UKIJ Tuz Tom نى سىناش تەرتىپلىرى

ئۇيغۇر كومپىيۇتېر ئىلمىي جەمىيىتىنىڭ ھەر خىل ئۇقتۇرۇش، مۇراجەت ۋە چاقىرىقلىرى، دائىمىي ئەزا ۋە ئەزالارغا يەتكۈزىلىدىغان ۋەزىپە ئورۇنلاشتۇرىشى قاتارلىقلار قويۇلىدۇ.
Oyghan
يازمىلار: 139
تىزىملانغان ۋاقتى: دۈيشەنبە ئاپرىل 02, 2007 6:48 am
ئالاقىلىشىش:

يازما يوللاش تەرىپىدىن يوللانغان Oyghan » سەيشەنبە دېكابىر 02, 2008 6:47 pm

ئەسسالامۇ ئەلەيكۇم،

يۇقىرىدا بەزى يازمىلاردا ئاساسى رايون، كېڭەيتىلگەن رايون ۋە ھېلىقى 20 قوشما ھەرپ شەكىللىرىنىڭ كىرگۈزگۈچ، فونت ۋە ھەر خىل يۇمشاق دېتاللاردىكى شەكىل تاللاش ھالەتلىرى توغرىسىدا خاتا كۆز قاراشلارغا ئاساسلىنىپ ناتوغرا يەكۈنلەر چىقىپ قاپتۇ. بۇ مەسىلە توغرىدا گەپ كۆپ بولغانسېرى خاتالىق شۇنچە كۆپ يۈز بېرىۋاتىدۇ. ۋاقىت مۇناسىۋىتى بىلەن مەن تەپسىلىي چۈشەندۈرۈپ ئولتۇرماي...

ئۇ 20 قوشما ھەرپنى قوشۇش-قوشماسلىققا UKIJ مۇدىرىيىتى 8-دېكابىردىن بۇرۇن قارار چىقىرىدۇ. فونتلار شۇ قارارغا ئاساسەن تۈزۈتىلىدۇ. شۇ ۋاقىتقىچە كۆپچىلىنىڭ پىكىرلىرىنى ياسالغان فونتلارنى سىناشقا مەركەزلەشتۈرۈشىنى سورايمەن.

تۇرسۇنجان «UKIJ Tuz Tom Yengi» نى ئەرەب-پارسىچە فونتلاردىن پايدىلىنىپ ياسىدىم دېگەندەك قىلغانىدى. مۇمكىن بولسا ئەشۇ فونتنىڭ ئەسلى نامى بىلەن ئىسىم تەۋسىيە قىلىپ باقسا... ياكى ئۇنى «UKIJ Tuz Tom Yengi» دەپ ئاتاۋېرەمدۇق؟



باش سۈرەت
gheyret
يازمىلار: 125
تىزىملانغان ۋاقتى: چارشەنبە ئاپرىل 04, 2007 12:34 pm
ئالاقىلىشىش:

يازما يوللاش تەرىپىدىن يوللانغان gheyret » چارشەنبە دېكابىر 03, 2008 5:58 am

[quote]غەيرەت توختى كەنجى ئەپەندىم مۇنداق بىر سوئالنى ئوتتۇرىغا قويغان: «18 دانە قوشما ھەرپنى ساقلاپ قالساق، بۇ ھەرپلەرنى ئىشلىتىپ ياسالغان كىرگۈزگۈچلەرمۇ بار ئىكەن، بۇلاردا كىرگۈزگەن تېكىستلەرنى ئۆلچەملىك Unicode كىرگۈزگەن تېكىست دېيىشكە بولارمۇ؟
مېنىڭ چۈشەنچەم مۇنداق، 18 دانە قوشما ھەرپنى ئۆز ئىچىگە ئالغان فونتتىن پايدىلىنىپ، ئاساسىي رايوندىن كىرگۈزۈلگەن ھەرپلەر بىلەن بىرىكىپ ھاسىل قىلىنغان قوشما ھەرپلەرنى ئۆز ئىچىگە ئالغان تېكىسىتلەرنى ئۆلچەملىك دېيىشكە بولىدۇ. كېڭەيتىلگەن رايوندىن پايدىلىنىپ قوشما ھەرپلەرنى بىۋاسىتە [/quote]

قارىغاندا دېمەكچى بولغىنىمنى تازا چۈشەندۈرۈلمىگەن ئوخشايمەن. تەپسىلىي سۆزلەي:

ئەسلى ئۆلچەملىك ئۇيغۇرچە كىرگۈزگۈچ، ھەرپلەرنى پەقەت ۋە پەقەتلا ئاساسىي رايوندىكى كودىنى كىرگۈزۈپ بېرىدۇ. ھازىرقى ئويغان كىرگۈزگۈچى، مۇھەممەد ئەپەندىم ياسىغان كىرگۈزگۈچ ۋە ئۇيغۇرئېدىت، ئەلكاتىپ .... ھەممىسى مۇشۇنداق قىلىدۇ. شۇنداق بولغاندا دىسكىدا ساقلانغان بارلىق ئۇيغۇرچە تېكىستلەر ساپ ئاساسىي رايوندىكى كودلاردىن تەركىب تاپقان بۆلىدۇ، كېڭەيتىلگەن رايون بولمايدۇ. شۇنداق بولغاندىلا ئاندىن تېكىستنى ئۆلچەملىك ئۇيغۇرچە تېكىست دەپ قاراشقا بولىدۇ.(قالغانلار قانداق قارايدىكىن)

ئالدىنقى تېمىلاردا تۇرسۇنجان ئەپەندى، بىر قىسىم كىرگۈزگۈچلەر بۇ قائىدە بويىچە ئىش قىلماي، باش «ئا=ئ+ا» ئۈچۈن بىۋاسىتە «ﯪ»نى كودى FBEA نى ئىشلەتكەن دېگەن مەسىلىنى مەلۇم قىلدى. بۇنداق بولغاندا ئۇيغۇرچە تېكىستلەرنىڭ ئىچىدە كېڭەيتىلگەن رايوندىكى كودلار مەۋجۇت بولغان بولىدۇ. گەرچە بۇ UNICODE دىكى ئۇيغۇرچە تېكىست بولسىمۇ، ئۇنىڭ تەركىبىدە كېڭەيتىلگەن رايوندىكى كودلار بار بولغاچقا ئەھۋال باشقىچە بولۇپ قالىدۇ. قارىساق كودلار UNICODE دا بار، يەرلىك ئۆلچەمدىمۇ بار، بىراق كېڭەيتىلگەن رايوندىكى كودلار كىرىپ قالغان. مېنىڭچە بولغاندا بۇنداق تېكىستنى ئۆلچەملىك دېمەسلىك كېرەك.

بەزىلەر ئۇنداق بولسا بارلىق كېڭەيتىلگەن رايوننى قوشمىساقلا بولىدىكەنغۇ دېيىشى مۇمكىن، ئەسلى قوشمىساقمۇ بولۇۋېرىدۇ.كېڭەيتىلگەن رايون بولمىسىمۇ ئۇيغۇرچە ئۇچۇرلارنى تولۇق ئىپادىلىگىلى بولىدۇ(دىسكىدا ساقلىغىلى، ئىنتېرنېتتا ئەۋەتكىلى بولىدۇ)، بىراق توغرا ئوقۇغىلى بولمايدۇ. توغرا ئوقۇش ئۈچۈن يەنى بىرگە كۆرسىتىپ بېرىش ئۈچۈنلا كېڭەيتىلگەن رايوننى ئىشلىتىدۇ.

شۇنداق بولغاچقا، مەن كېڭەيتىلگەن رايوننى ئىشلەتكەن كىرگۈزگۈچلەر بار دېگەن گەپنى ئاڭلىغاندىن كېيىن چىقىرىۋېتەيلى دېدىم. ئەگەر كېڭەيتىلگەن رايوننى ئىشلەتكەن كىرگۈزگۈچنى توسۇپ قالالىساق، UNICODE قا خاتا كىرىپ قالغان 18 دانە ھەرپنى ساقلاپ قالساق زېيىنى يوق، بۇ 18 دانە ھەرپ تۇرسۇنجان ئەپەندىنىڭ ۋاقتىغىلا زىيان.
غەيرەت كەنجى

afrasiyab
يازمىلار: 30
تىزىملانغان ۋاقتى: سەيشەنبە ئىيۇن 19, 2007 10:18 am
ئالاقىلىشىش:

يازما يوللاش تەرىپىدىن يوللانغان afrasiyab » چارشەنبە دېكابىر 03, 2008 6:43 am

مېنىڭچە قوشما ھەرىپلەرنى پۈتۈنلەر چىقىرىۋېتىش كېرەك.شۇندىلا قالايمىقان كىرگۈزگۈچلەرنى توسۇپ قالغىلى بولىدۇ.بولمىسا يەنىلا ئۇلارغا يېشىل چىراق يېقىپ بەرگەن بولىمىز.يەككە ھەرىپلەر ئارقىلىق قوشما ھەرىپلەرنى ئىپادىلەش تامامەن مۈمكىن،ھەرقانداق شارائىتتا،پەقەت يۇنىكودنى قوللايدىغان سوفت بولسىل،مەن بۇ ھەقتە فوتوشوپتا قوش يۆنىلىشلىك يېزىشنى قوللىمايدىغان شارائىتتا سىناق قىلىپ تولۇق ئۈنۈم قازاندىم،باشقا دېتاللاردىمۇ سىناق قىلىۋاتىمەن.پات ئارىدا تورداشلار بىلەن يۈز كۆرىشىدۇ.ئالدىنقى شەرتى يۇنىكودنى قوللىشى كېرەك.بۇ ئۇسۇل ئارقىلىق ۋورد ۋە فوتوشوپتا سىناق مۇۋەپپىقىيەتلىك بولدى.قالغانلىرىنى تېخى سىنىمىدىم.ھەرپلەرنىڭ باش،ئوتتۇرا،ئاياق ۋە يالغۇز شەكىللىرىنى چىقىرىشتىن غەم قىلمىساقمۇ بولىدۇ.قوشما ھەرىپلەرنى ئىشلەتمەيمۇ،چىقىرىش تامامەن مۈمكىن.شۇڭا قوشما ھەرىپلەرنى چىقىرىپ تاشلايلى،يەنە قالايمىقانچىلىق كېلىپ يۈرمىسۇن.پەقەت لا نىڭ ئىككى خىل يېزىلىشىنى ساقلاپ قالساقلا كۇپايە.

Alpsoft
يازمىلار: 101
تىزىملانغان ۋاقتى: سەيشەنبە دېكابىر 18, 2007 3:27 pm
ئالاقىلىشىش:

يازما يوللاش تەرىپىدىن يوللانغان Alpsoft » چارشەنبە دېكابىر 03, 2008 6:53 am

شۇنداق 18 دانە قوشما ھەرپنى فونت ئىچىدە، بولۇپمۇ ھەممە فونت ئىچىدە بىر-بىرلەپ قۇراشتۇرۇپ ياساپ چىقىشقا توغرا كېلىدۇ، مەنمۇ مۇشۇ قوشما ھەرپلەرنى ياسايدىغان يەرگە كەلگەندە ئىش خوش ياقماي قالىدۇ.;P
ھازىرقى يېزىق كىرگۈزگۈچلىرىمىزنىڭ مۇتلەق كۆپ قىسمى ۋە فونتلىرىمىز ئاساسەن ئەرەبچە ئاساسىي رايوندىكى ھەرپلەردىن پايدىلىنىپ يېزىق كىرگۈزىلىدۇ، كېڭەيتىلگەن رايوندىكى ھەرپلەر پەقەت ئۇلاپ كۆرسىتىش ئۈچۈن پايدىلىنىدۇ، غەيرەت توختى كەنجى ئەپەندىمنىڭ تېخىمۇ ئىنچىكىلىك بىلەن چۈشەندۈرگىنىدەك بىز فونت ۋە يېزىق كىرگۈزگۈچتە پەقەت ئاساسىي رايوندىن ئايرىلماسلىقىمىز كېرەك.
مەن يېڭى فونتنى يەنە باشقىدىن ياساپ چىقىشىم كېرەك. يەنى، ھازىرقى ھەرپ شەكلى ۋە قۇرۇلمىسىنى ساقلاپ قالغان ئاساستا، Volt تىكى ئۇلىنىشلىرىغا ئازراق ئۆزگەرتىش كىرگۈزىمەن، ئاندىن 18 دانە قوشما ھەرپنى ساقلاپ قېلىپ بىر فونت قۇرۇلمىسىنى پۈتتۈرۈپ تورغا يوللاپ قوياي، بۇ سىناق نۇسخىسىدىن يەنە ئىزدىنىپ كۆرسەك ياخشى بولغۇدەك، بۇ تېمىنىڭ 5.6 بەتلىرىدە 18 دانە قوشما ھەرپ توغرىسىدا خېلى ياخشى پىكىرلەر بولۇندى، مەن ھازىرقى مۇشۇ پىكىرلەرگە ئاساسلىنىپ ئاۋۋال 18 دانە قوشما ھەرپنىمۇ ئۆز ئىچىگە ئالغان ھالدا، ھازىرغىچە بايقالغان سىناق نەتىجىلىرىدىكى ئىنكاسلارغا ئاساسەن سىناق خەت نۇسخىسىنى يەنە بىر يېڭىلاي. ئۇنىڭدىن كېيىن، يەنە يېڭىچە پىكىرلەر ۋە ئىنكاسلار بولسا، شۇنىڭغا قارىتا ئۆزگەرتىش ئېلىپ بارسام بولىدۇ، ئەڭ ئاخىرقى ھېسابتا يەنىلا ئاۋامغا لايىق فونت ياساپ چىقىش.
ئويغان ئەپەندىم، مۇنداق بىر تەكلىپنى ئوتتۇرىغا قويۇپتۇ، يەنى بۇ قېتىم يېڭى ئۆزگەرتىلگەن فونتقا باشقا نام بېرەمدۇق ياكى ھازىر ئاتاپ تۇرغىنىمىزدەك UKIJ Tuz Tom Yengi دەپ ئالامدۇق، دېگەن مەسىلىدە، مېنىڭ قارىشىم، ئاۋۋال ھازىرقى تەلەپلەرگە ۋە ئۆلچەملەرگە ئۇيغۇن كېلىدىغان بىر ئانا فونت قۇرۇلمىسىنى ياساپ چىقىۋالايلى، بۇ سىناق خەت نۇسخىسىغا بولغان سىناق باسقۇچلىرىمىزمۇ ئاخىرلىشىپ، خەت نۇسخىسى بېكىتىلگەندىن كېيىن، بۇنى قانداق دەپ ئاتاش توغرىسىدا ئاندىن مەن ئۆزۈمنىڭ ئويلىغانلىرىنى ئوتتۇرىغا قويۇپ، كۆپچىلىك بىلەن بار مەسلىھەت قىلىشساق دەپ ئويلايمەن.

m.erdem
يازمىلار: 17
تىزىملانغان ۋاقتى: پەيشەنبە ئاۋغۇست 30, 2007 3:55 am
ئالاقىلىشىش:

يازما يوللاش تەرىپىدىن يوللانغان m.erdem » چارشەنبە دېكابىر 03, 2008 9:12 am

سالام قېرىنداشلار،

يەنە بىر مەسىلىنى ئويلاپ قالدىم، ئەگەر رايونىمىزدا ياسالغان فونتلارغا قوشما ھەرپلەرنى ئىشلەتمەي، باشقىلارنىڭ ئۆلچەمسىز كىرگۈزگۈچ ياسىشىنىڭ ئالدىنى ئالىمىز دېسەك، ئۇنداقتا ياسىغۇسى كەلگەنلەر MS Uighur نى ئىشلىتىپ ياسىشىمۇ مۇمكىن، بۇندىن كېيىن MS Uighur نىڭ ئومۇملىشىشى رايونىمىزدا ياسالغان فونتتىن تېز بولۇدۇ(سىستېما بىلەن بىللە تارقىلىدۇ). ھەم بۇ ئەھۋاللارنى بىلمەيدىغان كىشىلەر(باشقا مىللەت كىشىلىرى) فونت ياسىغاندا يەنىلا UNICODE جەدۋېلىدىكىى ئۆلچەم بويىچە ياسىشى ئېنىق.
ئەگەرUNICODE جەدۋېلىدىكى قوشما ھەرپلەر كىرگۈزۈلمەي ياسالسا، ئاشۇ ھەرپلەرگە ئېھتىياجلىق كىشىلەر «قولايلىق»نى كۆزدە تۇتۇپ، UNICODE ئۆلچىمىدە بولغاندىكىن دەپ قاراپ، بولۇپمۇ بۇ قېتىملىق فونت تۈزىتىش ئىشلىرى ئۇنتۇلۇپ كېتكەندىن كېيىن، يەنە ئۆزلىرى «يېڭى» فونت ۋە كىرگۈزگۈچلەرنى ياساپ ئىشلىتىشى، بۇلار جەمئىيەتكە تارقىلىپ يەنە قالايمىقانچىلىق چىقىرىشى مۇمكىن.
شۇڭا بۇ مەسىلىنىمۇ نەزەرگە ئالغاندا ، بىز ئەندىشە قىلغان قالايمىقانچىلىقنى يەنە باشقا تەرەپتە تۇرۇپ ھەل قىلىشنىمۇ ئويلىشىپ قويساق.

