[ئۇقتۇرۇش] UKIJ نىڭ 3-قېتىملىق فونت تۈزىتىش پائالىيىتى توغرىسىدا

ئۇيغۇر كومپىيۇتېر ئىلمىي جەمىيىتىنىڭ ھەر خىل ئۇقتۇرۇش، مۇراجەت ۋە چاقىرىقلىرى، دائىمىي ئەزا ۋە ئەزالارغا يەتكۈزىلىدىغان ۋەزىپە ئورۇنلاشتۇرىشى قاتارلىقلار قويۇلىدۇ.
Intil
يازمىلار: 485
تىزىملانغان ۋاقتى: پەيشەنبە ئاپرىل 12, 2007 4:50 am
ئالاقىلىشىش:

يازما يوللاش تەرىپىدىن يوللانغان Intil » پەيشەنبە نويابىر 20, 2008 1:49 pm

UKIJ نىڭ 2- قېتىملىق فونت خىزمىتىدە بىرلىككە كىلىپ ياسالغان فونتلاردا بەزى مەسىلىلەر ساقلانغان بولسىمۇ شۇ چاغنىڭ شارئىتىدا ھەقىقەتەن كاتتا ئىش بولغان بۇنىڭغا ھەرقانداق ئادەم كۆز يۇمالمايدۇ.
ئىشىنىمەنكى بۇ قېتىم نەۋرۇز ئېيتقانداق تېخىمۇ پۇختا بولىدۇ.



afrasiyab
يازمىلار: 30
تىزىملانغان ۋاقتى: سەيشەنبە ئىيۇن 19, 2007 10:18 am
ئالاقىلىشىش:

يازما يوللاش تەرىپىدىن يوللانغان afrasiyab » شەنبە نويابىر 22, 2008 9:57 am

UKIJ Orxun-yensey دىگەن فونىتنىڭ قوشۇلگىنى بەك ئىسىل ئەمگەك بوپتۇ.ئالىپ ئەپەندىگە كۆپ رەھمەت.
بۇ فونتتا ئىككى نەرسىنى بىلەلمىدىم،سورىسام بولارمۇ؟
1.بۇ يېزىقنىڭ كودى بىرلىككە كەلدىمۇ؟كەلمىگەن بولسا بۇنىمۇ ئۇنىكود قا ئىلتىماس سونۇپ،كود ئالايلى. قارىسام بۇ لاتىنچىنىڭ كود(ئېنگىلىزچەنىڭ)ئورنىغا دەسسىتىلۇپتۈ(بۇ كود ئورۇن دائىرىسىنى ئىشلىتىپتۇ).
2.بۇ فونتتا تەكرارلانغان ھەرپلەرنىڭ سانى كۆپمۇ قانداق؟!قارىسام بىرنەچچە ھەرپ بىرنەچچە جايدا تەكرارلىنىپتۇ.ئۇرخۇن يېزىقى باش-ئاياق دەپ پەرىقلىنەمدۇ؟بۇنى ئوتتۇرا مەكتەپتە ئوقۇغاندەك قىلغان ،لېكىن ھازىر تازا ئېسىمدە قالماپتۇ.
مەيلى قانداق بولۇشۇدىن قەتئىي نەزەر بۇ ھەقىقەتەن خاسىيەتلىك ئىش بولۇپتۇ.يەنە بىر قېتىم رەھمەت.
رەسىمنى چىقىرىپ قوياي دىسەم بوشلۇق تاپالمىدىم.

Bidar-Qutlan
يازمىلار: 163
تىزىملانغان ۋاقتى: سەيشەنبە ئاپرىل 03, 2007 4:54 am
ئالاقىلىشىش:

يازما يوللاش تەرىپىدىن يوللانغان Bidar-Qutlan » شەنبە نويابىر 22, 2008 11:07 am

تەشۋىقاتنىڭ كەڭ دائىرىدىرەك ئېلىپ بېرىلىشى ۋە بۇ ئىشقا زور كۆپ ساندىكى كىشىلەرنىڭ كۆڭۈل بۆلىشىنى قولغا كەلتۈرۈش ئۈچۈن، ھەرقايسى توربەتلىرىدە مەلۇمات بەرمەك زۆرۈر دەپ قارايمەن.

