UKIJ Tuz Tom نى سىناش تەرتىپلىرى

ئۇيغۇر كومپىيۇتېر ئىلمىي جەمىيىتىنىڭ ھەر خىل ئۇقتۇرۇش، مۇراجەت ۋە چاقىرىقلىرى، دائىمىي ئەزا ۋە ئەزالارغا يەتكۈزىلىدىغان ۋەزىپە ئورۇنلاشتۇرىشى قاتارلىقلار قويۇلىدۇ.
Alpsoft
يازمىلار: 101
تىزىملانغان ۋاقتى: سەيشەنبە دېكابىر 18, 2007 3:27 pm
ئالاقىلىشىش:

يازما يوللاش تەرىپىدىن يوللانغان Alpsoft » دۈيشەنبە دېكابىر 22, 2008 10:20 am

ھ نىڭ تۆت خىل شەكىللىك ئىكەنلىكىنى مەن ئالدىنقى يازمىلاردىمۇ بىر قۇر چۈشەنچە بېرىپ ئۆتكەن ئىدىم.
[img]http://www.alpsoft.cn/fonts/h.bmp[/img]
بۇ يۇنىكود 5.0 جەدۋىلىدە كۆرسىتىلگەن ئۇيغۇرچە [ھ] نىڭ تۆت خىل شەكلى.
[url]Http://www.alpsoft.cn/fonts/arabic.rar[/url] نى چۈشۈرۈپ، بۇنىڭ ئىچىدىكى FB50-FC3F.pdf دېگەن ھۆججەتنى ئېچىپ سېلىشتۇرۇپ بېقىشىڭلار.
ئاستىغا سىزىلىدىغان سىزىقنى مەن 11- ئاينىڭ 28- كۈنى يوللانغان نۇسخىسىدا ئوڭشاپ قويغان ئىدىم، بۇ قېتىم يوللانغان خەت نۇسخىسىنى مەن 0 دىن باشلاپ يەنە قايتا ياساپ چىققانلىقىم ئۈچۈن، ئاستىغا سىزىلىدىغان سىزىق بىلەن سىزىق (-) نىڭ ئورنىنى تەڭشەپ قويۇشنى ئۇنتۇپ قاپتىمەن، بۇلارنى تۈزىتىپ قوياي.
ئويغان ئەپەندىم دېگەن ئۆلۈك كود ئورنىدا كۆرۈلگەن ھەرپ شەكىللىرىنى چۈشەندۈرۈپ ئۆتەي، بۇ فونتنىڭ ئىچكى قىسمىدا شەكىل جەھەتتىن پايدىلىنىش ئۈچۈنلا قۇرۇق قالدۇرۇلغان ئورۇنلار، سىز ھەر قايسى ھەرپ جەدۋەللىرىگە قارىسىڭىز بىرىكتۈرۈلگەن ھەرپلەرنىڭ كۆپلىگىنى بايقايسىز، يېشىل رەڭدىكى كاتەكلەردىكى ھەرپلەرنىڭ ھەممىسىگە بىرىكتۈرۈلمىگەنلىرىدۇر، قىزىل، كۆك، سۇس قىزىل رەڭدىكىلىرى بولسا بېرىلكتۇرۇلگەن ھەرپلەر بولۇپ، بۇ فونتلارنىڭ سىلىق ۋە بىردەك چىقىشىدا پايدىسى كۆپ، قايتىلانما ھەرپ ياساش ئىشلىرىدىن قۇتۇلۇپ قالغىلى بولىدۇ، شۇنىڭدەك يېزىق كىرگۈزۈشكە ھېچقانداق تەسىرى يوق. ھەرپ بىرىكتۈرۈش دېگەندە، مۇنداق بىر مىسال ئالسام، لاتىنچە ھەرپ Ä نى ياساش ئۈچۈن بىز (..) ئىككى قوش چېكىت بىلەن A نى بىرىكتۈرۈش ئارقىلىق ياساپ چىقىمىز، مۇشۇنىڭغا ئوخشاش ئۇيغۇرچە ھەرپلەرنىمۇ مۇشۇ خىل ئۇسۇل بىلەن ياساپ چىقتىم، يەنى ـنـ ، ـتـ ، ـبـ ، ـپـ ، ـئـ ، ـېـ دەك ھەرپلەرنى ياساش ئۈچۈن چېكىت (.) بىلەن ـىـ نى بىرىكتۈرۈش ئارقىلىق ياساپ چىقتىم، شۇڭا ـىـ غا ئوخشاش شەكىللىك ئەمما ئاستىغا ۋە ئۈستىگە چېكىت كېلىدىغان شەكىللىرىنى بىرلا مەنبەدىن پايدىلىنىپ بىرىكتۈرۈش ئۇسۇلىدا ياسىۋالساق، بۇ ھەر قايسى ھەرپ شەكىللىرىنىڭ ئىگىزلىك ۋە كەڭلىكىنىڭ بىردەك بولۇشىغا كاپالەتلىك قىلغىلى بولىدىكەن، بۇ بىرىنچى سەۋەب. ئىككىنچى سەۋەب قازاق يېزىقىدىكى ٴا ، ٴو ، ٴۇ ، ٴى دىن ئىبارەت تۆت خىل سوزۇق تاۋۇش ھەرپىنىڭ ئۆزگۈرۈش شەكىللىرى ھالىتىدە پايدىلىنىش ئۈچۈنمۇ ئىشلىتىلىدۇ، مىكروسوفتنىڭ Arial ، Times New Roman ، Tahoma قاتارلىق فونتلىرىدىمۇ مۇشۇنداق ئۇسۇل قوللىنىلغان.
ھازىر تورداشلار ئىنكاس قىلغان مەسىلىلەر مۇشۇلار، بۇلار ئايدىڭ بولغان بولسا، فونت تۈزىتىش خىزمىتىنىڭ سىناق باسقۇچىنى ئاخىرلاشتۇرساقمىكىن دەپ قارايمەن، ئالدىدا يوللانغان سىناق خەت نۇسخىسىدا نۇقسانلار قالمىغانلىقى جەزىملەشتۈرۈلسە، قالغان فونتلارنى مۇشۇ فونت قىلىپىدىن پايدىلىنىپ تۇرۇپ ياساپ چىقىشقا كىرىشسەم بولىدۇ.



