[يېڭى] UKIJ Tuz نى سىناپ پىكىر بېرىڭ

Oyghan
يازمىلار: 139
تىزىملانغان ۋاقتى: دۈيشەنبە ئاپرىل 02, 2007 6:48 am
ئالاقىلىشىش:

يازما يوللاش تەرىپىدىن يوللانغان Oyghan » چارشەنبە يانۋار 07, 2009 10:05 pm

ئەسسالامۇ ئەلەيكۇم،

كۆپچىلىكنىڭ سىناش پىكىرلىرىگە كۆپ رەھمەت.

afrasiyab ئەپەندىم: قارىغاندا سىز فونتنى FCP بىلەن ئاچقان ئوخشايسىز، شۇڭا بەزى ھەرپلەر «سىرلىق» كۆرۈنگەن بولۇشى مۇمكىن. Font Lab، Font Monger, Fontographer لار بىلەن ئاچسىڭىز ھەر بىر ھەرپنىڭ كودى ئايرىم كۆرۈنىدۇ. قايسى تەرتىپ بويىچە كۆرسىتىش سىز ئىشلەتكەن يۇمشاق دېتالغا باغلىق. باشقا تەكلىپلىرىڭىزنى ئويلىشىپ كۆرەي.

[url]http://ouigour.free.fr/fonts/UKIJTuzYengi.ttf[/url] دىكى فونت يەنە يېڭىلاندى، بۇ قېتىمقى يېڭىلىقلار:

1. ياپما قوش تىرناق(») كۆرۈنمەسلىك مەسىلىسى تۈزىتىلدى.
2. سوزۇق تاۋۇشلارنىڭ ھەمزىسىنى كىرگۈزگەندە دەسلەپتە «[font=Tahoma]ﺉ[/font]» چىقىۋېلىش مەسىلىسى تۈزىتىلدى. بۇ مەسىلە «[font=Tahoma]ﺉ[/font]» ھەرپىنىڭ ئاخىر ۋە يالغۇز شەكللىرىنى ئۆز پېتىچە ساقلاپ قالغان ئاساستا Unicode قا 100% ھۆرمەت قىلغان ئاساستا ھەل قىلىندى(يەنى ئۇلارنىڭ ئورنىغا بۇرۇنقىدەك باش ۋە ئوتتۇرا شەكىللىرى قويۇۋېتىلمىدى). شۇ بويىچە بولغاندا «ئا، ئە، ئو، ئۇ، ئۆ، ئۈ، ئې، ئى» لارنى كىرگۈزگەندە دەسلەپ «ئ» چىقىدۇ، «[font=Tahoma]ﺉ[/font]» چىقىۋېلىپ «خاتالىق يۈز بېرىۋاتقاندەك» ھالەتتە كۆرۈنمەيدۇ.

باشقا مەسىلىلەرنى تەكشۈرۈۋاتىمەن، پىكىرلەر توغرىلىق داۋاملىق ئويلىشىۋاتىمەن.



majeed
يازمىلار: 67
تىزىملانغان ۋاقتى: چارشەنبە ماي 23, 2007 5:50 am
ئالاقىلىشىش:

يازما يوللاش تەرىپىدىن يوللانغان majeed » پەيشەنبە يانۋار 08, 2009 5:47 am

[quote]ئەسلى يوللىغۇچى: [i]Oyghan[/i] ، ۋاقتى: 2009-1-7 15:26 [url=http://www.ukij.org/munber/redirect.php?goto=findpost&pid=2186&ptid=455][img]http://www.ukij.org/munber/images/common/back.gif[/img][/url]
Ää لەر ULY دا يوق ھەرپلەر بولغاچقا ئۇلار قوشۇلمايدۇ. بۇ ساپ ... [/quote]
Ää ھەرىپى قوشۇپ قويۇلسا دىگەن پىكىرنى بىرىمەن.
چۈنكى ھازىر «تۈركى مىللەتلەر ئورتاق يېزىقى» بارلىققا كەلدى ۋە ئۇنىڭدا Ää ھەرىپى قاتارلىق بەزى ھەرىپلەر بار. ( تەپسىلاتىنى مۇنۇ ئۇلانمىدىن كۆرۈڭ: [url]http://www.turkcesivarken.com/yazismalik/index.php?topic=475.0[/url]
)
دىمەك بىزمۇ تۈركى مىللەت بولۇشىمىز سەۋەپلىك كەلگۈسىدە بۇ ھەرىپلەرنى ئىشلىتىپ قېلىشىمىز ۋە ھازىرقى ئەرەپ يېزىقىمىز بىلەن بىرگە يېزىشىمىز مۈمكىن، بۇنداق بولغاندا Ää قاتارلىق بەزى ھەرىپلەر بىلەن ئەرەپ يېزىقىمىز ئوتتۇرسىدا رازمىر جەھەتتىن پەرقلىق بولۇپ قېلىپ، سەت چىقىپ قېلىشى مۈمكىن.
شۇڭا بولسا مۇنۇ «ئورتاق تۈرك يېزىقى» بولغان34 ھەرىپنى قوشۇپ قويساڭلار.
[size=5][color=Blue]A B C Ç D E F G Ğ H I İ J K L M N O Ö P R S Ş T U Ü V Y Z Ñ É Q W X - (Â Î Û)
a b c ç d e f g ğ h ı i j k l m n o ö p r s ş t u ü v y z ñ é q w x - (â î û)
[/color][/size]
ئۇندىن باشقا بىلىك مۇنبىرىدە تەكلىماكان ئەپەندىم مۇنداق پىكىر بېرىپتۇ :
ېنىڭچە يەنە بىر مەسلە بار. يەنى چېكىت، پەش، سۇئال قاتارلىق تېنىش بەلگىلىرىمۇ ئۇيغۇرچە فونت ئىچىدە قايتا ياسىلىپ، ئۇيغۇرچە ھەرپ- بەلگىلەرنىڭ كود جەدۋىلىدىن ئورۇن ئېلىشى كېرەك. مەن سىز چۈشەندۈرگەن مۇرەككەپ يۇنىكود بەلگە جەدۋەللىرىنى چۈشەنمەيمەن. ئەمما... مەن قارىسام سۇئال بەلگىسى «؟» دىن باشقا تېنىش بەلگىلىرى قايتا ياسالماپتۇ. مەسلەن: چېكىت
تۆۋەندىكى رەسىمگە قارايلى:

[img]http://i3.6.cn/cvbnm/a0/fd/ec/5bce07e84daa63f03a52cbcd357d835f.jpg[/img]
رەسىم blogger.com نىڭ ئارقىدىكى يازما يېزىش ئورنى.
مەن خەتلەرنىڭ ھەممىنى تولۇق ئوڭغا توغىرلىساممۇ چېكىت ئورۇن ئالمىشىپ كېتىدۇ. بۇنىڭغا پۈتۈن مەزمۇننىڭ يۆلىنىش بەلگىلەش كودى rtl نى پۈتۈن تور بەتنىڭ css ھۆججىتىگە قوشقاندىن كېيىن، ئاندىن چېكىت ئۆز ئورنىنى تاپىدۇ. مەن بۇ چېكىتنى UKIJ Tuz Tom خەت نۇسخىغا توغىرلاپ تۇرۇپ، ئۇيغۇرچە كىرگۈزگۈچتە يازغان.
يۇقارقىلار شۇنى ئىسپاتلايدۇكى ئۇيغۇرچە چېكىتكە ئوخشاش بەلگىلەر ياسالماي ئېنگلىزچە بەلگە بىۋاستىلا كىرگۈزۈلگەن. ئۇيغۇرچە چېكىت بىلەن ئېنگلىزچە چېكىتنىڭ ھىچقانداق پەرقى يوق. قارىماققا ھىچقەيەردىن چانمايدۇ. ئەمما قانداق مەسلە كېلىپ چىقىشى مۇمكىن:
بۇنداق بولغاندا ئۇيغۇرچە جۈملىگە قويۇلغان چېكىت تور بەت يۈزىدە مەنبە جەھەتتىن چېكىت ھالەتتە بولماي بەلكى ئۇيغۇرچە خەتلەر ئارىسىغا قىستۇرۇلۇپ rtl كودى ئارقىلىق ئورنى مۇقىملانغان لاتىنچە ھەرپكە ئوخشايدۇ.
NotePad ۋە ئاۋۇ blogger.com غا ئوخشاش ئورۇندا پۈتۈنلەي ئۇيغۇرچە خەت نۇسخىغا توغىرلاپ يازسىمۇ يەنىلا بۇنىڭغا rtl كودىنى قوشقىلى بولمىغان ئەھۋالدا چېكىت بۇرۇنقى جايىغا كېتىدۇ. ئۇيغۇرچە جۈملىگە بويسۇنمايدۇ.
شۇڭلاشقا چېكىت ۋە باشقا تىنىش بەلگىلىرىگىمۇ ئۇيغۇر يېزىقىغا لايىقلاشتۇرۇلۇپ، ئۇيغۇرچە ھەرپلەرنىڭ كود جەدۋىلىدىن ئورۇن بېرىش كېرەكمىكى....
بەلكىم دىگىنىم خاتادۇر. (تېخنىكىلىق مۇھىم سۆزلەردە خاتا دەپ قويغان بولسام ئەپۇ قىلغايسىلەر.) رەھمەت.

Oyghan
يازمىلار: 139
تىزىملانغان ۋاقتى: دۈيشەنبە ئاپرىل 02, 2007 6:48 am
ئالاقىلىشىش:

يازما يوللاش تەرىپىدىن يوللانغان Oyghan » پەيشەنبە يانۋار 08, 2009 11:14 am

ئۇيغۇر كومپيۇتېرچىلىقى ئۆلچەمسىزلىكنىڭ دەردىنى كۆپ تارتقان بولغاچقا كۆپچىلىكنىڭ ئۆلچەمگە بولغان تەلەپنى بۇ قېتىم قاتتىق قويۇش ھېسىياتىنى تولۇق چۈشىنىمەن.

بۇ فونتتا قازاقچە، قىرغىزچە، ئەرەبچە، پارىسچە ... قاتارلىق ئەرەب يېزىقى ئاساسىدىكى ئېلىپبە ئىشلىتىدىغان مىللەتلەرنىڭ ھەرپلىرى بولمىغان ياكى تولۇق بولمىغاچقا 2002 يىلىمۇ «ساپ ئۇيغۇرچە فونت» دەپ ئاتالغان. ئۇ فونتقا كېيىنچە ئاپتوماتىك شەكىل تاللاش ئىقتىدارلىرى قوشۇلغاندىن كېيىن، 2004-يىلى UKIJ Tuz دېگەن نام بىلەن [url]http://www.ukij.org/fotns[/url] تا تارقىتىلغان. شۇ چاغدىمۇ قازاقچە، قىرغىزچە، ئەرەبچە، پارىسچە ... ھەرپلەر يوق ئىدى(بۇ قېتىم شۇنى ئاساس قىلىپ ئازراق ئۆزگەرتىش كىرگۈزۈلۈپ تۈزىتىلگەن). 2006-يىلى بۇ فونت تۈزىتىلگەندە ئۇيغۇرچە ھەرپلەردىن باشقا ھەرپلەرمۇ قوشۇلغانىدى(بەزى تەپسىلاتلار توغرىلىق كۆپ توختالماي). ئەمما فونتتىكى ئۇيغۇرچىدىن باشقا تىللار ئىشلىتىدىغان ھەرپلەر ئىچىدە ئۇيغۇرچىغا ئوخشىشىپ كېتىدىغانلىرى بولغاچقا بىر قىسىم كومپيۇتېرشۇناسلار زادى قايسى ھەرپنىڭ ئۇيغۇرچە ئىكەنلىكىنى بىلەلمەي بىلىپ-بىلمەي خاتا كود ئىشلىتىپ قالىدىغان ئەھۋالمۇ كۆرۈلدى. شۇ مەسىلىنىڭ ئوتتۇرىغا چىقىشىنىڭ بەلگىلىك تۈرتكىسىدە (ئەلبەتتە يەنە باشقا ئامىللارمۇ بار، ئۇلار ئۈستىدە تەپسىلىي توختالماي) مانا ھازىر UKIJ فونتلىرىنىڭ تۈزىتىشكە ئاتلىنىپ تۇرۇپتىمىز...