[url]http://www.bilik.cn/bbs/viewthread.php?tid=20318[/url]
[url]http://www.uighurbiz.cn/forum/redirect.php?tid=365&goto=lastpost#lastpost[/url]
[url]http://karamet.5d6d.com/viewthread.php?tid=1285&extra=page%3D1&frombbs=1[/url]

ئىنتىلدىن باشقا يەنە قايسى توربەتلىرىدە يوللاندى بىلمىدىم، تەكرارلىنىپ قالماسلىقى ئۈچۈن باشقا توربەتلىرىدە تەشۋىقات ئېلىپ باغانلار مۇشۇ جايغا تور بەت ئادىرىسىنى قالدۇرۇپ قويىشىڭلارنى ئۈمىت قىلىمەن.

[[i] بۇ يازمىنى ئاخىرقى قېتىم تەھرىرلىگۈچى: Bidar-Qutlan ، ۋاقتى: 2008-11-23 03:42 [/i]]

باش سۈرەت
gheyret
يازمىلار: 125
تىزىملانغان ۋاقتى: چارشەنبە ئاپرىل 04, 2007 12:34 pm
ئالاقىلىشىش:

يازما يوللاش تەرىپىدىن يوللانغان gheyret » دۈيشەنبە نويابىر 24, 2008 12:24 am

ئەسسالامۇئەلەيكۇم،
مەن ئۆزۈم مەسئۇل بولغان فونتلار UKIJ Sulus، UKIJ Nasq، UKIJ Nasq(Bold) دىكى مەسىلىلەرنى (بىلىك كۇلۇبىدا ئوتتۇرىغا قويۇلغان)تۈزىتىپ ئالدىنقى قېتىم كۆپچىلىككە خەۋەر بەرگەن ئىدىم. مۇشۇ مۇناسىۋەت بىلەن يەنە بىر قېتىم كۆپچىلىكنى يەنە خەۋەرلەندۈرۈپ قويۇشنى مۇۋاپىق كۆردۈم. تەكشۈرۈپ كۆرۈڭلار.
تۈزىتىلگەن فونتلارنى [url]http://kenjisoft.homelinux.com/fonts.zip[/url] گە قويۇپ قويغان.
مۇشۇ zip ھۆججەتكە يەنە BoghdaTuz ۋە بارلىق ھەرپلەرنى ئۆز ئىچىگە ئالغان سۆزلەرنى قوشۇپ قويدۇم، تەكشۈرگەندە پايدىلىنارسىلەر.
غەيرەت كەنجى

Alpsoft
يازمىلار: 101
تىزىملانغان ۋاقتى: سەيشەنبە دېكابىر 18, 2007 3:27 pm
ئالاقىلىشىش:

يازما يوللاش تەرىپىدىن يوللانغان Alpsoft » دۈيشەنبە نويابىر 24, 2008 3:03 pm

1. UKIJ Tuz Tom خەت نۇسخىسىغا كىرگۈزۈلگەن ھەرپ-بەلگىلەر جەدۋىلى PDF شەكلىدە تەمىنلەندى، خەت نۇسخىسىغا ئەرەبچە، ئۇيغۇرچە، قازاقچە، قىرغىزچە يېزىقلارنىڭ كودى تولۇق كىرگۈزۈلدى. لاتىنچە ۋە كېرىللىك ھەرپلەر، ھەر خىل بەلگىلەرمۇ تولۇق ئېلىندى. جەمئىي 2008 دانە ھەرپ-بەلگە كىرگۈزۈلدى.
ئۇ ك ئى ج نىڭ باشقا خەت نۇسخىلىرىگە جەمئىي 1000 دانە ھەرپ-بەلگە ئورۇنلاشتۇرۇلدى، بۇ ھەرپ بەلگىلەرنىڭ جەدۋىلىمۇ PDF ھۆججىتى شەكلىدە تەمىنلەندى.
UKIJ Tuz Tom خەت نۇسخسى ۋە ئورۇنلاشتۇرۇلغان ھەرپ بەلگىلەر جەدۋىلى بېرىلگەن PDF ھۆججىتىنى چۈشۈرۈش ئادرېسى:
[url]Http://www.alpsoft.cn/fonts/ukijtut.rar[/url]
[url]Http://www.yupurmak.com/intil/ukijtut.rar[/url]