Alpsoft
يازمىلار: 101
تىزىملانغان ۋاقتى: سەيشەنبە دېكابىر 18, 2007 3:27 pm
ئالاقىلىشىش:

يازما يوللاش تەرىپىدىن يوللانغان Alpsoft » دۈيشەنبە دېكابىر 22, 2008 10:30 am

[img]http://www.alpsoft.cn/fonts/birikish.bmp[/img]
رەسىمدىكىسى Arial خەت نۇسخىسىدىكى ئەرەبچە ھەرپلەرنى ھەر قايسى بۆلەكلەر بىلەن بىرىكتۈرۈش.

Oyghan
يازمىلار: 139
تىزىملانغان ۋاقتى: دۈيشەنبە ئاپرىل 02, 2007 6:48 am
ئالاقىلىشىش:

يازما يوللاش تەرىپىدىن يوللانغان Oyghan » دۈيشەنبە دېكابىر 22, 2008 12:00 pm

ئەسسالامۇ ئەلەيكۇم،

[quote]بۇ يۇنىكود 5.0 جەدۋىلىدە كۆرسىتىلگەن ئۇيغۇرچە [ھ] نىڭ تۆت خىل شەكلى[/quote]

81-قەۋەتتىكى 4 خىل شەكىل ئۇيغۇرچە ھەرپ ئەمەس. ئۇ ئوردۇچە ھەرپ «ھې دوئاچەشمە». 2004-يىلدىكى يغىندا بىز ئۇيغۇرچە ھ ئۈچۈن 06BE نى ئىشلىتىدىغان بولغان، كېڭەيتىلگەن رايۇندىكى ئورۇنلارغا ئۇيغۇرچە ھەرپنىڭ ئىككى خىل شەكلىنى قويۇدىغان بولغان. مېنىڭ بىلىشىمچە ئۇيغۇرچە «ھ» نىڭ پەقەت ئىككى خىل شەكلى بار([url]http://www.ukij.org/fonts[/url] دىكى فونتلارمۇ شۇ بويىچە ياسالغان) ، قۇيرۇقلۇق شەكىللىرىنى مەن كىچىك ۋاقتىمدا ئۈگەنگەن ئېلىپبە جەدۋىلىدە ئەزەلدىن كۆرۈپ باقمىغان. ئەسلىدە بۇ ئۇنچىۋالا چىگىش مەسىلە ئەمەس ئىدى... تۇرسۇنجان چاقچاق قىلماۋاتقانسىز-ھە؟ بۇنىڭغا باشقا تورداشلارمۇ پىكىر بېرىپ باقسا...

