جەمئىي4 بەتنىڭ 1 - سى

Google-Linux-Ubuntu نىڭ ئۇيغۇرچىسى

يېزىلغان: چارشەنبە ئىيۇل 28, 2010 4:38 am
تەرىپىدىن يوللانغان Eagle
Google - گۇگىل
(بۇرۇن بىلىك كۇلۇبىدىكى مۇزاكىرىدە مۇشۇنداق بىرلىككە كېلىنگەن. ھەم ھازىر توردىن ئىزدەپ كۆرسەممۇ، غەرپلىكلەر مۇشۇنىڭغا يېقىن تەلەپپۇز قىلىدىكەن.)

Linux - لىنۇكس
بۇ ئاتالغۇنىڭ ئامېرىكا ئىنگىلىز تىلىدىكى تەلەپپۇزى لىنەكس، ياۋروپا ۋە كانادادىكى تەلەپپۇزى لىنۇكس ئىكەن. u نى ئۇيغۇرچە ئۇ دەپ تەلەپپۇز قىلىشنى ئويلاشقاندا، ياۋروپا ۋە كانادا تەلەپپۇزى بويىچە لىنۇكس دەپ ئېلىشنى تەۋسىيە قىلىمەن. (بۇ نەرسە ھەم ياۋروپانىڭ ئىجادىيىتى.)

Ubuntu
بۇ ئاتالغۇنى بەزى ئۇيغۇرلار يۇبۇنتۇ، يۇبانتۇ، ئۇبانتۇ دەپمۇ ئېلىپ كېلىۋاتىدۇ. ۋىكىپېدىيەدە ئۆلچەملىك تەلەپپۇزىنى ئۇبۇنتۇ دەپ كۆرسىتىپتۇ. شۇڭا شۇ بويىچە ئالساق.

خۇلاسە قىلغاندا، بۇ ئاتالغۇلارنىڭ ئۇيغۇرچە يېزىلىشى ۋە ئوقۇلۇشى:
گۇگىل، لىنۇكس، ئۇبۇنتۇ

ئوخشىمايدىغان قاراشلار بولسا، بىرلىكتە مۇزاكىرە قىلىپ، بىرلىككە كەلسەك بولىدۇ.

يېزىلغان: چارشەنبە ئىيۇل 28, 2010 7:04 am
تەرىپىدىن يوللانغان Bidar-Qutlan
مەن گوگلې، لىنۇكس، ئۇبۇنتۇ دەپالا ئوقۇپ كىلىۋىدىم. گۇگىلدىن باشقىلىرىنى ئۆلچەملىك ئوقۇغان ئوخشايمەن.

يېزىلغان: چارشەنبە ئىيۇل 28, 2010 7:24 am
تەرىپىدىن يوللانغان Intil
مەن قوبۇل كۆردۈم.

يېزىلغان: چارشەنبە ئىيۇل 28, 2010 10:02 am
تەرىپىدىن يوللانغان Eagle
Bluetooth - 蓝牙 - كۆكچىش
مۇشۇ مۇنبەردىكى يېقىنقى مۇناسىۋەتلىك مۇزاكىرىلەرگە ئاساسەن، «كۆكچىش» دەپ ئېلىشنى مۇۋاپىق كۆردۇق.

Wikipedia - 维基百科
ئىنگىلىزچىسىنىڭ تەلەپپۇزى «ۋىكىپېدىيە» بولۇپ، ناۋادا بۇنىڭغا ئۇيغۇرچە سۆز ياساپ ياكى تەرجىمە قىلىشنى ئويلاشساق، «ۋىكىقامۇس» دەپ ئېلىش تەكلىپىنى بېرىمەن. (مۇشۇنداق ئىشلىتىلگەنلىكىنىمۇ ئۇيغۇر تورلىرىدا كۆرگىنىم ئېسىمدە.)

Chrome
بۇ گۇگىل تور كۆرگۈنىڭ نامى بولۇپ، بۇرۇن بىلىك كۇلۇبىدا مۇزاكىرە قىلىپ، «كروم» دەپ ئېلىشتا بىرلىككە كەلگەن ئىدۇق.