2. ئۈچىنچى نۆۋەتلىك خەت نۇسخىسى تۈزىتىش جەريانىدا تۈزىتىلىدىغان ئاساسلىق مەسىلىلەر:
1) خەت نۇسخىسىدىكى ئەرەبچە، ئۇيغۇرچە، قازاقچە، قىرغىزچە يېزىقلارنىڭ كودى ئاپتونوم رايون بېكىتكەن DB65/2190-2005 دىكى ئۆلچەملەر بىلەن بىردەك بولىدۇ، ھەمدە قازاق يېزىقىدىكى «ٴ» (ھەمزە) مەسىلىسى بىلەن 二义性 مەسىلىسى نۇقتىلىق ھەل قىلىنىدۇ.
2) ئۇيغۇر، قازاق يېزىقىدىكى «ھ» ھەرىپى بىلەن ئەرەب يېزىقىدىكى «ە» ھەرىپى تولۇق ئېلىنىدۇ. يەنى، ئۇيغۇر، قازاق يېزىقىدىكى «ھ» نىڭ «ھـ ـھـ ـھ ھ» دىن ئىبارەت تۆت خىل شەكلى بىلەن، ئەرەب يېزىقىدىكى «ە» نىڭ «ھـ ـھـ ـە ە» دىن ئىبارەت تۆت خىل شەكلى تولۇق ئېلىنىدۇ ۋە پەرقلەندۈرۈلىدۇ.
3) ئۇيغۇر، قىرغىز يېزىقلىرىغا ئورتاق بولغان «ئ» (ھەمزە) نىڭ يۇنىكود جەدۋىلىدە بېكىتىلگەن تۆت خىل شەكلى، يەنى «ئـ ـئـ ـئ ئ» دىن ئىبارەت تۆت خىل شەكلى تولۇق ئېلىنىدۇ.
4) خەت نۇسخىسىدا ئۇيغۇرچە ھەرپلەر بىلەن ئىنگلىزچە ھەرپ-بەلگىلەرنىڭ ئىگىز-پەسلىك نىسبىتى تەڭشىلىدۇ، ئۇيغۇرچە ھەرپ-بەلگىلەرنىڭ ئىنگلىزچە ھەرپ-بەلگىلەردىن بىر نومۇر كىچىك بولۇپ قېلىش مەسىلىسى ھەل قىلىنىدۇ.
5) ۋىندوۋس ۋە ۋىستالاردىكى تور كۆرگۈدە ئۇيغۇر يېزىقىنىڭ كۆركەم چىقىشى ئۈچۈن، يېڭى ياسىلىدىغان خەت نۇسخىسى ئىچىدىن UKIJ Tuz Tom خەت نۇسخىسى مەخسۇس تور كۆرگۈلەردە ئىشلىتىشكە ماسلاشتۇرۇلۇپ OpenType فورماتىدا ياسىلىدۇ، خەت نۇسخىسىدىكى ھەرپ-بەلگىلەرنىڭ چوڭلىقى سىستېما خەت نۇسخىسى Arial ۋە Time New Roman لار بىلەن بىردەك چوڭلۇقتا بولۇشقا كاپالەتلىك قىلىنىدۇ. UKIJ Ekran خەت نۇسخىسى يۇمشاق دېتال پروگراممىلىرى، يۇمشاق دېتال يەرلىكلەشتۈرۈش، سىڭدۈرمە مەشغۇلات سىستېمىلىرىغا ماسلاشتۇرۇپ 9، 10، 11، 12، 13، 14، 15، 16 چېكىتلىك تەسۋىر كىرگۈزۈلۈپ ياسىلىدۇ. ئۇنىڭدىن باشقا 31 خىل باسما خەت نۇسخىسى بىلەن 31 خىل ھۆسىنخەت نۇسخىسى باسما ئۆلچەملىرىگە ئۇيغۇنلاشتۇرۇلۇپ ياسىلىدۇ.
6) بۇرۇن ياسالغان خەت نۇسخىلىرى ئىنگلىزچە ۋە خەنزۇچە خەت نۇسخىلىرىدىن بىر نومۇر كىچىك ئىدى، بۇ قېتىملىق تۈزۈتۈش داۋامىدا، يېڭى خەت نۇسخىلىرىنىڭ ئىنگلىزچە ۋە خەنزۇچە خەت نۇسخىلىرىنىڭ خەت نومۇرى بىلەن بىردەك بولۇشقا ئالاھىدە ئەھمىيەت بېرىلىدۇ.