[img]http://www.ukij.org/eza/oyghan/tests/h_urdu.PNG[/img]

Alpsoft
يازمىلار: 101
تىزىملانغان ۋاقتى: سەيشەنبە دېكابىر 18, 2007 3:27 pm
ئالاقىلىشىش:

يازما يوللاش تەرىپىدىن يوللانغان Alpsoft » دۈيشەنبە دېكابىر 22, 2008 1:33 pm

ئويغان ئەپەندىم، مەن سىزنىڭ نېمە دېمەكچى بولغانلىقىڭىزنى ئېنىق چۈشەندىم.
بۇ رەسىم شىنجاڭ ئۇيغۇر ئاپتونوم رايونى بېكىتكەن DB65/2190-2005 دا كۆرسىتىلگەن ئۇيغۇرچە، قازاقچە (ھ) نىڭ كودلىرى.
[img]http://www.alpsoft.cn/fonts/4h.bmp[/img]
فونتتا ئالدى بىلەن خەلقئارا ئۆلچەم بولغان يۇنىكود 5.0 گە ئەمەل قىلدۇق، ئاندىن قالسا ئاپتونوم رايون بېكىتكەن ئۆلچەم بىرلىكىگە ئەمەل قىلدۇق.
<2004-يىلدىكى يغىندا بىز ئۇيغۇرچە ھ ئۈچۈن 06BE نى ئىشلىتىدىغان بولغان> دەپسىز، ئەمىسە بۇ ئاساسىي رايون ھەرىپىنىڭ يالغۇز شەكلى يۇنىكود جەدۋىلىدە قانداق شەكىلدە ئېلىنغان؟ يەنە كېلىپ بۇ ھەرپنىڭ كېڭەيتىلگەن رايوندىكى ئۆزگۈرۈشلىرى قايسىلار. FBAA FBAB FBAC FBAD لارمۇ ياكى FEEB FEEC مۇ؟ مۇشۇلارنى ئايدىڭلاشتۇرۇۋالساقلا ئىش ئۇنداق مۇرەككەپ ئەمەس.
مەنمۇ بۇ ھ مەسىلىسىدە بەك ئىنچىكىلىدىم، سىز يۇنىكود جەدۋىلى بىلەن ئاپتونوم رايون بېكىتكەن ئۆلچەم جەدۋىلىنى بىر سىلىشتۇرۇپ كۆرگەن بولسىڭىز. ئاپتونوم رايون بېكىتكەن DB652190-2005 جەدۋىلىنى چۈشۈرۈش ئادرېسى: [url]Http://www.alpsoft.cn/fonts/ukkcode.rar[/url]
[url]http://www.ukij.org/fonts[/url] دا ياسالغان فونتلارنىڭ بەزىلىرىدە ھ نىڭ ئىككى خىل شەكلى بولۇپ قالغان بولسا، ئۇنداقتا بۇنىمۇ مەن ئالدىنقى قېتىمدىكى ماتېرىياللاردا خېلى تەپسىلىي قىلىپ چۈشەندۈرگەندەك قىلغان ئىدىم، مۇمكىن بولسا شۇ ماتېرىياللار مۇشۇ تېما ئاستىدا ياكى ئىنتىلدىكى مۇناسىۋەتلىك تېمىلار ئىچىدە بار، كۆرۈپ باقارسىز.
[img]http://www.ukij.org/eza/oyghan/tests/h_urdu.PNG[/img]
بۇ رەسىمدە بۇ ھەرپلەرگە ئوردوچە ھەرپ دەپ ئىزاھلاپ قويغىنى بىلەن، بۇنى ئۇيغۇرچە ھەرپلەر ئەمەس دېيىشكە بولمايدۇ.
ئەڭ ئاددىي ئۇسۇل، ھازىر بۇ مەسىلىدە كود خاتالىقى مەسىلىسى مەۋجۇد ئەمەس، پەقەت ھەرپنىڭ شەكىل مۇناسىۋىتىدە چۈشەنچە ۋە پىكىر ئالماشتۇرۇش بولىۋاتقاچقا، مېنىڭچە ئالدىمىزدا ئۇيغۇرچە يېزىقتا يېزىلغان كىتاب بولسا ئاشۇ كىتابتىن ھ نىڭ ئاخىرىدىن ئۇلىنىدىغان شەكلى ۋە يالغۇز شەكلى بىلەن كەلگەن سۆزلەرنى ئىزلەپ كۆرۈپ باقساق، ئاندىن ئۇيغۇرچە ھ نىڭ قانچە خىل شەكلى بارلىقىنى بىلەلەيمىز، بۇ ئەڭ ئاددىي ئۇسۇل، ھەم ئىشەنچىلىك ئۇسۇل.

