UKIJ Tuz Tom نى سىناش تەرتىپلىرى

ئۇيغۇر كومپىيۇتېر ئىلمىي جەمىيىتىنىڭ ھەر خىل ئۇقتۇرۇش، مۇراجەت ۋە چاقىرىقلىرى، دائىمىي ئەزا ۋە ئەزالارغا يەتكۈزىلىدىغان ۋەزىپە ئورۇنلاشتۇرىشى قاتارلىقلار قويۇلىدۇ.
Alpsoft
يازمىلار: 101
تىزىملانغان ۋاقتى: سەيشەنبە دېكابىر 18, 2007 3:27 pm
ئالاقىلىشىش:

UKIJ Tuz Tom نى سىناش تەرتىپلىرى

يازما يوللاش تەرىپىدىن يوللانغان Alpsoft » دۈيشەنبە نويابىر 24, 2008 3:21 pm

1. UKIJ Tuz Tom خەت نۇسخىسىغا كىرگۈزۈلگەن ھەرپ-بەلگىلەر جەدۋىلى PDF شەكلىدە تەمىنلەندى، خەت نۇسخىسىغا ئەرەبچە، ئۇيغۇرچە، قازاقچە، قىرغىزچە يېزىقلارنىڭ كودى تولۇق كىرگۈزۈلدى. لاتىنچە ۋە كېرىللىك ھەرپلەر، ھەر خىل بەلگىلەرمۇ تولۇق ئېلىندى. جەمئىي 2008 دانە ھەرپ-بەلگە كىرگۈزۈلدى.
ئۇ ك ئى ج نىڭ باشقا خەت نۇسخىلىرىگە جەمئىي 1000 دانە ھەرپ-بەلگە ئورۇنلاشتۇرۇلدى، بۇ ھەرپ بەلگىلەرنىڭ جەدۋىلىمۇ PDF ھۆججىتى شەكلىدە تەمىنلەندى.
UKIJ Tuz Tom خەت نۇسخسى ۋە ئورۇنلاشتۇرۇلغان ھەرپ بەلگىلەر جەدۋىلى بېرىلگەن PDF ھۆججىتىنى چۈشۈرۈش ئادرېسى:
[url]Http://www.alpsoft.cn/fonts/ukijtut.rar[/url]
[url]Http://www.yupurmak.com/intil/ukijtut.rar[/url]

2. ئۈچىنچى نۆۋەتلىك خەت نۇسخىسى تۈزىتىش جەريانىدا تۈزىتىلىدىغان ئاساسلىق مەسىلىلەر:
1) خەت نۇسخىسىدىكى ئەرەبچە، ئۇيغۇرچە، قازاقچە، قىرغىزچە يېزىقلارنىڭ كودى ئاپتونوم رايون بېكىتكەن DB65/2190-2005 دىكى ئۆلچەملەر بىلەن بىردەك بولىدۇ، ھەمدە قازاق يېزىقىدىكى «ٴ» (ھەمزە) مەسىلىسى بىلەن 二义性 مەسىلىسى نۇقتىلىق ھەل قىلىنىدۇ.
2) ئۇيغۇر، قازاق يېزىقىدىكى «ھ» ھەرىپى بىلەن ئەرەب يېزىقىدىكى «ە» ھەرىپى تولۇق ئېلىنىدۇ. يەنى، ئۇيغۇر، قازاق يېزىقىدىكى «ھ» نىڭ «ھـ ـھـ ـھ ھ» دىن ئىبارەت تۆت خىل شەكلى بىلەن، ئەرەب يېزىقىدىكى «ە» نىڭ «ھـ ـھـ ـە ە» دىن ئىبارەت تۆت خىل شەكلى تولۇق ئېلىنىدۇ ۋە پەرقلەندۈرۈلىدۇ.
3) ئۇيغۇر، قىرغىز يېزىقلىرىغا ئورتاق بولغان «ئ» (ھەمزە) نىڭ يۇنىكود جەدۋىلىدە بېكىتىلگەن تۆت خىل شەكلى، يەنى «ئـ ـئـ ـئ ئ» دىن ئىبارەت تۆت خىل شەكلى تولۇق ئېلىنىدۇ.
4) خەت نۇسخىسىدا ئۇيغۇرچە ھەرپلەر بىلەن ئىنگلىزچە ھەرپ-بەلگىلەرنىڭ ئىگىز-پەسلىك نىسبىتى تەڭشىلىدۇ، ئۇيغۇرچە ھەرپ-بەلگىلەرنىڭ ئىنگلىزچە ھەرپ-بەلگىلەردىن بىر نومۇر كىچىك بولۇپ قېلىش مەسىلىسى ھەل قىلىنىدۇ.
5) ۋىندوۋس ۋە ۋىستالاردىكى تور كۆرگۈدە ئۇيغۇر يېزىقىنىڭ كۆركەم چىقىشى ئۈچۈن، يېڭى ياسىلىدىغان خەت نۇسخىسى ئىچىدىن UKIJ Tuz Tom خەت نۇسخىسى مەخسۇس تور كۆرگۈلەردە ئىشلىتىشكە ماسلاشتۇرۇلۇپ OpenType فورماتىدا ياسىلىدۇ، خەت نۇسخىسىدىكى ھەرپ-بەلگىلەرنىڭ چوڭلىقى سىستېما خەت نۇسخىسى Arial ۋە Time New Roman لار بىلەن بىردەك چوڭلۇقتا بولۇشقا كاپالەتلىك قىلىنىدۇ. UKIJ Ekran خەت نۇسخىسى يۇمشاق دېتال پروگراممىلىرى، يۇمشاق دېتال يەرلىكلەشتۈرۈش، سىڭدۈرمە مەشغۇلات سىستېمىلىرىغا ماسلاشتۇرۇپ 9، 10، 11، 12، 13، 14، 15، 16 چېكىتلىك تەسۋىر كىرگۈزۈلۈپ ياسىلىدۇ. ئۇنىڭدىن باشقا 31 خىل باسما خەت نۇسخىسى بىلەن 31 خىل ھۆسىنخەت نۇسخىسى باسما ئۆلچەملىرىگە ئۇيغۇنلاشتۇرۇلۇپ ياسىلىدۇ.
6) بۇرۇن ياسالغان خەت نۇسخىلىرى ئىنگلىزچە ۋە خەنزۇچە خەت نۇسخىلىرىدىن بىر نومۇر كىچىك ئىدى، بۇ قېتىملىق تۈزۈتۈش داۋامىدا، يېڭى خەت نۇسخىلىرىنىڭ ئىنگلىزچە ۋە خەنزۇچە خەت نۇسخىلىرىنىڭ خەت نومۇرى بىلەن بىردەك بولۇشقا ئالاھىدە ئەھمىيەت بېرىلىدۇ.