بىر فونتقا باشقا تىللاردىكى ھەرپلەرنى قوشۇش ياخشى ئىشتەك كۆرۈنگەن بىلەن خاتالىقسىز قوشۇش ئۇنچىۋالا ئاسان ئىش ئەمەس. بۇنى فونت ياساپ باققانلار ئېنىق بىلىدۇ، خۇددى ئىسنىڭ دەردىنى مورا بىلگەندەك. بۇ يەردە ئۇ ھەرپلەر جەدۋىلىگە قاراپلا ئاسانلا قوشقىلى بولىدىغان ئىش ئەمەس. بۇ قېتىم بۇ فونتتا پەقەت ئۇيغۇرچە فونتلارنىلا ساقلاپ قېلىشتىكى سەۋەب: 1) پەقەت ئۇيغۇرچە ھەرپلەرنىلا ساقلاپ قېلىپ بۇندىن كېيىن قايتا يۈز بېرىش ئېھتىماللىقى بولغان «ئۇيغۇرچە ھەرپلەرنىڭ ئورنىنى بىلەلمەسلىك» مەسىلىسىنىڭ ئالدىنى ئېلىش؛ 2) «ئۇيغۇرچە فونتلاردا چوقۇم قازاقچە، قىرغىزچە، ئەرەبچە، پارىسچە... ھەرپلەرمۇ بولۇشى كېرەك» دەيدىغان ئۆلچەم ياكى تەلەپ بولمىغاچقا، ئىنتايىن كۆپ ۋاقىت تەلەپ قىلىدىغان فونت تۈزەش يۈكىنى يەڭگىللىتىش. ھۆكۈمەت مەبلەغ چىقىرىدىغان تەتقىقات ئورۇنلىرى ياسىغان فونتلارغا دەرۋەقە كامىدا ئۇيغۇرچە، قازاقچە، قىرغىزچە ھەرپلەرنىڭ تولۇق بولۇشى سىياسىي نۇقتىدىن چىقىش قىلىپ تەلەپ قىلىنىدۇ. ئەمما، UKIJ دە تېخى ئۇنداق بەلگىلىمە يوق. باشقا تىلدىكى ھەرپ بەلگىلەرنىڭ بولماسلىقى ھەرگىز كود قالايمىقانچىلىق كەلتۈرۈپ چىقارمايدۇ. شۇنىڭغا ئوخشاش فونتلار Windows تا كۆپ، ئۇ نورمال ئەھۋال.

UKIJفونتلىرىنى تۈزەتكەندە چوقۇم ئەرەب يېزىقى ئىشلىتىدىغان قازاقچە، قىرغىزچە، ئەرەبچە، پارىسچە... قاتارلىق تىللاردىكى ھەرپلەرنى قوشۇش كېرەكمۇ؟ بۇ مەسىلە توغرىسىدا مۇدىرىيەتتىكى باشقا ئەزالار ۋە باشقا تورداشلارمۇ پىكىر بېرىپ باقسا...