Oyghan
يازمىلار: 139
تىزىملانغان ۋاقتى: دۈيشەنبە ئاپرىل 02, 2007 6:48 am
ئالاقىلىشىش:

يازما يوللاش تەرىپىدىن يوللانغان Oyghan » دۈيشەنبە دېكابىر 22, 2008 6:25 pm

سالام تۇرسۇنجان،

ئەمدى مەندىكى بەزى گۇمانلار تۈگىدى. «ھ» ھەرپىنىڭ كېڭەيتىلگەن رايوندىكى كودى ئەسلىدىنلا ئېنىق، يەنى FBAA FBAB FBAC FBAD ([url]http://www.ukij.org/fonts[/url] دىكى رەسىمگە قاراڭ). مەن ئۆيۈمدە بار كىتابلاردىن ئىزدەپ باقتىم. «ھ» ھەرپىنىڭ «قۇيرۇقلۇق» شەكىللىرىنى ئۇچراتمىدىم. يەنى بىر ئاددىي مىسالنى تۆۋەندىكى رەسىمدىن كۆرۈڭ:

[img]http://www.ukij.org/eza/oyghan/tests/h_uyghur.PNG[/img]

نۇرغۇن كىتابلار يۇقىرىدىكى رەسىمدە ئىشلەتكەن فونتلاردا بېسىلغان ھەم بېسىلىۋاتىدۇ. مەن ئۇ فونتلاردىكى «ھ» ھەرپىنىڭ شەكىللىرىنى خاتا دەپ قارىمايمەن.

«ھ» توغرىلىق پىكىرىم: [url]http://www.ukij.org/fonts[/url] دىكى ھازىر بار فونتلاردىكى «ھ» ھەرپلىرىنى ئەسلىدىكى ھالىتى(قۇيرۇقسىز)نى ساقلاپ قالغان ئاساستا تۈزىتەيلى. ئەگەر UKIJ Tuz Tom Yengi خەت نۇسخىسىدا «ھ» نىڭ شەكلى تۆت خىل دەپ قارىسىڭىز، بۇ پىكىرىڭىزگە ھۆرمەت قىلىمەن. مېنىڭ خەتتاتلىقتىن خەۋىرىم يوق، بەلكىم UKIJ Tuz Tom Yengi خەت نۇسخىسىدا شۇنداق بولۇشى مۇمكىم... ئۇ خىل ئەھۋالدا، UKIJ Tuz Tom Yengi غا يېڭى نام بېرىپ شۇ بويىچە ساقلاپ قېلىشقا مەن قارشى ئەمەس.

ئەمدى ئالاھىدە مۇزاكىرىلىشىدىغان ئىشلار قالمىغان بولغاچقا، UKIJ Tuz Tom Yengi نىڭ قېلىپىغا ئاساسەن [url]http://www.ukij.org/fonts[/url] دىكى فونتلارنى سىناشنى باشلىساق...

nurqut
يازمىلار: 60
تىزىملانغان ۋاقتى: يەكشەنبە ماي 04, 2008 2:03 am
ئالاقىلىشىش:

يازما يوللاش تەرىپىدىن يوللانغان nurqut » سەيشەنبە دېكابىر 23, 2008 2:26 am

بۇ ئۆلچەملىك خەت نۇسخىلىرىنى كۈتۈپ كۆزلەر تۆت بولۇپ كەتتى . تىزاراق بىز بىلەن يۈ كۆرۈشىشىگە ئىنتىزارمەن .