3. تۈزىتىلىدىغان فونتلار:
ئەڭ ئاۋۋال UKIJ Tuz Tom ۋە UKIJ Ekran خەت نۇسخىسى ياساپ چىقىلىدۇ. بۇ ئىككى فونتقا ئاساسەن 31 خىل باسما خەت نۇسخىسىنىڭ ئىنچىكە ۋە توم شەكلى، 31 خىل ھۆسىنخەت نۇسخىسى ياساپ چىقىلىدۇ. UKIJ Tuz Tom ۋە UKIJ Ekran خەت نۇسخىسىلىرى تولۇق سىناقتىن ئۆتكەندىن كېيىن، قالغان باسما خەت نۇسخىسى بىلەن ھۆسىنخەت نۇسخىسى كۈندە 2 دىن تورغا يوللىنىدۇ، بۇ خەت نۇسخىلىرىنى سىناشنىڭ ھاجىتى يوق، چۈنكى بۇ خەت نۇسخىسىلىرى UKIJ Tuz Tom ۋە UKIJ Ekran خەت نۇسخىلىرىنىڭ قېلىپىنى ئىشلىتىپ ياسالغانلىقى ئۈچۈن، ئاساسىي جەھەتتىن UKIJ Tuz Tom ۋە UKIJ Ekran خەت نۇسخىلىرىنىڭ كود ئورنى ۋە چوڭ-كىچىكلىكى بىلەن بىردەك بولىدۇ.

4. ئۈچىنچى قېتىملىق خەت نۇسخىسى تۈزۈتۈش خىزمىتىنىڭ ۋاقىت ئورۇنلاشتۇرۇلۇشى:
بۇ خىزمەتنىڭ بېشى 2007- يىلىنىڭ ئاخىرىدىن باشلىنىپ، 2008- يىلى تولۇق بىر يىلنى باشتىن ئۆتكۈزدى، بۇ جەرياندا خېلى كۆپ مەسىلىلەر ھەل قىلىندى. دېمەك، ئۈچىنچى قېتىملىق خەت نۇسخىسى تۈزۈتۈش خىزمىتى 2008- يىلى 11- ئايدا چاقىرىق قىلىنغان بولسىمۇ، ئاساسىي خىزمەتلەر ئاللىقاچان باشلانغان، شۇڭا ھازىرقى ئاساسلىق خىزمەت خەت نۇسخىلىرىنى ياسىغۇچى ئەڭ ئاخىرقى ياسىلىپ بولۇنغان خەت نۇسخىلىرىنى سىناشقا يوللاش، سىناش نەتىجىسى، تەكلىپلەرگە ئاساسەن خەت نۇسخىسىنىڭ 3.0 نەشرىنى يېڭىلاپ رەسمىي تارقىتىشقا يوللاش، بۇ جەرياندا ئاساسلىقى UKIJ Tuz Tom سىناققا يوللىنىدۇ، بۇ خەت نۇسخىسىنىڭ قېلىپى يېڭىدىن ئىشلەنگەن بولۇپ، سىناقتىن ئۆتكەندىن كېيىن، باشقا خەت نۇسخىلىرى مۇشۇ خەت قېلىپىغا ئاساسەن ئىشلىنىپ يوللىنىدۇ، قالغان خەت نۇسخىلىرى سىناققا يوللانمايدۇ.
خەت نۇسخىسى سىناش ئۈچۈن تۈزىتىش خىزمىتى ئورۇنلاشتۇرۇلغان كۈندىن تارتىپ دەسلەپكى قەدەمدىكى UKIJ Tuz Tom خەت نۇسخىسى بىر قىسىم تور بېكەتلەردە ئاشكارە سىناشقا يوللاندى. دەسلەپكى سىناق نەتىجىلىرىگە ئاساسەن تۈزىتىلگەن UKIJ Tuz Tom خەت نۇسخىسى 2008- يىلى 11- ئاينىڭ 24- كۈنى تاماملاندى. بۇ خەت نۇسخىسىنىڭ سىناق مۇددىتى 2008- يىلى 11- ئاينىڭ 24- كۈنىدىن 2008- يىلى 11- ئاينىڭ 30- كۈنىگىچە بولىدۇ، سىناشقا قاتنىشىدىغان يولداشلارنىڭ ۋاقىتنى چىڭ تۇتۇپ، سىناش نەتىجىسىنى يوللاپ بېرىشىنى ئۈمىد قىلىمىز.