Firefox
ئالدىنقى مۇناسىۋەتلىك تېمىدا، بىدار ئاكىمىز «ئۈچ بۇلۇڭ» بىلەن «ئۈچبۇلۇڭ» نىڭ پەرقىنى چۈشەندۈردى. شۇنىڭغا ئاساسەن Bluetooth - 蓝牙 نى «كۆكچىش» دەپ ئالغان ئىدۇق. بۇ يەردە fire (ئوت) بىلەن fox (تۈلكە) نى ئايرىۋېتىپ fire fox دەپ يازماي، جۈپلەپ، firefox دەپ يېزىپتۇ. ئۇنداقتا بىزمۇ «ئوت تۈلكە» دەپ ئالماي، «ئوتتۈلكە» دەپ ئالامدۇق؟

ئوخشىمايدىغان قاراشلار بولسا، بىرلىكتە مۇزاكىرە قىلىپ، بىرلىككە كەلسەك بولىدۇ.

يېزىلغان: چارشەنبە ئىيۇل 28, 2010 10:09 am
تەرىپىدىن يوللانغان Eagle
بەزى ئاتالغۇلارنى مۇشۇنداق توپلاپ، ئېنىق بولمىغانلىرى ھەققىدە مۇزاكىرە قىلىپ، بىرلىككە كېلىپ، «ئۇ ك ئى ج نىڭ قارارى» ياكى شۇنىڭدەك بىر نامدا قەرەللىك PDF ھۆججىتى بولسىمۇ ياساپ تارقىتىپ،قېرىنداشلىرىمىزغا سۇنۇپ، تەشۋىق قىلىپ، بۇنىڭدەك ئاتالغۇلارنىڭ تېزرەك بىرلىككە كېلىشىگە ۋە ئومۇملىشىشىغا يول ئاچساق دەپ ئويلايمەن.

كۆپچىلىك يۇقۇرقىدەك ئېلىشقا پىكرى بولسا، پىكىرلىرىنى ئوتتۇرىغا قويسا، ياكى يېڭىدىن ئۇچرىغان ئاتالغۇلار بولسىمۇ بۇ يەردە ئوتتۇرىغا قويسا. ھەممىمىز بىرلىكتە مۇزاكىرە قىلىپ، توغرىسىنى بېكىتىپ، تەشۋىق قىلىپ، ئومۇملاشتۇرۇشقا كۈچىسەك.

[[i] بۇ يازمىنى ئاخىرقى قېتىم تەھرىرلىگۈچى: Eagle ، ۋاقتى: 2010-7-28 17:58 [/i]]

يېزىلغان: چارشەنبە ئىيۇل 28, 2010 11:10 am
تەرىپىدىن يوللانغان Intil
«ئۇ.ك.ئى.ج » دەپ يازساق خاتا بولىدۇ . يېزىقىمىزدا قىسقارتىلغان خەت ئارىسىغا چېكىت قويمايمىز بوشلۇق بىلەن ئايرىساقلا كۇپايە.

يېزىلغان: چارشەنبە ئىيۇل 28, 2010 11:13 am
تەرىپىدىن يوللانغان Intil
Firefox نى قىزىل تۈلكە دېسەكچۇ؟

يېزىلغان: چارشەنبە ئىيۇل 28, 2010 11:42 am
تەرىپىدىن يوللانغان Eagle
[quote]ئەسلى يوللىغۇچى: [i]Intil[/i] ، ۋاقتى: 2010-7-28 17:13 [url=http://www.ukij.org/munber/redirect.php?goto=findpost&pid=3017&ptid=581][img]http://www.ukij.org/munber/images/common/back.gif[/img][/url]

Firefox نى قىزىل تۈلكە دېسەكچۇ؟ [/quote]

1- ئەسلى مەنبەدە «قىزىل» دىگەن گەپ يوق، شۇڭا مەنبەسىدىن چەتنەپ كېتىپ قالغان بولىسىز.

2- باشقا ھەر قانداق نامنى قوللانسىڭىزمۇ، ئۇنى ئۇيغۇرلار ئارىسىدا ئومۇملاشتۇرۇپ بولالمايسىز. بۇ ھەقتە، يەنە بىر تېمىدا، «كۆكچىش» ھەققىدە، بىدار-قۇتلان ئاكام بىلەن خېلە كۆپ دەتالاش قىلىشقان ئىدۇق.