يەنە بىر قۇشۇمچە تەكلىپ :
مۇشۇ تور يۈزىدە ئىشلىتىلىدىغان بىر سىلىق خەت نۇسخىسى ياساپ چىقىلسا . ئەمىلىيەتتە تور يۈزىدە 16px تىن چوڭ ھالەت كۆپ ئىشلىتىلمەيدۇ . شۇڭا تور يۈزى خەت نۇسخىسى ئۈچۈن 8-16 ھالىتى سىلىق ، كۆركەم چىقىدىغان بىر خەت نۇسخىسى بۇ قېتىم ياساپ چىقىلغان بولسا .

بۇنىڭدا مۇنداق سەۋەب بار : ھازىر eot ئىشلىتىدىغان بولغانلىقتىن ئۇ قانچە كىچىك بولسا توربەتنىڭ ئېچىلىشى سۈرئىتى شۇنچە تىز بولىدۇ ، بولسا فونت تۈزەتكۈچى ۋە ياسىغۇچى تۆھپىكارلىرىمىز بۇ ھەقتە ئويلىشىپ باقسا .

ئاندىن مۇشۇ خەت نۇسخىسىنىڭ نامىنى بىرلا خەت بىلەن ئىپادىلىسەك بولماسمۇ ؟ بزە ئورۇنلاردا ukij tuz tom دەپ ئارىلىقىدا بوش ئۇرۇن بار خەت نۇسخىسىنى قوللىنىشتا قىيىنچىلىق تۇغۇلىدىكەن . شۇڭا مۇشۇنىڭغا ئوخشاش خەت نۇسخىلىرىنىڭ نامىنى بىرلا سۆز بىلەن ئىپادىلىسەك بولماسمۇ ؟
بۇنىڭدا C تىلىغا ئوخشاش مۇنداق ئۇسۇلنى قوللانساق بولىدۇ .UKIJTuzTom ياكى UKIJ_Tuz_tom دېگەنگە ئوخشاش .

Perhat_k
يازمىلار: 180
تىزىملانغان ۋاقتى: جۈمە ئاپرىل 06, 2007 4:46 am
ئالاقىلىشىش:

يازما يوللاش تەرىپىدىن يوللانغان Perhat_k » سەيشەنبە دېكابىر 23, 2008 3:33 am

ئەسسالامۇ ئەلەيكۇم، كۆپچىلىك،
تۇرسۇنجان ئەپەندى ئاخىرقى قېتىم تۈزىتىپ چىققان خەت نۇسخىسىدا خىلى كۆپ مەسىللەر تۈزىتىلىپتۇ، بۇرۇنقى UKIJ Tuz Tom خەت نۇسخىسى قۇرۇلمىسىغا (Yengi خەت نۇسخىسى 1-قېتىم چىققان نۇسخىلىرىغا قارىغاندا ئاخىرقىسى) كۆپ يىقىنلىشىپتۇ، لىكىن شەكىلى پەرىقلەنگەچكە مۇشۇ Yengiنامى بىلەن بولىۋەرسە بولىدىغان ئوخشايدۇ.
ئەمدىكى مۇھىم مەسىلە، ھ مەسىلىسىنى زادى ئويلاشماي بولمايدۇ. بۇنىڭغا قارىتا بىزدە ئىنىق بىر بىرلىك ھاسىل قىلىنىشى كىرەك.
مەنمۇ ھ ھەرىپىنىڭ 2خىل شەكلىنى بىلىدىكەنمەن، قۇيرۇقلۇق ھ ھەرىپى ماڭىمۇ غەلىتە بىلىندى.
بۇ مەسىلىنى باشقا تىل يىزىق ساھەسىدىكى ئۇستازلاردىن پىكىر ئىلىپ، ۋەياكى باشقا مۇناسىۋەتلىك يازما ماتىرىياللار بولسا سايىلەپ، كۆپچىلىك بىر پىكىرگە كىلىپ، ئاندىن بىر يەكۈن چىقارساق ياخشى بولاتتى.