5. سىناش ئوبېكتى ۋە سىناشتا دىققەت قىلىدىغان ئىشلار:
1) خەت نۇسخىسى ئۇچۇرلىرى
سىناش ئوبېكتى UKIJ Tuz Tom خەت نۇسخىسى
خەت نامى: UKIJTuT
تولۇق نامى: UKIJ Tuz Tom Yengi (تورداشلارنىڭ سىناق جەريانىدا كونا نۇسخىسى بىلەن يېڭى نۇسخىسىنى سېلىشتۇرۇپ سىنىشىغا قۇلايلىق بولۇشى ئۈچۈن، خەت نۇسخىسىغا ۋاقىتلىق UKIJ Tuz Tom Yengi دەپ نام بېرىلىپ تۇرۇلدى، سىناقتىن كېيىن تارقىتىلغاندا يەنىلا UKIJ Tuz Tom دەپ ئېلىنىدۇ).
يوللانغان خەت نۇسخىسىنىڭ نەشر نومۇرى: 3.0
خەت نۇسخىسىنىڭ ھەجىمى: 383KB
ھازىرقى نەشر ۋاقتى: 2008- يىلى 11- ئاينىڭ 24- كۈنى
2) سىناش مۇھىتى ۋە سىناشقا مەسئۇل بولغۇچىلار
(1) ئېنتېرنت تورىغا ئائىت مۇھىتلاردا سىناشقا مەسئۇل بولىدىغانلار: ئىنتىل سەيناسىدىكى مۇناسىۋەتلىك خادىملار، نۇرقۇت گۇرۇپپىسىدىكى مۇناسىۋەتلىك خادىملار. بۇلار ئاساسلىقى ھەر خىل تور كۆرگۈلەردىكى كۆرۈنۈش مەسىلىسى، تور پروگراممىلىرىدىكى كىرگۈزۈش مەسىلىسىنى Windows XP، Vista، Linux مۇھىتلىرىدا سىناق ئېلىپ بارىدۇ، ئىمكانىيەت يار بەرسە يەنە MAC OS تىمۇ سىناشقا ئەھمىيەت بېرىلسە.
(2) يېزىق بىرتەرەپ قىلىش قۇراللىرىدىن Microsoft Office، Open Office، 永中Office لاردا سىناشقا يەنە بىر قانچە تورداشلارنىڭ قاتنىشىشىنى ئۈمىد قىلىمىز.
(3) پروگرامما تىللىرىدىن Visual Studio، Delphe قاتارلىقلاردا سىناشقا V.Basic.C ئەپەندىم مەسئۇل بولۇپ سىناق ئېلىپ بارسا، ئەگەر يېتىشەلمەي قالسا، ئىختىيار قىلغۇچىلاردىن يەنە بىرقانچە ئادەم تەكلىپ قىلساق بولىدۇ.
(4) رەسىم بىرتەرەپ قىلىش قۇراللىرىدىن Adobe Photoshop CS3 Me نۇسخىسىدا ۋە CorelDraw X4 تە سىناش ئىشلىرىغىمۇ، بۇ خىلدىكى يۇمشاق دېتاللارنى ئىشلىتىشكە ماھىر بولغان تورداشلار سىناق ئېلىپ بارسا بولىدۇ.
(5) يەنە بۇنىڭدىن باشقا قوللىنىشچان يۇمشاق دېتاللار ۋە سىناق مۇھىتلىرىمۇ خېلى كۆپ، ئەگەر ئىمكانىيەت يار بېرىدىغان تورداشلارنىڭ خالىس سىناپ كۆرۈپ، سىناق نەتىجىسىنى بىزگە يوللاپ بېرىشىنى ئۈمىد قىلىمىز.
3) ئاساسلىق دىققەت قىلىدىغان ئىشلار:
(1) بايقالغان مەسىلىلەرنى بايان قىلغاندا، مەسىلىنى تېز ئايدىڭلاشتۇرۇۋېلىش ئۈچۈن مەسىلىنى تولۇق بايان قىلىش، ئامال بولسا رەسىملىك ھالەتتە ئىنكاس قىلىنسا تېخى ياخشى.
(2) سىناق داۋامىدا بەزى يۇمشاق دېتاللارنىڭ كاشىلىسىدىن كېلىپ چىققان مەسىلىنى ئانالىز قىلىش كېرەك، ئەگەر ئانالىز خاتا بولۇپ قالسا، بۇنى خەت نۇسخىسىنىڭ مەسىلىسى دەپ قاراپ قېلىپ، ئارتۇقچە مەسىلە كېلىپ چىقىدۇ.
(3) خەت نۇسخىسىنى سىناش داۋامىدا، ئۆلچەملىك يۇنىكودلۇق يېزىق كىرگۈزگۈچ ئىشلىتىشكە كاپالەتلىك قىلىش لازىم. شۇڭا، سىناق جەريانىدا ئويغان كىرگۈزگۈچ ياكى ئالپ يېزىق كىرگۈزگۈچنى چۈشۈرۈپ ئىشلىتىشىڭىزنى تەۋسىيە قىلىمىز.
4) سىناق نەتىجىسىنى يوللاپ بېرىش ئۇسۇلى:
تور بېكەتلەر: ئۇ ك ئى ج تور بېكىتى، ئىنتىل سەيناسى (مەزكۇر ئىككى تور بېكەتتىكى مۇناسىۋەتلىك كىشىلەرنىڭ ئېلخەت ئادرېسى ياكى مۇڭداشقۇسىغا يوللاپ بەرسىڭىزمۇ بولىدۇ).
خەت نۇسخىسى ئىشلىگۈچىنىڭ ئېلخەت ئادرىسى : [email]alplar@126.com[/email]، QQ: 569113038
5) خەت نۇسخىسى سىناق مەزگىلىدە بولغانلىقى ئۈچۈن، خەت نۇسخىسىنى سىناش جەريانىدا، بۇ خەت نۇسخىسىنى باشقىلارغا ئىشلىتىشكە ھاۋالە قىلىشقا بولمايدۇ، رەسمىي نۇسخىسى ئېلان قىلىنغاندىن كېيىن ئاندىن تارقىتىشقا بولىدۇ.
6) خەت نۇسخىسىنى سىناشقا قاتناشقۇچىلار [email]alplar@126.com[/email] غا ئېلخەت يېزىپ خەت نۇسخىسىنىڭ بىر قىسىم تېخنىكىلىق ئانالىز ماتېرىيالىغا ئېرىشسىڭىز بولىدۇ. بۇ ماتېرىيالدا ئەرەبچە، ئۇيغۇرچە، قازاقچە، قىرغىزچە يېزىقلارنىڭ يۇنىكود جەدۋىلىدىكى كود ئورنىنى كۆرسۈتۈش جەدۋىلى ۋە بىر قىسىم مەسىلىلەرنىڭ ئانالىزى تەمىنلەنگەن. ماتېرىيالنى كۆرۈپ چىققاندىن كېيىن سىناق داۋامىدا بەلگىلىك پايدىلىنىش ۋە سېلىشتۇرۇش قىممىگە ئىگە.