ئەگەر قوشىمىز دەپ يەنە ئازراق مۇبالىغەلەشۈرسەك خەنزۇچە، ياپونچە، كورىيانچا، ھىندىچە ... لەردىكى بارلىق ھەرپلەرنى قوشساقمۇ خاتا ئەمەس. ئەمما، شۇنداق قىلىش فونت نى بارا-بارا «ئېغىر»لاشتۇرۇۋېتىدۇ. مەسىلەن: Arial Unicode MS نىڭ چوڭلۇقى 24 مېگابايت بولۇپ كەتكەن تەقدىردىمۇ يەنىلا ھەرپلەر چالا قالغان (بۇ بىر مىسال، مېنىڭچە بىز ئۇ يەرگىچە بارمايمىز).

مەتبەئەدە ئىشلىتىدغان بەلگىلەر فونتتىكى باشقا ھەرپ-بەلگىلەر بىلەن ماسلىشىشى كېرەك. UKIJ Tuz نىڭ ئىچىگە باشقا فونتلاردىكى «مەتبەئەدە ئىشلىتىدۇ» دەپ قارالغان بەلگىلەرنى ئۆز پېتىچە كۆچۈرۈپ چاپلاپ قويغاننىڭ ھېچقانداق ئەھمىيىتى يوق. ئۇ بەلگىلەرنى فونتتىكى باشقا ھەرپلەر بىلەن ماسلاشتۇرۇپ 0 دىن باشلاپ ياساپ قوشۇش زۆرۈر ئەمەس. چۈنكى ئۇلار تۇرسۇنجان تۈزەتكەن باشقا فونتلاردا بار.ھەممە فونتقا بەلگىلەرنى ئۆز پىتىچە چاپلاپ قويغاندىن، «UKIJ Metbee» دەپ بىر فونت ياساپ ھەممە بەلگىلەرنى ئايرىم فونت شەكلىدە تەمىنلىگەن ئەۋزەل.

مەتبەئەدە ئىشلىتىدىغان بەلگىلەرنىڭ قايسىلار ئىكەنلىكى، جەمئىي سانىنىڭ زادى قانچىكى توغرىسىدا ئېنىق ماتېرىيال بولمىغاچغا، مەن بۇ فونتقا ئەڭ كۆپ ئىشلىتىدىغان تىنىش بەلگىلىرىنىلا قوشقان. ئۇلار بار بولغان تەقدىردىمۇ يەنىلا ئەگەرئەشۇنداق ماتېرىيال بولسا تەمىنلسەڭلار. «مەتبەئەدە ئىشلىتىدىغان بەلگىلەر» دېگەن ئۆلچىمۇ يوق بىر مۇجىمەل ئۇقۇم. چۈنكى قوشىمىز دېسەك ، ئۇيغۇرچە نەقىشلەر، ماتېماتىكىلىق تەڭلىمىلەر، مۇزىكا نوتىسى ئۈچۈن ئىشلىتىدىغان بەلگىلەر ۋە يەنە باشقا ساھەدىكى بەلگىلەر ئىنتايىن كۆپ. باشقا مىللەتلەر ياسىغان فونتلاردىمۇ ئۇ بەلگىلەر ئالاھىدە بەلگە دەپ قارىلىپ ئايرىم فونت شەكلىدە ياسالغانلىرىمۇ بار. چۈنكى ئۇلارنى كىرگۈزۈشتە بەرىبىر ئەشۇ ھەرپلەر بار فونتنى تاللاپ ئالاھىدە ئۈسۇللارنى قوللىنىش تەلەپ قىلىنىدۇ(ئومۇمىيلاشقان كونۇپكا ئورۇنلاشتۇرۇلىشىدا ئۇ ئالاھىدە بەلگىلەرنى قانداق كىرگۈزۈش ئۇسۇلى بەلگىلەنمىگەن، ياكى ئۆلچەملەشمىگەن). ھەممىنى ئۆلچەملەشتۈرىمىز دېسەك قىلىدىغان ئىشلار بەك كۆپ. ئەسلىدە ئۆلچەملەشتۈرۈدىغان ئورۇنلار ئۆز ئىشلىرىنى بۇرۇنراق قىلسا بولاتتى. ئەمما، ئىشلار بىز ئويلىغاندەك بولمىغاچقا، تارقاق كۈچىمىز بىلەن بەزى ئىشلارنى قەدەممۇ-قەدەم قىلىپ، قەدەمنى كىچىكرەك ئالغانمۇ ياخشى دەپ قارايمەن. ئەگەر ئۇ بەلگىلەر لازىم بولسا UKIJ دىكى ئۇ بەلگىلەر بار فونتلارنى ياكى باشقا فونلارنى تاللاپ قويسا بولىدۇ. بۇنىڭغا ھەممە كىشى قايىل بولغىدەك ئۆلچەم چىقىرالايدىغانلىقىمىزغا ئۈمىدۋارلىق بىلەن قارىمىساممۇ، ھازىرغىچە سانى ئېنىق بولمىغان مەتبەئەدە ئىشلىتىدىغان ھەرپلەرنى قوشۇش-قوشماسلىقنى، زۆرۈر ياكى ئەمەسلىكى توغرىسىدا دائىمىي ئەزالار ۋە باشقا تورداشلارنىڭ داۋاملىق پىكىر بەرسەڭلار...