3. تۈزىتىلىدىغان فونتلار:
ئەڭ ئاۋۋال UKIJ Tuz Tom ۋە UKIJ Ekran خەت نۇسخىسى ياساپ چىقىلىدۇ. بۇ ئىككى فونتقا ئاساسەن 31 خىل باسما خەت نۇسخىسىنىڭ ئىنچىكە ۋە توم شەكلى، 31 خىل ھۆسىنخەت نۇسخىسى ياساپ چىقىلىدۇ. UKIJ Tuz Tom ۋە UKIJ Ekran خەت نۇسخىسىلىرى تولۇق سىناقتىن ئۆتكەندىن كېيىن، قالغان باسما خەت نۇسخىسى بىلەن ھۆسىنخەت نۇسخىسى كۈندە 2 دىن تورغا يوللىنىدۇ، بۇ خەت نۇسخىلىرىنى سىناشنىڭ ھاجىتى يوق، چۈنكى بۇ خەت نۇسخىسىلىرى UKIJ Tuz Tom ۋە UKIJ Ekran خەت نۇسخىلىرىنىڭ قېلىپىنى ئىشلىتىپ ياسالغانلىقى ئۈچۈن، ئاساسىي جەھەتتىن UKIJ Tuz Tom ۋە UKIJ Ekran خەت نۇسخىلىرىنىڭ كود ئورنى ۋە چوڭ-كىچىكلىكى بىلەن بىردەك بولىدۇ.

4. ئۈچىنچى قېتىملىق خەت نۇسخىسى تۈزۈتۈش خىزمىتىنىڭ ۋاقىت ئورۇنلاشتۇرۇلۇشى:
بۇ خىزمەتنىڭ بېشى 2007- يىلىنىڭ ئاخىرىدىن باشلىنىپ، 2008- يىلى تولۇق بىر يىلنى باشتىن ئۆتكۈزدى، بۇ جەرياندا خېلى كۆپ مەسىلىلەر ھەل قىلىندى. دېمەك، ئۈچىنچى قېتىملىق خەت نۇسخىسى تۈزۈتۈش خىزمىتى 2008- يىلى 11- ئايدا چاقىرىق قىلىنغان بولسىمۇ، ئاساسىي خىزمەتلەر ئاللىقاچان باشلانغان، شۇڭا ھازىرقى ئاساسلىق خىزمەت خەت نۇسخىلىرىنى ياسىغۇچى ئەڭ ئاخىرقى ياسىلىپ بولۇنغان خەت نۇسخىلىرىنى سىناشقا يوللاش، سىناش نەتىجىسى، تەكلىپلەرگە ئاساسەن خەت نۇسخىسىنىڭ 3.0 نەشرىنى يېڭىلاپ رەسمىي تارقىتىشقا يوللاش، بۇ جەرياندا ئاساسلىقى UKIJ Tuz Tom سىناققا يوللىنىدۇ، بۇ خەت نۇسخىسىنىڭ قېلىپى يېڭىدىن ئىشلەنگەن بولۇپ، سىناقتىن ئۆتكەندىن كېيىن، باشقا خەت نۇسخىلىرى مۇشۇ خەت قېلىپىغا ئاساسەن ئىشلىنىپ يوللىنىدۇ، قالغان خەت نۇسخىلىرى سىناققا يوللانمايدۇ.
خەت نۇسخىسى سىناش ئۈچۈن تۈزىتىش خىزمىتى ئورۇنلاشتۇرۇلغان كۈندىن تارتىپ دەسلەپكى قەدەمدىكى UKIJ Tuz Tom خەت نۇسخىسى بىر قىسىم تور بېكەتلەردە ئاشكارە سىناشقا يوللاندى. دەسلەپكى سىناق نەتىجىلىرىگە ئاساسەن تۈزىتىلگەن UKIJ Tuz Tom خەت نۇسخىسى 2008- يىلى 11- ئاينىڭ 24- كۈنى تاماملاندى. بۇ خەت نۇسخىسىنىڭ سىناق مۇددىتى 2008- يىلى 11- ئاينىڭ 24- كۈنىدىن 2008- يىلى 11- ئاينىڭ 30- كۈنىگىچە بولىدۇ، سىناشقا قاتنىشىدىغان يولداشلارنىڭ ۋاقىتنى چىڭ تۇتۇپ، سىناش نەتىجىسىنى يوللاپ بېرىشىنى ئۈمىد قىلىمىز.