2008- يىلى 11- ئاينىڭ 24- كۈنى
ئالپ



Intil
يازمىلار: 485
تىزىملانغان ۋاقتى: پەيشەنبە ئاپرىل 12, 2007 4:50 am
ئالاقىلىشىش:

يازما يوللاش تەرىپىدىن يوللانغان Intil » دۈيشەنبە نويابىر 24, 2008 5:26 pm

[1124] UKIJ Tuz Tom نىڭ يېڭى نەشرىنى سىناش ئىنتىل سەيناسىدىكى ئادرىسى [url]http://www.intil.cn/munber/viewthread.php?tid=2233[/url]

Oyghan
يازمىلار: 139
تىزىملانغان ۋاقتى: دۈيشەنبە ئاپرىل 02, 2007 6:48 am
ئالاقىلىشىش:

يازما يوللاش تەرىپىدىن يوللانغان Oyghan » دۈيشەنبە نويابىر 24, 2008 8:34 pm

ئەسسالامۇ ئەلەيكۇم،

ئالدى بىلەن جەمئىيىتىمىز دائىمىي ئەزاسى [url=http://www.ukij.org/munber/viewthread.php?tid=227&extra=page%3D1]تۇرسۇنجان سۇلتان[/url] ئەپەندىنىڭ فونت تۈزەش ئىشلىرى ئۈچۈن قىلىۋاتقان ئەجرىگە كۆپ رەھمەت.

بۇ تېما ئارقىلىق فونت سىناش خىزمىتى رەسمىي باشلاندى.فونت سىناشقا ھەر قانداق كىشى قاتنىشىپ، پىكىرلىرىنى تۇرسۇنجان يۇقىرىدا تەكىتلىگەندەك شەكىلدە ئېلان قىلسا بولىدۇ. فونت سىناشتا تۆۋەندىكىلەرگە ئالاھىدە دىققەت قىلىڭ:

1. ئۇيغۇرچە ھەرپلەرنىڭ ئۇلانغان ياكى ئۇلانمىغان ھالەتتىكى شەكىللىرى (باش، ئوتتۇرا، ئاخىر، يالغۇز)
2. رەقەملەر، تىنىش بەلگىلىرى، باسمىدا ئىشلىتىدىغان بەلگىلەرنىڭ ھەرپ شەكىللىرى بىلەن ماسلىشىشچانلىقى
3. باشقا تىل-يېزىقتىكى ھەرپ-بەلگىلەرنىڭ ئۇيغۇرچە ھەرپلەر بىلەن ئارىلاش ھالەتتىكى چوڭ-كىچىكلىك ماسلىشىشچانلىقى
4. ھەرپلەرنىڭ يانتۇ، توم، ئاستىغا سىزىق سىزىلغان ھالەتلىرى
5. ھەرپ-بەلگىلەرنىڭ ئوخشىمىغان چوڭلۇقتىكى شەكىللىرىنىڭ ئېنىقلىق دەرىجىسى
6. ئوخشىمىغان مۇھىت (Windows, Linux, Mac) ۋە ھەر خىل يۇمشاق دېتاللاردا نورمال ئىشلەيدىغان بولۇشى
7. فونتتىكى ئۇيغۇرچە ھەرپلەرنىڭ [url=http://www.ukij.org/oyghan/unicode/Unicode_FAQ_fichiers/image005.gif]2004-يىلى 17-يانۋاردا بىرلىككە كەلتۈرۈلگەن ئۇيغۇرچە ھەرپلەر كود جەدۋىلىدە[/url] كۆرسىتىلگەن ئورۇنلاردىن باشقا يەردە تەكرار ئۇچراپ قالماسلىقى
8. فونتتىكى بارلىق ھەرپلەرنىڭ كودىنىڭ [url]http://www.unicode.org/charts[/url] دا كۆرسىتىلگەن كود ئورۇنلىرى بىلەن بىرمۇ-بىر ماس كەلگەن بولۇشى
9. باشقىلار (سىز تولۇقلاڭ)

قوشۇمچە: ئۇيغۇرچە ھەرپلەرنى سىناشقا قولايلىق بولۇشى ئۈچۈن، 32 ھەرپنىڭ ھەممىسىنى ئۆز ئىچىگە ئالغان بىر جۈملە تۈزەلەيدىغانلار/تاپالايدىغانلار بولسا تەۋسىيە قىلسا بولىدۇ. (يەنى ئىنگلىزچە 26 ھەرپنى كۆرگەزمە قىلىدىغان "The quick brown fox jumps over the lazy dog" دېگەن جۈملىگە ئوخشاش)

بۇ تېمىنى باشقا تور بېكەتلەردە ئېلان قىلىپ [url]http://www.ukij.org/munber/viewthread.php?tid=436[/url] قا ئۇلانما ياساپ مەنبەسىنى ئەسكەرتسىڭىز بولىدۇ.[color=Red] بارلىق پىكىرلەرنىڭ مەركەزلىشىشى ئۈچۈن، UKIJ دىكى فونت سىناشقا ئائىت تېمىلارنى ئۆز بېكەتلىرىدە ئېلان قىلغان ئەزا تور بېكەت باشلىقلىرىنىڭ قەرەلىك ھالدا يىغىلغان پىكىرلەرنى مۇشۇ تېما ئاستىغا چاپلاپ قويۇشىنى سورايمەن.[/color]

