغاندىن كېيىنكى ھالەت

ئۇيغۇرچە كىرگۈزگۈچ قاچىلىنىپ بولدى، ئەمدى سىز كومپيۇتېرىڭىزنڭ ھەر قاندا يېرىگە(يۇمشاق دېتاللار قوللىسىلا) ئۇيغۇرچە كىرگۈزەلەيسىز. ئۇيغۇرچە فونت ئۈچۈن ھەر قاچان ئۆلچەملىك ئۇيغۇرچە Unicode فونتلارنى تاللىشىڭىز كېرەك. UKIJ نىڭ ھەقسىز ئۆلچەملىك فونتلىرىنىڭ نامى UKIJ بىلەن باشلانغان(مەسىلەن: UKIJ Tuz Tom…). ئەگەر باشقا فونتلار لازىم بولسا UKIJ تور بېكىتىدىكى فونتلار بار ئورۇن www.ukij.org/fonts گە پات-پات كېلىپ تۇرسىڭىز يېڭى فونتلار ياسالسىلا ھەقسىز چۈشۈرۈۋالالايسىز.

دىققەت قىلىشقا تېگىشلىك ئىشلار

1. ئەگەر بۇ يۇمشاق دېتالنى قاچىلىغاندىن كېيىنمۇ بەزى ھەرپلەر (مەسىلەن: ى، ئە...) توغرا ئۇلانمىسا « Start开始» نى چېكىپ « 所有程序All Programs» قا كىرىپ ئۇنىڭ ئىچىدىن «Oyghan.com» دېگەن پروگرامما گورۇپپسىدىكى « USP10.DLL Hojjitini Yengilash» نى چېكىپ ئۇيغۇرچە Unicode بىر تەرەپ قىلىش ھۆججىتى USP10.DLL نى يېڭىلاڭ ۋە كومپيۇتېرىڭىزنى قايتا قوزغىتىڭ (ھۆججەت يېڭىلاش قورالىنى ياسىغان www3.telus.net تور بېكىتىدىكى شەخسلەرگە ۋە ئەشۇ قورالنى تونۇشتۇرغان غەيرەت توختى كەنجى ئەپەندىگە ئالاھىدە رەھمەت ئېيتىمىز).

2. بۇ يۇمشاق دېتال ھەقسىز، سېتىشقا قەتئىي يول قويۇلمايدۇ. ئەگەر خىلاپلىق قىلغۇچىلارنى ئۇچراتسىڭىز http://www.ukij.org غا كىرىپ پاش قىلغايسىز.

«ئويغان» تور بېكىتى
http://www.oyghan.com
http://www.ukij.org/oyghan
ۋارىس ئابدۇكېرىم جانباز
Oyghan@gmail.com
يېڭىلانغان ۋاقىت: 2006–يىل 10–ماي