خۇلاسە: مېنىڭچە قازاقچە، قىرغىزچە، ئەرەبچە، پارىسچە... قاتارلىق تىللاردىكى ئەرەب يېزىقى ئاساسىدىكى بارلىق ھەرپلەر ۋە مەتبەئەدە ئىشلىتىدىغان بەلگىلەرنى تولۇق قوشۇش فونتلارنىڭ ئارتۇقچىلىقى بولسىمۇ ئۇيغۇرچە بىر تەرەپ قىلىشتىكى زۆرۈرىيەت ئەمەس. مۇدىرىيەتتىكى باشقا ئەزالار ۋە تورداشلار بۇ ھەقتە تەپسىلىي پىكىر قىلساڭلار...

ئۇيغۇرچە فونتلاردا زادى قايسى ھەرپ بەلگىلەر بولۇشى كېرەك؟ جاۋابىنى [url]http://www.ukij.org/munber/viewthread.php?tid=458[/url] غا يېزىڭ.

Oyghan
يازمىلار: 139
تىزىملانغان ۋاقتى: دۈيشەنبە ئاپرىل 02, 2007 6:48 am
ئالاقىلىشىش:

يازما يوللاش تەرىپىدىن يوللانغان Oyghan » جۈمە يانۋار 09, 2009 6:51 pm

تورداشلارنىڭ پىكىرىگە ئاساسەن، مەن تۈزىتىۋاتقان UKIJ Tuz گە باشقا فونتلارغا ئوخشاش ئەرەب ئېلىپبەسى ئىشلىتىدىغان باشقا تىللار، كېڭەيتىلگەن لاتىنچە ھەرپلەر رايونىدىكى ھەرپ-بەلگىلەر ۋە كۆپ ئىشلىتىلىدۇ دەپ قارالغان بەزى مەتبەئە بەلگىلىرىنى قوشماقچى. پىكىرلىرىڭلارغا رەھمەت. ئىش پۈتكەندە شۇ نامدا سىناشقا يوللايمەن.