Alpsoft
يازمىلار: 101
تىزىملانغان ۋاقتى: سەيشەنبە دېكابىر 18, 2007 3:27 pm
ئالاقىلىشىش:

يازما يوللاش تەرىپىدىن يوللانغان Alpsoft » سەيشەنبە نويابىر 25, 2008 4:29 am

بۇ قېتىم يېڭىلىنىدىغان فونتلار ئىچىدە يېڭىدىن قوشۇلغان بىر قانچە باسما خەت نۇسخىلىرى بار، بۇ قېتىم ئاساسلىقى باسما خەت نۇسخىلىرىغا بەكرەك كۈچ چىقىرىلىدۇ، ھۆسىنخەت نۇسخىلىرىغىمۇ شۇنداق. شۇڭا، [url]www.ukij.org/fonts[/url] تا ياسالغان فونتلار ۋە ياسىغۇچىلارنىڭ نامىنى فونت ئۇچۇرىدا ئەسكەرتىش ئۈچۈن، [url]www.ukij.org/fonts[/url] تا تىلغا ئېلىنغان فونت ياسىغۇچىلارنىڭ بىز بىلەن ئالاقىلىشىشىنى ئۈمىد قىلىمىز، بىز دەسلەپ فونت ياسىغۇچىلارنىڭ فونتلىرىنى ھازىرقى فونت قىلىپى بويىچە يوللاپ بېرىپ، فونت ياسىغۇچىلارنىڭ تەكلىپ-پىكرىنى ئېلىشنى ئىستەيمىز.

majeed
يازمىلار: 67
تىزىملانغان ۋاقتى: چارشەنبە ماي 23, 2007 5:50 am
ئالاقىلىشىش:

يازما يوللاش تەرىپىدىن يوللانغان majeed » سەيشەنبە نويابىر 25, 2008 5:04 am

ئۇستازلارنىڭ ئەجرىگە بارىكاللا، ئۇيغۇر ئۇچۇر تەرەققىياتىدىكى بۇ ئابىدە خاراكتىرلىق «تۈزىتىش»خىزمىتى كەلگۈسىدە مەڭگۈ ياد ئېتىلگۈسى .
يەنە بىر جىددى ئىش:
مەن UBUNTU LINUX 8.10 نى ئىشلىتىپ open office writer بىلەن ئۇيغۇرچە خەت يازغاندا UKIJ خەت نۇسخىسىدا ' ئەللە ' سۆزى ئارىلاشقان سۆزلەردە بۇ سۆز ئاپتۇماتىك ھالدا 'اللا '( ئەرەپچە ) گە ئكزگىرىپ كېتىۋاتىدۇ .
مەسىلەن مەھەللە ، ئەللەر، ... لەرنى يازسام، مە اللا ئەاللا بولۇپ ئۆزگۈرىۋالدى .AL KATIP , UKK خەت نۇسخىسىدا قانداق بولىدۇ بىلمىدىم .
بۇ مەسىلىگە ئەڭ بۇرۇن بىلىك كۇلۇبىدىكى ساۋۇت ئەپەندىم يولىقىپتىكەن.
شۇڭا بۇ مەسىلىنى ئۇستازلارنىڭ جىددى تەكشۈرۈپ چىقىشىنى تىلەيمەن .
[img]http://item.slide.com/r/1/163/i/v4xHPw2V4T8b0-LSFXwP2t4Na7s_CXNp/[/img]

nurqut
يازمىلار: 60
تىزىملانغان ۋاقتى: يەكشەنبە ماي 04, 2008 2:03 am
ئالاقىلىشىش:

يازما يوللاش تەرىپىدىن يوللانغان nurqut » سەيشەنبە نويابىر 25, 2008 5:26 am

نۇرقۇت دۇنياسىدىكى پىكىر توپلىنىۋاتقان تېما (ئىنكاس قىلىنغان خاتالىقلار ئۆچۈرۈلۈپ تۇرىۋاتىدۇ)
[url]http://www.nurqut.com/ud/viewthread.php?tid=540[/url]

سىناق ئۈچۈن ئىشلىتىۋاتقان جۈملە(شۇنچە تىرىشساممۇ 32 ھەرپنى ئۆز ئىچىگە ئالغان جۈملە تاپالمىدىم ، ئامالسىز مۇشۇنى سىناق قىلىشقا مەجبۇر بولدۇم )
The quick brown fox jumps over the lazy dog
غۇلامنىڭ ئاپىسى بۈۋىجەننەتدىن باشقا ھېچكىمگە خۇشچىراي ئاچمايدۇ-ژۆزوف
؛.،*&^%$#@!-_=+~`1234567890

afrasiyab
يازمىلار: 30
تىزىملانغان ۋاقتى: سەيشەنبە ئىيۇن 19, 2007 10:18 am
ئالاقىلىشىش:

يازما يوللاش تەرىپىدىن يوللانغان afrasiyab » سەيشەنبە نويابىر 25, 2008 8:46 am

بەكمۇ مۇكەممەل لاھىيە بولۇپتۇ.كۆپ جاپا چەكتىڭىز رەھمەت.بۇ ئەمگەكنىڭ روياپقا چىقىشى ئۈچۈن ئەجىر سىڭدۈرگەن بارلىق قېرىنداشلارغا كۆپ رەھمەت.
مەن دىگەن 6-نومۇرلۇق(6号) خەتنىڭ چاپاق چىقىپ قېلىش مەسىلىسىدە خېلى ئىلگىرىلەش بوپتۇ،لېكىن يەنىلا ئازراق مەسىلە باركەن.
خەتنىڭ چوڭ كىچىكلىگى تەڭشىلىپتۇ.
يەنە بىر مەسىلە،كىچىك خەت رەزمىدە،5تىن چوڭ بولغاندا (,6号,7号,8号,5号)لاردا خەتنىڭ رەڭگى باشقا يېزىقلارنىڭكىگە قارىغاندا سەل سۇس چىقىپ قالىدىكەن.قېنىقلاشتۇرۇلسا.
يەنە بىر ئىش ھ ھەرىپى نىڭ قۇيرۇقى مەسىلىسى ئويلىشىلسا.قايسى بىر دوستىمىز بۇ توغۇرلۇق پىكىر بېرىپتىكەن.
ئاستى ،ئوتتۇرا سىزىق مەسىلىسى ھەل بوپتۇ. _ - .
بۇلار مېنىڭ مايىكروسوفت ۋورد 2003 تە سىناش نەتىجەم.
ئەڭ خوشاللىنارلىق ئىش بۇ فونت ئىچىگە ئالغان ھەرپ بەلگىلەر بەك مۇكەممەل بولۇپتۇ.قارىسام بۇرۇنقى يېڭى يېزىقنىڭ ھەرىپلىرىمۇ ئورۇن بېرىلىپتۇ.مەسىلەن غ،ق،ھ ،ئە،ژ لارمۇ تولۇق بېرىلىپتۇ.يەنە سىلاۋىيان،تۈرك،گىرىك يېزىقلىرى ۋە خەلىقئارا تىرانسىكسىپىيە بەلگىلىرىمۇ تولۇق بېرىلىپتۇ.بىر ئۈمۈد قىلىدىغان ئىش بولسا ئۇرخۇن ئۇيغۇر يېزىقىنىڭ ھەرپلىرىمۇ بۇنىڭدىن ئورۇن ئالغان بولسا كاتتا ئىش بولاركەنتۇق،شۇنداقلا مۇپەسسەل بولاركەنتۇق،بەلكىم بۇ ھەرپلەرنىڭ كود ئورنى بېكىتىلمىگەچكە بېرىلمىگەندۇ،كېلەركى قېتىملىق تۈزۈتىشتە بېكىتىلىپ قالار،شۇڭا بۇ خىزمەتمۇ چىڭ تۇتۇپ ئىشلەنسە دىگەن ئۈمۈتتىمەن.
قانداق بولۇشىدىن قەتئىي نەزەر بۇ ئەڭ خوشاللىنارلىق ئىشكەن.يەنە بىر قېتىم رەھمەت.

باش سۈرەت
gheyret
يازمىلار: 125
تىزىملانغان ۋاقتى: چارشەنبە ئاپرىل 04, 2007 12:34 pm
ئالاقىلىشىش:

يازما يوللاش تەرىپىدىن يوللانغان gheyret » سەيشەنبە نويابىر 25, 2008 10:50 am

ئەسسالامۇئەلەيكۇم،
ئالدى بىلەن 3-قېتىملىق فونت تۈزىتىش ئىشىنى ئىشلەۋاتقان تۇرسۇنجان سۇلتان ئەپەندىگە چىن كۆڭلۈمدىن تەشەككۈر ئېيتىمەن ھەم كۆپچىلىكنىڭ بۇ ئىشقا ئاكتىپلىق بىلەن ئاۋاز قوشۇشىنى چاقىرىمەن.
تەكلىپ: سىناق مۇددىتىنى يىل ئاخىرىغىچە ئېلىپ بېرىش تەكلىپىنى بېرىمەن، بۇنداقتا تېخىمۇ نۇرغۇن مەسىلىلەرنى بايقىغىلى، خاتالىقلارنى ئەڭ تۆۋەن دەرىجىگە چۈشۈرگىلى بولىدۇ.
سىناق نەتىجىسى:
UKIJ Tuz Tom Yengi بىلەن UKIJ Tuz Tom نى سېلىشتۇرۇپ كۆردۈم(ھازىرچە خەت غوللىرىنىلا)، UKIJ Tuz Tom Yengi نى باشقا بىر نام بىلەن ئاتىساق بولامدۇ نېمە؟
UKIJ Tuz Tom نىڭ خەت غوللىرىنى ئۆزگەرتمىگەن ئاساستا ياخشىلىغىلى بولماسمۇ؟

كۆپچىلىكنىڭ ئېسىدە بارمۇ يوق بىلمەيمەن، UKIJ Tuz(ۋارىس ئا. جانباز تۈزگەن) فونت ماڭا تولىمۇ چىرايلىق كۆرۈنەتتى، ئىككىنچى قېتىملىق تۈزىتىشتە بۇ فونتنىڭ خەت غوللىرى ئۆزگىرىپ كېتىپ باشقا بىر فونتقا ئوخشاپ قالدى(بىراق نامى يەنىلا UKIJ Tuz). ئەسلىدىكى فونتنى تاپالمىغانلىقىم ئۈچۈن بۇ يەردە سېلىشتۇرۇش مۇمكىن بولمىدى. بىراق توردىن بىر نەرسە ئىزدەۋېتىپ ئەسلىدىكى UKIJ Tuz دە يېزىلغان بىر PDF ھۆججىتىنى ئۇچرىتىپ قالدىم، كۆپچىلىك كۆرۈپ بېقىڭلار.
[url]http://www.bizuyghur.com/oyghan/UKJ/UKIJYighini[/url](KonaYeziq).pdf
(كۆرۈنمەي قالسا سۆز قالدۇرۇڭلار، كۆرۈنىدىغان يەرگە يوللاپ قويىمەن)
غەيرەت كەنجى

Perhat_k
يازمىلار: 180
تىزىملانغان ۋاقتى: جۈمە ئاپرىل 06, 2007 4:46 am
ئالاقىلىشىش:

يازما يوللاش تەرىپىدىن يوللانغان Perhat_k » سەيشەنبە نويابىر 25, 2008 11:45 am

سالام ئەپەندىلەر،
تۇرسۇنجان ئەپەندىنىڭ بۇ قىتىممۇ ئاكتىپلىق بىلەن بۇ ئىشقا تۇتۇش قىلغىنى تولىمۇ ياخشى بوپتۇ، ھارمىغايسىز.:handshake

يېڭى خەت نۇسخىسى بۇرۇنقى خەت نۇسخىسىغا تازا ئوخشاپ كەتمەيدىكەن، (بۇرۇنقىسى ئەمەسكەن.)