Sahran
يازمىلار: 40
تىزىملانغان ۋاقتى: دۈيشەنبە ئاپرىل 09, 2007 8:08 am
ئالاقىلىشىش:

يازما يوللاش تەرىپىدىن يوللانغان Sahran » سەيشەنبە دېكابىر 30, 2008 3:25 am

2000- يىلى نەشر قىلىنغان تولۇقسىز ئوتتۇرا مەكتەپنىڭ ئۇيغۇر تىلى دەرسلىكىدە ھ ھەرپىنىڭ تۆت خىل يېزىلىش شەكلى باركەن. ئەمما يېڭىدىن نەشر قىلىنغان ئۇيغۇر تىلى ئېلىپبە كىتابلىرىدا ئىككى خىل يېزىلىشى بىلەن ئېلىنىپتۇ.

تۆۋەندىكى رەسىم 2000- يىلى نەشر قىلىنغان تولۇقسىز ئوتتۇرا مەكتەپنىڭ ئۇيغۇر تىلى دەرسلىكى 19- 20- بەتلەر

[IMG]http://i709.photobucket.com/albums/ww98/SahranPhoto/elipbe/ug_elepbe_01.jpg[/IMG]

[IMG]http://i709.photobucket.com/albums/ww98/SahranPhoto/elipbe/ug_elepbe_02.jpg[/IMG]

Oyghan
يازمىلار: 139
تىزىملانغان ۋاقتى: دۈيشەنبە ئاپرىل 02, 2007 6:48 am
ئالاقىلىشىش:

يازما يوللاش تەرىپىدىن يوللانغان Oyghan » سەيشەنبە دېكابىر 30, 2008 11:41 am

ئەسسالامۇ ئەلەيكۇم،

ئەسلىدە «ھ» مەسىلىسى ئانچە مۇرەككەپ مەسىلە ئەمەس ئىدى. قارىغاندا ئارىمىزدا ئۆز-ئارا چۈشىنىشەلمەسلىك بار ئوخشايدۇ. مەن تۆۋەندىكى مىسال بىلەن چۈشەندۈرۈشكە ئۇرۇنۇپ كۆرەي:
كۆپىنچە كىشىلەر 1 گە 1 نى قوشسا دەرھال 2 بولىدۇ دەپ جاۋاب بېرىدۇ. ئەمما ئۇنى «1، 3، 10 ياكى 11 ...» بولىدۇ دېگەندەك چۈشەندۈرسەكمۇ يەنىلا توغرا چۈشەندۈرگىلى بولىدۇ (تەپسىلاتىنى يازماي، ئۆزىڭىز ئويلىنىپ بېقىڭ). گەپ قايسى نۇقتىدىن چىقىش قىلىپ سەۋەبىنى چۈشەندۈرۈشتە ۋە چۈشىنىشتە.

«ھ» مەسىلىسىگە قايتىپ كەلسەك، «[color=Magenta]شەكىل[/color]» بىلەن «[color=Magenta]ئورۇن[/color]» دىن ئىبارەت ئىككى ئۇقۇمنى پەرقلەندۈرەلىسەكلا چىگىش يېشىلگەن بولىدۇ. تۆۋەندىكى مىساللاردىكى «ھ» ۋە «د» ھەرپىنىڭ شەكىللىرىگە قاراڭ:

ھازىر: سۆز باشلانغان ئورۇندىكى شەكلى
ئىلھام: ئوتتۇرىدىكى شەكلى
قەبىھ، نىكاھ: بۇ شەكىللىرىنى ئاياق ياكى/ھەم ئاخىر ئورۇنلاردىكى شەكىللىرى دەپ چۈشىنەيلى (نىكاھ تىكى ھ ئا دىن كېيىن كەلگەن ئەمما ئۇنىڭ بىلەن ئۇلانمىغان شەكىل)
ھ: مانا بۇنى ھەممىمىز يالغۇز ھالەتتىكى شەكلى دەپ قارايمىز.

شۇنداق بولغاندا «ھ» نىڭ ئىككى خىل شەكلى [color=Magenta]تۆت خىل ئورۇندا[/color] كەلگەن بولىدۇ.

