تېز كۇنۇپكىنى قانداق ئىپادىلەش ھەققىدە

Sahran
يازمىلار: 40
تىزىملانغان ۋاقتى: دۈيشەنبە ئاپرىل 09, 2007 8:08 am
ئالاقىلىشىش:

تېز كۇنۇپكىنى قانداق ئىپادىلەش ھەققىدە

يازما يوللاش تەرىپىدىن يوللانغان Sahran » پەيشەنبە ئىيۇن 12, 2008 5:40 am

ھازىر مەيلى قانداق يۇمشاق دېتال تەرجىمە قىلايلى، يولۇقىدىغان قېيىنچىلىقتىن بىرى مۇشۇ تېز كۇنۇپكىنى ئىپادىلەش مەسىلىسى. بۇنى ھەل قىلىشتا ئىككى يول بار:
1- ئەسلى ئىنگلىزچە ھەرپلەردە ئىپادىلەنگەن تېز كۇنۇپكىنى شۇ پېتى ساقلاپ قېلىش ھەمدە بۇ تېز كۇنۇپكىنى يالاڭ تىرناق ئىچىگە ئېلىش.
2- ئەسلى ئىنگلىزچە ھەرپلەردە ئىپادىلەنگەن تېز كۇنۇپكىنى ئەرەبچىگە ئوخشاش ئۇيغۇرچە ھەرپلەر بىلەن ئىپادىلەش.

ئادەتتە كۆپ ئىشلىتىلىدىغان Ctrl+C, Ctrl+V, Ctrl+X دېگەندەك بېرىكمە كۇنۇپكىلار شۇ پېتى قالدۇرۇلسا بولىۋېرىدۇ. ئەمما ھەر بىر كۆزنەكلەردە نۇرغۇن تېز كۇنۇپكىلارغا ئېنىقلىما بېرىلگەن. ھەتتا ھەر بىر تاللانما، ھەر بىر قۇر خەتكە بىردىن تېز كۇنۇپكا ئورۇنلاشتۇرۇلغان، بۇنداق قىلىش چاشقىنەك يوق ئەھۋالدا مەشغۇلات قىلىشقا، مەشغۇلات تېزلىكىنى ئاشۇرۇشقا بەلگىلىك رول ئوينايدۇ.
ئىنگلىزچە دېتالدا File دېگەن تىزىملىك بولسا ئادەتتە بىرىنچى ھەرىپى تېز كۇنۇپكا يەنىF ، خەنزۇچە دېتاللاردا بۇ F ھەرپى يالاڭ تىرناق ئىچىگە ئېلىنىپ بىر تەرەپ قىلىنغان چۈنكى خەنزۇچە ئېلىپبەلىك يېزىق بولمىغاچقا ھەرپكە ئورۇنلاشتۇرۇش مۇمكىنچىلىكى يوق. ئەمما ئۇيغۇرچە ئېلىپبەلىك يېزىق بولۇپ ھەر بىر ھەرىپكە تېز كۇنۇپكىنى ئورۇنلاشتۇرۇش تامامەن مۇمكىن.
ھازىرقى مەسىلە قانداق قىلىپ مۇشۇ تېز كۇنۇپكىلارنى بىرلىككە كەلتۈرۈش مەسىلىسى.
مەسىلەن: File ئىنگلىزچىدا F تېز كۇنۇپكا بولغان بولسا؛ ئۇيغۇرچىدا ھۆججەت دەپ تەرجىمە قىلىپ باش ھەرپى ھ نى تېز كۇنۇپكا قىلامدۇق؟ ئەگەر تىزىملىكتىكى باش ھەرپلەر توقۇنۇشۇپ قالسا ئىككىنچى ھەرپنى تېز كۇنۇپكا قىلامدۇق ياكى ئۈچىنچى ھەرپنىمۇ؟ قايسى ھەرپلەرنى تېز كۇنۇپكا قىلىشقا بولمايدۇ؟ بەزى ھەرپلەر مەسىلەن پ ې ي چ دېگەندەك ھەرپلەرگە تېز كۇنۇپكا ئورۇنلاشتۇرۇلسا ھازىر بىز ئىشلىتىۋاتقان ئۇيغۇرچە خەت نۇسخىلىدا ئاستى سىزىق سىزىلسا كۆركەملىككە تەسىر كۆرسىتىدۇ، بۇ مەسىلىلەرنى قانداق بىر تەرەپ قىلىمىز؟
تورداشلارنىڭ يۇقىرىقى مەسىلە توغرىسىدا پىكىر قاتناشتۇرۇپ دەسلەپكى قەدەمدە بولسىمۇ ئۇيغۇرچە يۇمشاق دېتاللاردىكى تېز كۇنۇپكا ئىشلىتىش سىناق لايىھىسىنى تۈزۈپ چىققان بولساق كېيىنكى تەرجىمە خىزمەتلىرى ئۈچۈن چوڭ قىيىنچىلىقتىن بىرى ھەل بولغان بولاتتى.



tayir
يازمىلار: 28
تىزىملانغان ۋاقتى: شەنبە ئىيۇن 02, 2007 4:05 pm
ئالاقىلىشىش:

يازما يوللاش تەرىپىدىن يوللانغان tayir » دۈيشەنبە ئىيۇن 16, 2008 10:25 am

تېزلەتمە كۇنۇپكىنىڭ گىپى چىقىپ ناھايتى ياخشى بولدى . بۇ مەسىلە يۇمشاق دېتال تەرجىمە قىلىشلا ئەمەس بەلكى يۇمشاق دېتال تۈزۈگىلەرمۇ ئويلىشىدىغان مەسىلە .
ھەممە كۇنۇپكا تىزىملىكەرنىڭ تىزلەتمە كۇنۇپكىسى بولسا ئىشلەتكۈچىلەرنىڭ شۇ سېستىمىنى ئىشلىتىش ئۈنۈمىنى يۇقۇرى كۆتىردىغان ياخشى ئۇسۇل . ھازىرغىچە تۈزۈلگەن ئۇيغۇرچە يۇمشاق دېتاللارنىڭ كۆپ قىسمىدا ئېنگىلىزچە ھەرىپلەرنىڭ ئىشلىتىلىشى كۆپ ساماقنى ئېگەللەيدۇ .
مەنمۇ بۇرۇن بىرنەچچە يۇمشاق دېتالغا ئۇيغۇرچە خەتلەرنى ئىشلىتىپ سىناپ باققان. بىراق ساھران ئېيىتقاندەك ئاستىدا چىكىت بار خەتلەرنىڭ چىكىتلىرىنى سىزىقچە تۇسۇۋالىدىكەن . شۇنىڭ بىلەن ئۇيغۇرچە خەتنىڭ لاتىن يىزىقىنى ئىشلەتكەن ئىدىم .
مۇشۇ توغرىسىدا جەمئىيەتتتىكىلەر بىرەر ئۆلچەمنى ئوتتۇرغا قويغان بولسا تېخىمۇ ياخشى بولاتتى .
مىنىڭچە ئۇيغۇرچە يىزىلغان خەتلەرنىڭ لاتىنچە يىزىلىشىدىكى باش ھەرىپنى ئالساق قانداق بىرقەدەر ئۇنۇم ياخشى بولامدىكىن دىگەن ئويدا . قېنى باشقىلار قانداق قارايدىكىن . جەمئىيەتتىكىلەر چۈ ؟

Perhat_k
يازمىلار: 180
تىزىملانغان ۋاقتى: جۈمە ئاپرىل 06, 2007 4:46 am
ئالاقىلىشىش:

يازما يوللاش تەرىپىدىن يوللانغان Perhat_k » سەيشەنبە ئىيۇن 17, 2008 2:24 am

سالام ئەپەندىلەر،

ساھران ئەپەندى، دىتال ئۇيغۇرچىلاشتۇرۇش ئىشلىرىغا كۆپ كۈچ چىقىرىپ كىلىۋاتىسىز، ھارمىغايسىز.

بۇ تىزلەتمە كونۇپكا ئورۇنلاشۇرۇش ئىشىنى ئوتتۇرغا قويۇپ ياخشى قىپسىز، كۆپنىڭ پىكىرىنى ئالغاندا، ياخشى تەكلىپلەر، لايىھىلەر چۈشۈپ قىلىشى مۇمكىن. ھەم بۇنىڭدىن ياخشى ئامال چارىنى تىپىپ چىقىشقا كۆپ پايدىلىق.

بەزى (ساپ) ئۇيغۇرچە كۆرۈنمە يۈزلۈك دىتاللارغا قارىساق، باش تىزىملىك ناملىرىغا تىزلەتمە كونۇپكا ئالماي، پەقەت Alt كونۇپكىسىنى باسقاندا "كومپىيۇتېرنىڭ دىققىتى" تىزىملىك رايۇنىغا ئۆتۈپ، كونۇپكا تاختىسىدىكى ئوڭ، سول، ئاستى، ئۈستى ئىستىرىلكا بەلگىلەر ئارقىلىق مۇناسىپ كونۇپكا بۇيرۇقىنى بەرگىلى بولىدۇ.
تىزىملىك ئىچىلغاندىكى بۇيرۇقلاردا كۆپ قوللىنىلىدىغان، ئوموملاشقان تىزلەتمە كونۇپكىلار بىرىلىپتۇ. (مەسىلەن، كۆچۈرۈشكە Ctrl+C، چاپلاشقا Ctrl+V، ... دىگەندەك.)
بۇ خىل ئۇسۇلنى مۇھەممەد ئەپەندى تۈزگەن يۇلغۇن تەھرىرلىگۈچنىڭ تىزىملىكىدىن كۆرۈش مۇمكىن:
[img]http://www.ukij.org/eza/perhat_k/soft/yulghun1.png[/img]


ئەمدى مىنىڭ شەخسەن قارىشىمدا، تىزىملىك ناملىرىدا زادى ئىشلىتىش زۆرۈر بولسا ئۈستىدىكى tayir ناملىق ئەزا ئىيتقاندەك، باش تىزىملىك ناملىرىغا ئۇيغۇر يىزىقىنىڭ لاتىنچە ئىپادىلەش لايىھىسى بويىچە باش ھەرىپىنى ئالساقمۇ بولىدىغاندەك قىلىدۇ.

Intil
يازمىلار: 485
تىزىملانغان ۋاقتى: پەيشەنبە ئاپرىل 12, 2007 4:50 am
ئالاقىلىشىش:

يازما يوللاش تەرىپىدىن يوللانغان Intil » چارشەنبە ئىيۇل 02, 2008 3:56 pm

بۇنى تەتقىق قىلىشقا ئەرزىيدۇ. تەجرىبىسى بارلار تەجرىبىسىنى ئوتتۇرىغا قويسا ...
مېنىڭچىغۇ ساھران ئەپەندى ئۆز تەجرىبىلىرى ئاساسىدا بىر لايىھە تەييارلاپ چىقسا ئاندىن شۇ ئاساتا مۇكەممەللىسەك.

ئىنكاس يوللاش

گە قايتىش

توردىكى ئەزالار

مۇنبەردىكى ئەزالار: 2 ۋە 0 مېھمانلار