مىنىڭ تەكلىۋىم:
بۇ [url=http://www.ukij.org/munber/viewthread.php?tid=431][color=Blue]3-قېتىملىق خەت نۇسخىسىنى تۈزىتىش ئۇقتۇرۇشى[/color][/url] 1-تارمىقىنىڭ تەلىۋى بويىچە؛ ھەم غەيرەت ئەپەندىنىڭ يازمىسى:

[quote]ئەسلى يوللىغۇچى: [i]غەيرەت[/i] ، ۋاقتى: 2008-11-25 16:50 [url=http://www.ukij.org/munber/redirect.php?goto=findpost&pid=2013&ptid=436][img]http://www.ukij.org/munber/images/common/back.gif[/img][/url]
...
UKIJ Tuz Tom Yengi بىلەن UKIJ Tuz Tom نى سېلىشتۇرۇپ كۆردۈم(ھازىرچە خەت غوللىرىنىلا)، UKIJ Tuz Tom Yengi نى باشقا بىر نام بىلەن ئاتىساق بولامدۇ نېمە؟
UKIJ Tuz Tom نىڭ خەت غوللىرىنى ئۆزگەرتمىگەن ئاساستا ياخشىلىغىلى بولماسمۇ؟
...
[/quote]
ۋە باشقا مۇنبەرلەردىكى تورداشلارنىڭ ئىنكاسلىرى بويىچە، مەنمۇ يېڭى خەت نۇسخىسىغا باشقىچە نام بىرىشنى، ئەسلىدىكى خەت نۇسخىسىنى پەقەت تېخنىكىلىق مەسىللەر ھەل قىلىنىپلا خەت غولىغا قىلچە چىقىلماي يېڭى نەشىرى ئىچىگە يىزىلىپ شۇ نامدا بولسا قانداق بولار، دىگەن تەكلىپنى بىرىمەن.

nurqut
يازمىلار: 60
تىزىملانغان ۋاقتى: يەكشەنبە ماي 04, 2008 2:03 am
ئالاقىلىشىش:

UKIJTUT3.00 نى سىناش دوكىلاتى (1)

يازما يوللاش تەرىپىدىن يوللانغان nurqut » سەيشەنبە نويابىر 25, 2008 12:25 pm

[url=http://www.ukij.org/munber/viewthread.php?tid=436]UKIJ Tuz Tom نى سىناش تەرتىپلىرى[/url]بۇيىچە نۇرقۇت دۇنياسىدىكى [url=http://www.nurqut.com/ud/viewthread.php?tid=540]سىناق نوقتىسى[/url]دا تۇنجى قېتىملىق سىناق ئېلىپ بېرىلدى ھەم سىناق نەتىجىسى تۈۋەندىكىدەك خۇلاسىلەندى .

دوكىلات نامى : UKIJTUT3.00 نى سىناش دوكىلاتى (1)

سىناق نوقتا ئادرىسلىرى :
كومپيۇتېر ، تور كۆرگۈچ
[url]http://www.nurqut.com/sinaq12em.html[/url]
[url]http://www.nurqut.com/sinaq32em.html[/url]
[url]http://www.nurqut.com/sinaq12emherp.html[/url]
[url]http://www.nurqut.com/sinaq32emherp.html[/url]
[color=Red]سىستېما مۇھىتى : Windows Vista Ultimate[/color]
[color=Blue]خەتنىڭ ئېكراندا كۆرۈنۈش ئەھۋالىغا بولغان سىناق : [/color] (رەسىملەر ئايرىم تەمىنلەندى . جەمئىي 6*4=24 پارچە)
خەت نومۇرى : [color=RoyalBlue]12px,13px,14px , 15px[/color] (بەت يۈزىدە كۆپ ئىشلىتىلگەنلىكتىن ئاۋۋال مۇشۇ نومۇرلۇقلىرى سىنالدى .)
ئىكران ئىنىقلىقى: 1024*768
ئادەتتىكى (size1.jpg)، سىلىقلانغان ئۆلچەملىك (size2.jpg)، سىلىقلانغان ئىنىق (size3.jpg)

ئىكران ئىنىقلىقى 800*600
سىنىلىش ھالىتى : ئادەتتىكى (size4.jpg)، سىلىقلانغان ئۆلچەملىك (size5.jpg)، سىلىقلانغان ئىنىق (size6.jpg)
ئەسكەرتىش : size بولسا 12،13،14،15 لەرنى كۆرسىتىدۇ . خەتنىڭ شۇ رازمىرغا تەڭشەلگەن ھالىتىدىكى رەسىم.

[color=Blue]خۇلاسە :[/color]
1 . گەرچە ياخشىلىنىش بولغان بولسىمۇ ، قانائەتلىنەرلىك ئەمەس . يەنىلا سىلىقلانمىغان ھالەتتە كۆزنى ئاغرىتىدۇ ، چاپاق كۆرۈنىدۇ .
2 . سىلقلاشتۇرۇغان ئۆلچەملىك ھالەتتە خەت بەكلا سۇس كۆرۈنىدۇ .
3 . خەتنىڭ كۆرۈنۈش شەكلى ئادەمنى رازى قىلالمايدۇ. (رەسىمدىن كۆرۈڭ)
4 . 14px لىك ھالەتتە خەت بەك سەت كۆرۈنىدۇ . يۇقارقى 12-15 كىچە بولغان ھالەت ئىچىدە 14 لىك ھالىتى ئەڭ سەت چىقىدىكەن .
5 . 14 لىك ھالەتتە و ۆ ۇ ۈ ھەرپلىرى باشقا ھەرپلەردىن توم كۆرۈنۈپ قالىدۇ .
6 . ھازىر تور يۈزىدە ئىشلەتكۈچىلەر ئۈچۈن 13px ,15pxبىر قەدەر مۇۋاپىق .