ئۇيغۇرلارغا تور ئارقىلىقلا بىر نەرسىنى ئومۇملاشتۇرىمەن دېيىش ئۇخلىماي چۈش كۆرگەندەك بىر ئىش ئىكەن. بۇنى ئۇ ل ي نىڭ 10 نەچچە يىللىق تەشۋىقات ۋە ئومۇملىشىش ئەھۋالى ناھايىتى ياخشى ئىسپاتلاپ بېرىدۇ.

كود جەھەتتە بىرلىككە كېلىنىپ، بۇ ھەقتە ئاپتونۇم رايۇن ۋە دۆلەتنىڭ مۇناسىۋەتلىك ئۆلچەملىرىمۇ ئېلان قىلىندى. توردىمۇ توختىماي تەشۋىق قىلىندى. لېكىن ھازىرمۇ basbas.cn تورى ئۆلچەمسىز كود ئىشلىتىۋېتىپتۇ.
تېخى ئۇلارنىڭ «新疆最大的维吾尔门户网-BASBAS.CN» دەۋېلىشى ئادەمنىڭ غىدىقىنى قوزغايدۇ.

ئەھۋالىمىز مانا مۇشۇنداق. ئەسلى ئۆلچەملىكنى ئومۇملاشتۇرۇشتا ئەھۋالىمىز مۇشۇنچىلىك بولغاندىكىن، باشقا غەيرىلىرىنى، مەسىلەن قىزىل تۈلكە ئاتالغۇسىنى، ئۇيغۇرلار ئارىسىدا مەڭگۈ ئومۇملاشتۇرغىلى بولمايدۇ. شۇڭا يەنىلا ئەسلى مەنبەسىدىن چەتنەپ كەتمەيلى.

ناۋادا بىزنىڭ تەشۋىقاتىمىزنى كۆرمىگەن باشقا ئۇيغۇرلار بولسىمۇ، Firefox نى دەماللىققا ئۇيغۇرچە ئاتىماقچى بولسا، ئاغزىغا كېلىدىغان 1-ئۇيغۇرچە سۆز بولسا ئەسلى مەنبەسىنىڭ بىۋاستە تەرجىمىسى «ئوت تۈلكە» ياكى «ئوتتۈلكە» بولۇش ئېھتىماللىقى يەنىلا يۇقۇرى.

شۇڭا تەشۋىقاتنى كۆرگەنلەر «قىزىل تۈلكە» دىسە، كۆرمىگەنلەر «ئوت تۈلكە» دىسە، بۇنىڭلىق بىلەن بۇ ئاتالغۇنى مەڭگۈ ئومۇملاشتۇرۇپ بولالمايمىز. بۇ مېنىڭ شەخسىي قارىشىم.

يېزىلغان: چارشەنبە ئىيۇل 28, 2010 11:47 am
تەرىپىدىن يوللانغان Eagle
basbas.cn تورى باش بېتىنىڭ مېنىڭ كومپيۇتېرىمدىكى كۆرۈنىشى:

[img]http://i465.photobucket.com/albums/rr17/burkut/basbas.png[/img]

يېزىلغان: چارشەنبە ئىيۇل 28, 2010 11:56 am
تەرىپىدىن يوللانغان Eagle
بىزدە «خېرىدار مال تونۇمىسا، داڭلىق ھۈنەرۋەن ئاچ قاپتۇ» دىگەندەك بىر ماقال-تەمسىل بار ئىدى. بىزنىڭ تور زىيارەتچىلىرىمىزنىڭ تىل-يېزىق، ئۆزلۈك ساپاسى بەكمۇ تۆۋەن بولغاچقا، يۇقۇرقى باسباس تورى ۋە ئۇ تورغا ئېلان بەرگەن يېڭى ئۇلىنىش تورى ulunix.com بازار تېپىپ كېتىپ، كېچە-كۈندۈز ئۇيغۇرلارنىڭ غېمىنى يەيدىغان ئۇ ك ئى ج تورى غېرىپسىنىپ قالىدىكەن.