[[i] بۇ يازمىنى ئاخىرقى قېتىم تەھرىرلىگۈچى: m.erdem ، ۋاقتى: 2008-12-3 15:51 [/i]]

Muhammad
يازمىلار: 7
تىزىملانغان ۋاقتى: جۈمە ئاپرىل 06, 2007 4:32 am
ئالاقىلىشىش:

يازما يوللاش تەرىپىدىن يوللانغان Muhammad » جۈمە دېكابىر 05, 2008 3:07 pm

ئەسسالامۇ ئەلەيكۇم،

مىنىڭ يۇقىرىدا ئوتتۇرىغا قويۇلغان بىر قانچە مەسىلىگە بولغان قاراشلىرىم تۆۋەندىكىدەك.

1. UNICODE نىڭ كېڭەيتىلگەن رايۇنىدىكى ھەمزىلىك قوشما ھەرپلەرنى (جەمئىي 18 ھەرپ) خەت نۇسقىسىغا قوشۇش-قوشماسلىق مەسىلىسى.

ئالدى بىلەن ئوچۇق ئېيتىشقا تېگىشلىك نۇقتا بۇ ھەرپلەرنىڭ بىر خەت نۇسقىسىغا كىرگۈزۈلۈش مەسىلىسى توغرا-خاتالىق مەسىلىسى ئەمەس، چۈنكى بۇ ھەرپلەر UNICODE ئۆلچىمىگە كىرگۈزۈلگەن، شۇڭا خاتا دېگىلى بولمايدۇ. ئاساسلىق مەسىلە ھازىرقى ئۇيغۇرچە تېكىستلارنى كىرگۈزۈش ۋە ئىشلىتىش ھالىتىدە بۇ ھەرپلەرنى قېتىش بىزگە پايدىلىقمۇ ياكى پايدىسىزمۇ دېگەن مەسىلە. مىنىڭ بۇ مەسىلىگە بولغان قارىشىم بۇ ھەرپلەرنى قوشۇش پايدىسز. مۇھىم سەۋەبلىرى تۆۋەندىكىدەك.

(1) ھازىر بىز ئىشلىتىۋاتقان ئاساسى رايۇن بويىچە كىرگۈزۈش شەكلىگە ماس كەلمەيدۇ. ھەممىمىزگە مەلۇم، ئۇيغۇر يېزىقىدا ھەمزە («ئ») ئايرىم ھەرپ بولۇپ كەلمەيدۇ. ئەمما ھەرخىل سەۋەبلەر تۈپەيلىدىن ئۇيغۇر تىلىدىكى سوزۇق تاۋۇشلارنى كومپيۇتېردا يېزىش ۋە بىر تەرەپ قىلىشتا بىز ھەمزىنى خۇددى ئايرىم بىر ھەرپ شەكلىدە ئىشلىتىپ كىلىۋاتىمىز. مەن شەخسەن «ئا، ئە، ...» قاتارلىق سوزۇق تاۋۇشلارغا ئاساسى رايۇندىن ھەمزىلىك شەكلى بويىچە ئورۇن بېرىلگەن بويىچە ياخشى بولاتتى دېگەن ئويدا ئىدىم. 2003-يىلىنىڭ ئاخىرىدا JavaScript بىلەن تۈزگەن كېڭەيتىلگەن رايۇن بويىچە كىرگۈزۈش پروگراممىسىدا ئىمكان قەدەر ھەمزىلىك شەكىلنى بىرلا ھەرپ قىلىپ ئىشلەتكەن. ئەمما مەيلى ئۇيغۇرچە سوزۇق تاۋۇشلارنىڭ ھەمزىلىك شەكلى بىلەن ئاساسى رايۇنغا كىرگۈزۈلمىگەنلىكى سەۋەبتىن بولسۇن، ياكى بۇ خىل ئايرىم ئىشلىتىش ئومۇملىشىپ بولغان سەۋەبىدىن بولسۇن ھەمزىلىك ھەرپلەرنى «ئ» + «سوزۇق تاۋۇش» شەكلىدە بىر تەرەپ قىلىش ئومۇملاشتى، ھەم بۇنىڭدىن كىيىن ئۆزگىرىشى ناتايىن. كېڭەيتىلگەن رايۇندا ئىشلىتىشمۇ ئاساسى رايۇندىكى ئىشلىتىش شەكلىگە ماس كېلىشى كېرەك (بۇنىڭ ئۈچۈن تۆۋەندىكى نۇقتىلارغا قاراڭ).