5. سىناش ئوبېكتى ۋە سىناشتا دىققەت قىلىدىغان ئىشلار:
1) خەت نۇسخىسى ئۇچۇرلىرى
سىناش ئوبېكتى UKIJ Tuz Tom خەت نۇسخىسى
خەت نامى: UKIJTuT
تولۇق نامى: UKIJ Tuz Tom Yengi (تورداشلارنىڭ سىناق جەريانىدا كونا نۇسخىسى بىلەن يېڭى نۇسخىسىنى سېلىشتۇرۇپ سىنىشىغا قۇلايلىق بولۇشى ئۈچۈن، خەت نۇسخىسىغا ۋاقىتلىق UKIJ Tuz Tom Yengi دەپ نام بېرىلىپ تۇرۇلدى، سىناقتىن كېيىن تارقىتىلغاندا يەنىلا UKIJ Tuz Tom دەپ ئېلىنىدۇ).
يوللانغان خەت نۇسخىسىنىڭ نەشر نومۇرى: 3.0
خەت نۇسخىسىنىڭ ھەجىمى: 383KB
ھازىرقى نەشر ۋاقتى: 2008- يىلى 11- ئاينىڭ 24- كۈنى
2) سىناش مۇھىتى ۋە سىناشقا مەسئۇل بولغۇچىلار
(1) ئېنتېرنت تورىغا ئائىت مۇھىتلاردا سىناشقا مەسئۇل بولىدىغانلار: ئىنتىل سەيناسىدىكى مۇناسىۋەتلىك خادىملار، نۇرقۇت گۇرۇپپىسىدىكى مۇناسىۋەتلىك خادىملار. بۇلار ئاساسلىقى ھەر خىل تور كۆرگۈلەردىكى كۆرۈنۈش مەسىلىسى، تور پروگراممىلىرىدىكى كىرگۈزۈش مەسىلىسىنى Windows XP، Vista، Linux مۇھىتلىرىدا سىناق ئېلىپ بارىدۇ، ئىمكانىيەت يار بەرسە يەنە MAC OS تىمۇ سىناشقا ئەھمىيەت بېرىلسە.
(2) يېزىق بىرتەرەپ قىلىش قۇراللىرىدىن Microsoft Office، Open Office، 永中Office لاردا سىناشقا يەنە بىر قانچە تورداشلارنىڭ قاتنىشىشىنى ئۈمىد قىلىمىز.
(3) پروگرامما تىللىرىدىن Visual Studio، Delphe قاتارلىقلاردا سىناشقا V.Basic.C ئەپەندىم مەسئۇل بولۇپ سىناق ئېلىپ بارسا، ئەگەر يېتىشەلمەي قالسا، ئىختىيار قىلغۇچىلاردىن يەنە بىرقانچە ئادەم تەكلىپ قىلساق بولىدۇ.
(4) رەسىم بىرتەرەپ قىلىش قۇراللىرىدىن Adobe Photoshop CS3 Me نۇسخىسىدا ۋە CorelDraw X4 تە سىناش ئىشلىرىغىمۇ، بۇ خىلدىكى يۇمشاق دېتاللارنى ئىشلىتىشكە ماھىر بولغان تورداشلار سىناق ئېلىپ بارسا بولىدۇ.
(5) يەنە بۇنىڭدىن باشقا قوللىنىشچان يۇمشاق دېتاللار ۋە سىناق مۇھىتلىرىمۇ خېلى كۆپ، ئەگەر ئىمكانىيەت يار بېرىدىغان تورداشلارنىڭ خالىس سىناپ كۆرۈپ، سىناق نەتىجىسىنى بىزگە يوللاپ بېرىشىنى ئۈمىد قىلىمىز.