[color=Red]ھازىرقى خۇلاسە بۇيىچە ئېيتقاندا توربەت يۈزىدە ئىشلىتىشكە ماس كەلمەيدۇ .[/color]

[color=Blue]ھەرپلەرنى سېلىشتۇرۇش دوكىلاتى :[/color]

1) ئى ئې ھەرپلىرى ئوخشىمايدۇ . خاتالىق بار . meislaei1.jpg, mesilaei2.jpg
2) ئو و ، ئۇ ۇ ، ئۆ ۆ ،ئۈ ۈ نىڭ كۆزى ئوخشىمايدىكەن mesilaou.jpg. بۇمۇ خاتالىققا كىرەمدۇ ؟
3) ز ، ژ ھەرپلەرنىڭ ئارقا ئۇلانما شەكلى ئۆلچەملىك ئەمەس meislarz1.jpg, mesilarz2.jpg. ئەمما ر ئۆلچەملىك mesilarz3.jpg.
4) س ھەرىپىدە مەسىلە بىر قەدەر ئېغىر . mesilasa.jpg , mesilasis.jpg
5) ش ھەرىپىنىڭ مەسىلىسى س ھەرىپىدىكى بىلەن ئوخشاش .
6) غ ھەرىپىنىڭ ئوتتۇرا ئۇلانما شەكلى ئۆلچەمسىز . msilagh.jpg
7) ك ھەرىپىنىڭ توغرا غولى باشقا ھەرپلەردىن توم بولۇپ قالغان . رەسىمدىن كۆرۈڭ . mesilak1.jpg,mesilak2.jpg
8) گ ھەرىپىنىڭ خاتالىقى ك ھەرىپى بىلەن ئوخشاش.
9) ڭ ھەرىپىنىڭ خاتالىقى ك ھەرىپى بىلەن ئوخشاش .
10) ل ھەرىپىدىمۇ ك ھەرىپىگە ئوخشاش غول توم بولۇپ قېلىش مەسىلىسى بار . mesilal.jpg
11) ل ھەرىپىنىڭ يالغۇز شەكلى ئاخىرى ئۇلانما شەكلىدىن ئىگىز ، بىلمىدىم بۇ خاتالىقمۇ ؟ mesilal1.JPG
12) م ھەرىپىدە غول مەسىلىسى بار . خاتالىق رەسىمى mesilam.jpg
13) ن ھەرىپىدىمۇ مەسىلە بار . mesilan.JPG
14) ھ ھەرىپىنىڭ ئوتتۇرا ئۇلىنىش شەكلى باشقا ھەرپلەردىن تۈۋەن . mesilah.JPG
15) ي ھەرىپىنىڭ غۇلى سەل تومدەك بىلىندى . ئاندىن ي ھەرىپىنىڭ ئاخىرقى شەكلى يالغۇز شەكلى ئوخشاشمايدىكەن mesilay.jpg

قوشۇمچە پىكىر : ھازىر خەت سۈڭىكى ئوخشاشمىدى دەيدىغان پىكىرنى ھەممەيلەن ئوتتۇرىغا قۇيىۋاتىدۇ . ناۋادا بۇ خەت نۇسخىسىغا يەنە يېڭى ئىسىم قويماقچى بولساق ، سۈڭىكى ئوخشىشىپ كىتىدىغان خەت نۇسخىلىرىنى ئىخچاملىماقچى بولغان پىلانغا زىت كەلمەسمۇ ؟ خەت سۈڭىكىدە پەرق بارلىقى راست ، ئەمما ئۇ پۈتۈنلەي ئۆزگۈرۈپ كەتمىگەن . ئىلغارلىقنى قۇبۇل قىلىش كېرەك . بولسا مۇشۇ ukij tuz tom yengi بىلەن ukij tuz tom نىڭ ئىلغار تەرەپلىرىنى بىرلەشتۈرۈپ پەقەت بىرلا خىل خەت نۇسخىسى تۈزسەك . يەنە خەت نۇسخىسىنى كۆپەيتىپ كۈچنى چېچىۋەتمىسەك . بىزگە ياخشى ياسالغان خەت نۇسخىسىدىن بىرنەچچىسى بولسىلا يىتىپ ئاشىدۇ . . . خەت نۇسخىسى دىسە پۇتلىشىپ ماڭالمايمىز ، ئەمما ئادەمگە يارايدىغان خەت نۇسخىسىدىن نەچچىسى بار ؟ مىنىڭچە ئۇستازلىرىمىز مۇشۇ ھەقتە ياخشى ئويلىنىپ باقسا ھەم پىكىر ئالماشتۇرۇپ باقسا دىگەن ئۈمۈدتىمىز . ناۋادا ئارتۇق سۆزلەپ قويغان بولساق كەچۈرۈشۈڭلارنى ئۈمۈد قىلىمىز.

[color=Blue]قوشۇمچە سۆز : كەسىپ ئەھلى بولمىغانلىقىمىز ئۈچۈن سىناق جەريانىدا سەۋەنلىك كۆرۈلگەن بولسا ئەپۇ قىلىشىڭلارنى سورايمىز .[/color]

[align=left][color=Red]ھۆرمەت بىلەن : نۇرقۇت دۇنياسى[/color]
2008-يىل 11-ئاينىڭ 24-كۈنى
[/align]

ئىنكاس يوللاش
[phpBB Debug] PHP Warning: in file [ROOT]/vendor/twig/twig/lib/Twig/Extension/Core.php on line 1275: count(): Parameter must be an array or an object that implements Countable

گە قايتىش

توردىكى ئەزالار

مۇنبەردىكى ئەزالار: 1 ۋە 0 مېھمانلار