(2) كېڭەيتىلگەن رايۇندىكى تېكىستلەرنىڭ ئىپادىلىنىش شەكللىرىنى ئاشۇرىدۇ. ئاساسى رايۇندىكى ئىشلىتىش ئۇسۇلىغا ماس كەلمىگەن ھالدا قوشما ھەرپلەرنى كېڭەيتىلگەن رايۇندا قوللىنىش كۆرۈنىشى ئوخشاش بولغان تېكىستلەر كېڭەيتىلگەن رايۇندا ئوخشاش بولمىغان كودلار بىلەن ئىپادىلىشىگە پۇرسەت يارىتىپ بېرىدۇ. گەرچە كېڭەيتىلگەن رايۇننى تېكىست ئۇچۇرلىرىغا قوللانماسلىق تەۋسىيە قىلىنىۋاتقان بولسىمۇ بۇ خىل ئىشلىتىش ئۇسۇلى يەنە داۋاملىق مەۋجۇد. ئوخشاش بىر سۆزنى ھەرخىل كودلار بىلەن ئىپادىلەش بىزگە پايدىسىز.

يۇقىرىقى نۇقتىلارنى ئويلاشقاندا بۇ خىل مەسىلىلەرنىڭ ئالدىنى ئېلىش ۋە شارائىت يارىتىپ بەرمەسلىك ئۈچۈن بۇ ھەرپلەرنى قوشماسلىق كېرەك دەپ ئويلايمەن.

2. UNICODE قا كىرگۈزۈلمىگەن «ئى» ۋە «ئې» ھەرپلىرىنىڭ ھەمزىلىك قوشما شەكلىلىرى توغرىسىدا

بۇ ھەرپلەرنى قوشماسلىق كېرەك دەپ قارايمەن. بىرىنچىدىن UNICODE ئۆلچىمىگە كىرگۈزۈلمىگەن، ئىككىنچىدىن يۇقىرىدا بايان قىلىنغان مەسىلىلەر بۇ ھەرپلەرگىمۇ ماس كىلىدۇ.

3. كېڭەيتىلگەن رايۇننى ئىشلىتىش-ئىشلەتمەسلىك

بۇ جەھەتتىن مىنىڭچە ھەممەيلەننىڭ كۆز-قارىشى ئېنىق. UNICODE نىڭ ئاساسى رايۇنىدىكى ئۇيغۇرچە تېكىستلەرنى قوللىمايدىغان سۈرەت بىر تەرەپ قىلىش، Flash, PDF قاتارلىق ئاز بىر قىسىم مۇھىتلاردا ئۇيغۇرچە تېكىستنى نورمال كۆرسۈتۈش ئۈچۈن كېڭەيتىلگەن رايۇننى ئىشلەتكەندىن سىرت باشقا بارلىق جايلاردا ئاساسى رايۇننى ئىشلىتىش. لېكىن خەت نۇسقىسىدا قانداقلا بولمىسۇن بولمىسۇن كېڭەيتىلگەن رايۇندىكى ھەرپلەر بولىشى كېرەك، چۈنكى ئاساسى رايۇندىكى تېكىستنىمۇ سىستېما ئىچكى قىسىمدا كېڭەيتىلگەن رايۇندىكى ھەرپلەر بىلەن كۆرسىتىدۇ، ئەمما بارلىق تېكىست ساقلاش، كۆچۈرۈش، ئىزدەش... قاتارلىق ئىشلار ئاساسى رايۇن بويىچە بولىدۇ.

سالام بىلەن،

مۇھەممەد ئابدۇللا

Oyghan
يازمىلار: 139
تىزىملانغان ۋاقتى: دۈيشەنبە ئاپرىل 02, 2007 6:48 am
ئالاقىلىشىش:

يازما يوللاش تەرىپىدىن يوللانغان Oyghan » دۈيشەنبە دېكابىر 08, 2008 5:12 pm

ئەسسالامۇ ئەلەيكۇم،

فونت تۈزەش ئىشلىرىنىڭ [url]http://www.ukij.org/munber/viewthread.php?tid=446[/url] دىكى قارارغا ئاساسەن داۋاملىشىشىنى ئۈمىد قىلىمەن...