========ئوخشاش مەنتىقە بويىچە «د» نى مىسالغا ئالساق========

داپ: سۆز باشلانغان ئورۇندىكى شەكلى
ئادەم: ئوتتۇرا شەكلى (يەنى ئا بىلەن ە نىڭ ئوتتۇرىسىدا كەلگەن شەكىل، ئەمما ئا بىلەن ئۇلانمايدۇ)
شاھىد، شاد: بۇ شەكىللىرىنى ئاياق ياكى/ھەم ئاخىر ئورۇنلاردىكى شەكىللىرى دەپ چۈشىنەيلى (شاد دىكى د ئا دىن كېيىن كەلگەن، ئەمما ئۇ ئا بىلەن ئۇلانمايدۇ؛ ئەمما ى بىلەن ئۇلىنىپ سۆز ئاخىرىدا كېلىدۇ)
د: بۇنى بىز يالغۇز ھالەتتىكى شەكلى دەپ چۈشىنىمىز.

شۇنداق بولغاندا «د» مۇ [color=Magenta]تۆت خىل ئورۇندا[/color] ئەمما ئىككى خىل شەكىلدە كەلگەن بولىدۇ.

يۇقىرىدىكى مىسال بويىچە داۋاملاشتۇرساق «ۋ، ر، ز، ژ» لارنىڭ نەچچە خىل ئورۇندا كېلىدىغانلىقىنى ۋە نەچچە خىل يېزىلىش شەكلىنىڭ تېپىپ چىقىش تەس ئەمەس.

بىز يۇقىرىدىكى يازمىلاردا پىكىرلىشىۋاتقان مەسىلىدە [color=Magenta]«ھ» نەچچە خىل ئورۇندا كېلىدۇ؟ [/color]دېگەن مەسىلەن بىلەن [color=Magenta]«ھ» نىڭ نەچچە خىل يازما شەكلى بار؟ [/color]دېگەن مەسىلە ئارىلىشىپ كەتكەن.

ئەگەر ئۇيغۇرچە ھەرپلەر سۆزلەردە نەچچە خىل ئورنىدا كەلسە، ھەر بىر ئورۇندىكىسىنى پەرقلەندۇرۇپ، ھەربىرىگە ئايرىم شەكىلدە پەرقلەندۈرۈپ ھەرپ ياسايمىز دېسەك «ھ» نىڭ 4 خىل شەكىلدە، شۇ مەنتىقىدىن چىقىش قىلساق «د، ۋ، ر، ز، ژ، » لارنىڭ ھەر بىرىنىڭ 3 ياكى 4 خىل شەكلى بار دەپ قوشۇپ ياسامدۇق؟

«ھ،د، ۋ، ر، ز، ژ، » قاتارلىق ھەرلەرنىڭ يالغۇز، باش، ئوتتۇرا، ئاياق ۋە/ياكى ئاخىر ئورۇنلاردا كېلىدىغان شەكىللىرىنىڭ ئىچىدە ئوز-ئارا ئوخشايدىغانلىرى بار. ئۇ ھەرپلەرنىڭ قانداق ۋاقىتتا ئۇلانغان ھالەتتە كېلىدىغانلىقىنى ھەممىمىز بىلىمىز. شۇڭا بىز ھەرپلەر نەچچە خىل ئورۇندا كەلسە ئۇنىڭ شۇنچە خىل شەكلى بار دەپ ئۇلارنى ھەربىر ئورۇندا پەرقلەندۈرۈپ يېزىشىمىزنىڭ ھاجىتى يوق دەپ قارايمەن.

يىغىنچاقلىغاندا، «ھ» 4 خىل ئورۇندا كەلسىمۇ، ئوخشايدىغان شەكىللىرىنى چىقىرىۋەتكەندە پەقەت ئىككى خىللا شەكىلدە يېزىلىدۇ. ھەر بىر ئورۇندىكىسىنى پەرقلەندۈرۈش ئۈچۈن تۆۋەندىكىدەك قۇيرۇقلۇق شەكىللەرنى قوشۇشنىڭ زۆرۈرىيىتى يوق، ئۇ قۇيرۇقلۇق شەكىللىرى ئۇيغۇر ئېلىپبەسىدە يوق. شۇڭا، فونتلارغا كىرگۈزۈشكە بولمايدۇ دەپ قارايمەن.
[img]http://www.ukij.org/oyghan/tests/h.png[/img]