3) ئاساسلىق دىققەت قىلىدىغان ئىشلار:
(1) بايقالغان مەسىلىلەرنى بايان قىلغاندا، مەسىلىنى تېز ئايدىڭلاشتۇرۇۋېلىش ئۈچۈن مەسىلىنى تولۇق بايان قىلىش، ئامال بولسا رەسىملىك ھالەتتە ئىنكاس قىلىنسا تېخى ياخشى.
(2) سىناق داۋامىدا بەزى يۇمشاق دېتاللارنىڭ كاشىلىسىدىن كېلىپ چىققان مەسىلىنى ئانالىز قىلىش كېرەك، ئەگەر ئانالىز خاتا بولۇپ قالسا، بۇنى خەت نۇسخىسىنىڭ مەسىلىسى دەپ قاراپ قېلىپ، ئارتۇقچە مەسىلە كېلىپ چىقىدۇ.
(3) خەت نۇسخىسىنى سىناش داۋامىدا، ئۆلچەملىك يۇنىكودلۇق يېزىق كىرگۈزگۈچ ئىشلىتىشكە كاپالەتلىك قىلىش لازىم. شۇڭا، سىناق جەريانىدا ئويغان كىرگۈزگۈچ ياكى ئالپ يېزىق كىرگۈزگۈچنى چۈشۈرۈپ ئىشلىتىشىڭىزنى تەۋسىيە قىلىمىز.
4) سىناق نەتىجىسىنى يوللاپ بېرىش ئۇسۇلى:
تور بېكەتلەر: ئۇ ك ئى ج تور بېكىتى، ئىنتىل سەيناسى (مەزكۇر ئىككى تور بېكەتتىكى مۇناسىۋەتلىك كىشىلەرنىڭ ئېلخەت ئادرېسى ياكى مۇڭداشقۇسىغا يوللاپ بەرسىڭىزمۇ بولىدۇ).
خەت نۇسخىسى ئىشلىگۈچىنىڭ ئېلخەت ئادرىسى : [email]alplar@126.com[/email]، QQ: 569113038
5) خەت نۇسخىسى سىناق مەزگىلىدە بولغانلىقى ئۈچۈن، خەت نۇسخىسىنى سىناش جەريانىدا، بۇ خەت نۇسخىسىنى باشقىلارغا ئىشلىتىشكە ھاۋالە قىلىشقا بولمايدۇ، رەسمىي نۇسخىسى ئېلان قىلىنغاندىن كېيىن ئاندىن تارقىتىشقا بولىدۇ.
6) خەت نۇسخىسىنى سىناشقا قاتناشقۇچىلار [email]alplar@126.com[/email] غا ئېلخەت يېزىپ خەت نۇسخىسىنىڭ بىر قىسىم تېخنىكىلىق ئانالىز ماتېرىيالىغا ئېرىشسىڭىز بولىدۇ. بۇ ماتېرىيالدا ئەرەبچە، ئۇيغۇرچە، قازاقچە، قىرغىزچە يېزىقلارنىڭ يۇنىكود جەدۋىلىدىكى كود ئورنىنى كۆرسۈتۈش جەدۋىلى ۋە بىر قىسىم مەسىلىلەرنىڭ ئانالىزى تەمىنلەنگەن. ماتېرىيالنى كۆرۈپ چىققاندىن كېيىن سىناق داۋامىدا بەلگىلىك پايدىلىنىش ۋە سېلىشتۇرۇش قىممىگە ئىگە.