==================
[url]http://www.ukij.org/munber/viewthread.php?tid=458[/url] دىكى تەكلىپ پىكىرگە ئاساسەن، كۆپچىلىك يۇقىرىدا سىناش پىكىرى بەرگەن [url]http://ouigour.free.fr/fonts/UKIJTuzYengi.ttf[/url] دىكى UKIJ Tuz Yengi نامىدىكى فونتنى تەكشۈرۈش تۈگىگەندە UKIJ Sap Uyghurche دېگەن نامدا ئۆزگەرتىپ قوياي. بۇ نامغا كۆپچىلىك قانداق قارايدىكىن؟

Oyghan
يازمىلار: 139
تىزىملانغان ۋاقتى: دۈيشەنبە ئاپرىل 02, 2007 6:48 am
ئالاقىلىشىش:

يازما يوللاش تەرىپىدىن يوللانغان Oyghan » جۈمە يانۋار 09, 2009 9:34 pm

فونتتىكى يېڭى تۈزىتىشلەر:

1. غەيرەت ئەپەندىم بايقىغان تۆۋەندىكى خاتالىق تۈزىتىلدى.

[quote]يەنە بىر ئىش UyghurEditتا فونتنى مۇشۇ فونتقا توغرىلىسام بۇ فونت ئەمەس باشقا بىر فونت كۆرۈنۈۋاتىدۇ. بۇنىڭ نېمە ئىش ئىكەنلىكىنى بىلەلمىدىم.[/quote]

2. ئۇيغۇر لاتىن يېزىقىدىكى ھەرپلەر بىلەن ئۇيغۇر ئەرەب يېزىقىدىكى ھەرپلەرنىڭ چوڭ-كىچىكلىكى ماسلاشتۇرۇلدى.

3. «ھ» ھەرپىنىڭ تۆت خىل ئورۇندىكى كۆرۈنۈشى تۆۋەندىكىدەك «قۇيرۇقسىز» پەرقلەندۈرۈلدى.
[img]http://ouigour.free.fr/fonts/H.PNG[/img]

شۇنىڭ بىلەن تورداشلار بايقىغان مەسىلىلەرنىڭ ھەممىسى تولۇق تۈزىتىلدى. [url]http://ouigour.free.fr/fonts/UKIJTuzYengi.ttf[/url] دىن قايتا چۈشۈرۈپ تەكشۈرۈپ باققايسىزلەر...

Perhat_k
يازمىلار: 180
تىزىملانغان ۋاقتى: جۈمە ئاپرىل 06, 2007 4:46 am
ئالاقىلىشىش:

يازما يوللاش تەرىپىدىن يوللانغان Perhat_k » شەنبە يانۋار 10, 2009 9:35 am

سالام كۆپچىلىك،
قوشۇمچە بولسىمۇ دەپ باقاي، «ساپ ئۇيغۇرچە» دىگەن فونتقا ئەرەبچە ھەرب بەلگىلەر، كۆپ ئىشلىتىلىدىغان بەلگىلەر قوشۇلسا، ساپ ئۇيغۇرچە بولماي قالامدۇ؟ (ئاز كۈن ئۆتۈپ شۇنداق پىكىر چۈشۈپ قالسا قانداق قىلىمىز؟) ئويلىشىپ باقساق.

Perhat_k
يازمىلار: 180
تىزىملانغان ۋاقتى: جۈمە ئاپرىل 06, 2007 4:46 am
ئالاقىلىشىش:

يازما يوللاش تەرىپىدىن يوللانغان Perhat_k » شەنبە يانۋار 10, 2009 9:37 am

ۋارىس ئەپەندىنىڭ ھ نىڭ تۆت خىل شەكلىنى بۇرۇنقى فونتلارغا ئوخشاشلا ئالغانلىقى ياخشى بوپتۇ.
(قۇيرۇقلۇق ھ نى ئىشلەتمەي تۇرساق.)

ئىنكاس يوللاش
[phpBB Debug] PHP Warning: in file [ROOT]/vendor/twig/twig/lib/Twig/Extension/Core.php on line 1275: count(): Parameter must be an array or an object that implements Countable

گە قايتىش

توردىكى ئەزالار

مۇنبەردىكى ئەزالار: 1 ۋە 0 مېھمانلار