Alpsoft
يازمىلار: 101
تىزىملانغان ۋاقتى: سەيشەنبە دېكابىر 18, 2007 3:27 pm
ئالاقىلىشىش:

يازما يوللاش تەرىپىدىن يوللانغان Alpsoft » جۈمە دېكابىر 12, 2008 9:17 am

ھەممىڭىزلارنىڭ قۇربان ھېيت بايرىمىڭىزلارغا مۇبارەك بولسۇن!
ھېيت مۇناسىۋىتى بىلەن فونت ياساش ئىشلىرىمۇ بىر نەچچە كۈن كېچىكىپ قالدى. مەن [url]http://www.ukij.org/munber/viewthread.php?tid=446[/url] دىكى ئۇقتۇرۇشلارغا ئاساسەن فونتنى ياساپ قويدۇم، ئەتە مۇشۇ تېما ئاستىغا چۈشۈرۈش ئۇلىنىشىنى تەمىنلەپ قويىمەن، سىناپ ۋە تەكشۈرۈپ كۆرۈشىڭلارنى ئۈمىد قىلىمەن.

majeed
يازمىلار: 67
تىزىملانغان ۋاقتى: چارشەنبە ماي 23, 2007 5:50 am
ئالاقىلىشىش:

يازما يوللاش تەرىپىدىن يوللانغان majeed » شەنبە دېكابىر 13, 2008 4:59 am

ئۇيغۇرچە بۇ فونتلارنى مەن cs3 photoshop ۋە Ulead video studio 10 دا سىناپ باققان ئىدىم
بۇنىڭ بىرى سۈرەت بىر تەرەپ قىلىش قۇرالى بولسا ، يەنە بىرى سىن ھۆججەتلىرىنى تەھرىرلەش قۇرالى .
فوتوشوپتا مۇنداق خاتالىق كۆرۈلۈۋالدى:
يەنى [size=6]لا [/size]ھەرىپى ئۇلانمىدى:
[img]http://p13.freep.cn/p.aspx?u=v20_p13_p_0812131238396943_0.jpg[/img]
مەن ئەلكاتىم ۋە يۇلغۇن ئارقىلىق ئۇيغۇرچە «لا»ھەرىپى بار سۆزلەرنى چاپلاپ سىناپ باقتىم.
لا ھەرىپى خاتا چىقىۋالدى.
ئۇندىن كېيىن 绘声绘友 دا يەنى Ulead video studio 10 سىنىسام ئۇيغۇرچە ھەرىپلەر قەتئى چىقماي ؟؟؟ بەلگىسى چىقىۋالدى.
رەسىمدىكىدەك:
[img]http://p13.freep.cn/p.aspx?u=v20_p13_p_0812131257482018_0.jpg[/img]

بۇنى قانداق ئوڭشاش كىرەك؟

Alpsoft
يازمىلار: 101
تىزىملانغان ۋاقتى: سەيشەنبە دېكابىر 18, 2007 3:27 pm
ئالاقىلىشىش:

يازما يوللاش تەرىپىدىن يوللانغان Alpsoft » دۈيشەنبە دېكابىر 15, 2008 4:59 am

[color=RoyalBlue][size=5]سىناق خەت نۇسخىسىنىڭ يېڭىلانغان نۇسخىسىنى چۈشۈرۈڭ!

[url]Http://www.alpsoft.cn/fonts/ukijtut1215.ttf[/url][/size][/color]

[[i] بۇ يازمىنى ئاخىرقى قېتىم تەھرىرلىگۈچى: Alpsoft ، ۋاقتى: 2008-12-15 13:20 [/i]]

[[i] بۇ يازمىنى ئاخىرقى قېتىم تەھرىرلىگۈچى: Alpsoft ، ۋاقتى: 2008-12-15 13:35 [/i]]

ئىنكاس يوللاش
[phpBB Debug] PHP Warning: in file [ROOT]/vendor/twig/twig/lib/Twig/Extension/Core.php on line 1275: count(): Parameter must be an array or an object that implements Countable

گە قايتىش

توردىكى ئەزالار

مۇنبەردىكى ئەزالار: 2 ۋە 0 مېھمانلار