2008- يىلى 11- ئاينىڭ 24- كۈنى

[[i] بۇ يازمىنى ئاخىرقى قېتىم تەھرىرلىگۈچى: Alpsoft ، ۋاقتى: 2008-11-24 21:11 [/i]]

Intil
يازمىلار: 485
تىزىملانغان ۋاقتى: پەيشەنبە ئاپرىل 12, 2007 4:50 am
ئالاقىلىشىش:

يازما يوللاش تەرىپىدىن يوللانغان Intil » دۈيشەنبە نويابىر 24, 2008 5:26 pm

[1124] UKIJ Tuz Tom نىڭ يېڭى نەشرىنى سىناش ئىنتىل سەيناسىدىكى ئادرىسى [url]http://www.intil.cn/munber/viewthread.php?tid=2233[/url]

Intil
يازمىلار: 485
تىزىملانغان ۋاقتى: پەيشەنبە ئاپرىل 12, 2007 4:50 am
ئالاقىلىشىش:

يازما يوللاش تەرىپىدىن يوللانغان Intil » پەيشەنبە نويابىر 27, 2008 5:59 pm

[1128] يېڭى خەت نۇسخىسىنى داۋاملىق سىناشقا قاتنىشىڭ!!!
[url]http://www.intil.cn/munber/viewthread.php?tid=2320[/url]

Oyghan
يازمىلار: 139
تىزىملانغان ۋاقتى: دۈيشەنبە ئاپرىل 02, 2007 6:48 am
ئالاقىلىشىش:

يازما يوللاش تەرىپىدىن يوللانغان Oyghan » جۈمە دېكابىر 26, 2008 9:04 am

[quote]5. فونت تۈزىتىش ۋە سىناش ۋاقىت چېكى 2008-يىل 28-دېكابىرغىچە؛ 2009-يىل 1-يانۋار تۈزىتىلگەن فونتلار رەسمىي تارقىتىلىدۇ. (بىر قىسىم فونتلار ئاللىبۇرۇن تۈزىتىلىپ بولغاچقا سىناشقىلا ۋاقىت كېتىدۇ. ئەگەر سىناش جەريانىدا ۋاقىت چېكىنى ئۇزارتىشقا توغرا كەلسە ئايرىم ئۇقتۇرۇش قىلىنىدۇ).[/quote]

سالام تۇرسۇنجان،

UKIJ فونتلىرىنى تۈزىتىش ئىشلىرى داۋاملىشىۋاتامدۇ؟ ئەسلىدىكى تەلەپلەرگە ئاساسەن بەلگىلەنگەن مۆھلەت ئىچىدە تاملىيالامسىز؟ مەن بۇ قېتىمقى فونت تۈزەش پائالىيىتىنىڭ نەتىجىلىك بولۇشىنى ئۈمىد قىلىمەن، مۇمكىن بولسا تورداشلارنى بۇ ئىشلارنىڭ نۆۋەتتىكى ئەھۋالىدىن خەۋەردار قىلسىڭىز... رەھمەت.

Oyghan
يازمىلار: 139
تىزىملانغان ۋاقتى: دۈيشەنبە ئاپرىل 02, 2007 6:48 am
ئالاقىلىشىش:

يازما يوللاش تەرىپىدىن يوللانغان Oyghan » جۈمە يانۋار 02, 2009 11:39 am

ئەسسالامۇ ئەلەيكۇم ھۆرمەتلىك تورداشلار،

تۇرسۇنجان سۇلتان ئەپەندى يېقىندا سالامەتلىكىنىڭ ياخشى بولماسلىقى سەۋەبىدىن بۇ قېتىملىق فونت تۈزەش ئىشىنى بۇ تېمىدا بەلگىلەنگەن مۆھلەت ئىچىدە ئورۇنداپ بولۇشقا ئىمكانىيەت بولمايدىغانلىقىنى بىلدۈردى.

شۇ ۋەجىدىن، تۇرسۇنجان سۇلتان ئەپەندىنىڭ سالامەتلىكى ياخشىلانغىچە فونت تۈزەش ئىشىنى داۋاملاشتۇرىۋەرسەكمىكىن دەپ قارايمەن. مېنىڭ پىكىرىم، [url]http://www.ukij.org/fonts[/url] دىكى فونتلارنى ياسىغان ھەر-بىر كىشى ئۆزلىرى ياسىغان فونتلارنى تۈزەشكە مەسئۇل بولسۇن. دەسلەپتە ئىشنى كۆپرەك ئىشلىدىغان فونتلاردىن باشلايلى.