Oyghan
يازمىلار: 139
تىزىملانغان ۋاقتى: دۈيشەنبە ئاپرىل 02, 2007 6:48 am
ئالاقىلىشىش:

يازما يوللاش تەرىپىدىن يوللانغان Oyghan » جۈمە يانۋار 02, 2009 11:45 am

ئەسسالامۇ ئەلەيكۇم ھۆرمەتلىك تورداشلار،

تۇرسۇنجان سۇلتان ئەپەندى يېقىندا سالامەتلىكىنىڭ ياخشى بولماسلىقى سەۋەبىدىن بۇ قېتىملىق فونت تۈزەش ئىشىنى بۇ تېمىدا بەلگىلەنگەن مۆھلەت ئىچىدە ئورۇنداپ بولۇشقا ئىمكانىيەت بولمايدىغانلىقىنى بىلدۈردى.

شۇ ۋەجىدىن، تۇرسۇنجان سۇلتان ئەپەندىنىڭ سالامەتلىكى ياخشىلانغىچە فونت تۈزەش ئىشىنى داۋاملاشتۇرىۋەرسەكمىكىن دەپ قارايمەن. مېنىڭ پىكىرىم، [url]http://www.ukij.org/fonts[/url] دىكى فونتلارنى ياسىغان ھەر-بىر كىشى ئۆزلىرى ياسىغان فونتلارنى تۈزەشكە مەسئۇل بولسۇن. دەسلەپتە ئىشنى كۆپرەك ئىشلىدىغان فونتلاردىن باشلايلى.

1. مەن پارىسچىدىن ئۆزگەرتىپ ياسىغان فونتىم UKIJ Tuz نى تۈزىتىشكە مەسئۇل بولاي؛
2. غەيرەت ئەپەندى ئۆزى ياسىغان UKIJ Nasq ، UKIJ Sulus ، UKIJ Nasq (Bold) نى تۈزىتىشكە مەسئۇل بولسۇن؛
3. ئالىم ئەھەد ئەپەندى ئۆزى ئەسلى ئاپتورى بولغان UKIJ Basma, UKIJ Tuz (Bold), UKIJ Zilwa, UKIJ Tuz Tom قاتارلىق فونتلارنى تۈزىتىشكە مەسئۇل بولسۇن (بۇ فونتلار ئەلكاتىپنىڭ فونتلىرى بىلەن نامى ئوخشاش بولمىسىمۇ، قېلىپى ۋە ئەسلى ئاپتورى ئوخشاش بولغاچقا قەدەمداش يېڭىلىنىپ تۇرسا ھەممىمىزگە پايدىلىق. بۇ ئىش توغرىلىق ئالىم ئەپەندىگە خەت يازغان، پات ئارىدا جاۋاب كەلسە بۇ فونتلار تۈزىتىلىشى مۇمكىن).

4. ؟؟؟ (ئۇ تىزىملىكى باشقىلار UKIJ بىلەن ئالاقىلاشمىغىلى ئۇزۇن بولدى، ئۇلار بىلەن تونىشىدىغانلار خەۋەر قىلىپ قويساڭلار، ئۆزلىرى ياسىغان فونتلارنى تاشلاپ قويمىسۇن)

كۆپچىلىك بۇنىڭغا قانداق قارايدىكىن؟ بۇ ئىش بەك كەينىگە سوزۇلۇپ كەتتى، يەنە قاراپ تۇرىۋەرسەك زىياننى تارتىدىغىنى يەنىلا ئۇيغۇرلار... گەرچە مېنىڭ ئىشلىرىم ئالدىراش بولسىمۇ، مەن UKIJ Tuz نى تۈزىتىشنى 2-ئاينىڭ 1-دىن بۇرۇن تاماملاپ كۆپچىلىككە سىناشقا سۇنىمەن.

ئىنكاس يوللاش
[phpBB Debug] PHP Warning: in file [ROOT]/vendor/twig/twig/lib/Twig/Extension/Core.php on line 1275: count(): Parameter must be an array or an object that implements Countable

گە قايتىش

توردىكى ئەزالار

مۇنبەردىكى ئەزالار: 3 ۋە 0 مېھمانلار