1. مەن پارىسچىدىن ئۆزگەرتىپ ياسىغان فونتىم UKIJ Tuz نى تۈزىتىشكە مەسئۇل بولاي؛
2. غەيرەت ئەپەندى ئۆزى ياسىغان UKIJ Nasq ، UKIJ Sulus ، UKIJ Nasq (Bold) نى تۈزىتىشكە مەسئۇل بولسۇن؛
3. ئالىم ئەھەد ئەپەندى ئۆزى ئەسلى ئاپتورى بولغان UKIJ Basma, UKIJ Tuz (Bold), UKIJ Zilwa, UKIJ Tuz Tom قاتارلىق فونتلارنى تۈزىتىشكە مەسئۇل بولسۇن (بۇ فونتلار ئەلكاتىپنىڭ فونتلىرى بىلەن نامى ئوخشاش بولمىسىمۇ، قېلىپى ۋە ئەسلى ئاپتورى ئوخشاش بولغاچقا قەدەمداش يېڭىلىنىپ تۇرسا ھەممىمىزگە پايدىلىق. بۇ ئىش توغرىلىق ئالىم ئەپەندىگە خەت يازغان، پات ئارىدا جاۋاب كەلسە بۇ فونتلار تۈزىتىلىشى مۇمكىن).

4. ؟؟؟ (ئۇ تىزىملىكى باشقىلار UKIJ بىلەن ئالاقىلاشمىغىلى ئۇزۇن بولدى، ئۇلار بىلەن تونىشىدىغانلار خەۋەر قىلىپ قويساڭلار، ئۆزلىرى ياسىغان فونتلارنى تاشلاپ قويمىسۇن)

كۆپچىلىك بۇنىڭغا قانداق قارايدىكىن؟ بۇ ئىش بەك كەينىگە سوزۇلۇپ كەتتى، يەنە قاراپ تۇرىۋەرسەك زىياننى تارتىدىغىنى يەنىلا ئۇيغۇرلار... گەرچە مېنىڭ ئىشلىرىم ئالدىراش بولسىمۇ، مەن UKIJ Tuz نى تۈزىتىشنى 2-ئاينىڭ 1-دىن بۇرۇن تاماملاپ كۆپچىلىككە سىناشقا سۇنىمەن.

kulke0997
يازمىلار: 111
تىزىملانغان ۋاقتى: پەيشەنبە نويابىر 29, 2007 10:40 am
ئالاقىلىشىش:

يازما يوللاش تەرىپىدىن يوللانغان kulke0997 » سەيشەنبە يانۋار 13, 2009 2:46 am

فونتنىڭ ئىشلىرى ناھايىتى ئوبدان كېتىۋاتىدۇ ۋە شۇنداق بولدى. قارىغاندا ھازىر فونتلار ئاساسەن تۈزىتىلىپ بولۇنغان ئوخشايدۇ...
باشقىلارنىڭ ئاچچىقى كەلسىمۇ بىر پىكىرىمنى دەۋالسام...:
يەنى ھازىر كۆرگەندەك فونتلار يېڭىلاندى خاتالىق تۈزىتىلدى(تولۇق ئاخىرلاشمىسىمۇ ھامان تاماملىنىدۇ ئەمەسمۇ) . بۇ فونتلار ئەينى چاغدا ۋە ھازىرمۇ ئويغان كىرگۈزگۈچ ئارقىلىپ كەڭ تارقىتىلىپ نۇرغۇنلارنىڭ ياقتۇرۇپ ئىشلىتىشىگە ئېرىشكەن. شۇڭا بارلىق UKIJ نىڭ فونتلىرى تۈزىتىلگەن ھامان ئويغان ئەپەندىم (ئەلۋەتتە ھەممەيلەن قوشۇلسا) ئويغان كىرگۈزگۈچنىمۇ يېڭىلاپ بۇ يېڭى فونتلارنى ئويغان كىرگۈزگۈچنىڭ يېڭى نەشىردە تارقاتسا دەپ قارايمەن. كۆپچىلىك نېمە دەركىن؟!!!!:handshake

ئىنكاس يوللاش
[phpBB Debug] PHP Warning: in file [ROOT]/vendor/twig/twig/lib/Twig/Extension/Core.php on line 1275: count(): Parameter must be an array or an object that implements Countable

گە قايتىش

توردىكى ئەزالار

مۇنبەردىكى ئەزالار: 1 ۋە 0 مېھمانلار